قل للرياح تأتي كيفما شاءت فما عاد لنا سفن في اليم نجريها .
مع بداية يوم جديد يستيقظ الجميع ليجدوا اسمهان تحضر لهم الطعام وتعد لهم نوع مميز من الحلوى .
تندهش نور فكيف من كاد بكاءها يمزق القلوب هي من تستيقظ باكراً لصنع الفطور والحلوى .
ولكن يعلم كل من ياسر واية ما هو حال اختهم فهي تفرغ كل حزنها بإعداد الحلوى ،ولكن كيف من باتت حياته بدون الحلوى ان يتقن اعدادها .
نور : صباح الخير يا سمسم عاملة أيه النهارده ؟
اسمهان : الحمد لله احسن بكتير اخبارك انت نمتي كويس اسفة اني قومتك من سريك واوضك بس معلش مش هتكرر .
نور : اسفة أي واوضة أي انا مش فارق معايا كل ده انت كنت شايفة حالتك انت كويسة طيب ؟
اسمهان : انا كويسة يا بنتي بجد متقلقيش هي حالة بتطلع كده هبة وتروح لحالها .
طلب ياسر من اسمهان ان تعد له كوب من القهوة وتأتي لمكتب والده فهو يريد ان يتحدث معها .
أعدت اسمهان كوبين من القهوة واخذتهم إلى المكتب فعادة ما تحب ان تشارك ياسر بتناول القهوة وهي ايضاَ تريد ان تمضي قدما لا ان تظل حزينة. طرقت الباب مستأذنة للدخول وسمح لها ياسر بالدخول وجلست امامه يتحدثا .
ياسر : قوليلي بقى يا ست البنات مالك وكان فيكي أي امبارح عادة انا مبسألكيش لكن اظن ان بكاء امبارح ده مكنش عادي ؟
اسمهان : حقيقي مفيش سبب ليه كانت شوية تركمات وراحت لحالها واهوانت شايف بقيت كويسة .
ياسر : ماشي هعمل نفسي اقتنعت لاني على ثقة تامة بيكي وان سبب البكاء ده هعرفه في وقته لذلك مش هضغط عليكي ، عامة انا ليا خبر يسعدك ويفرحك شوية .
اسمهان وهي تعرف ما سوف يحكيه اخيها ولكنه تنكر المعرفة : خبر أي قول يلا خلي الفرح يدحل بيتنا .
ياسر : عارفة محمد ابن خالتك لما كان هنا امبارح طلب أي ؟
اسمهان : هو جاي يطمن عليك ولا جاي يطلب ؟
ياسر : يا لمضة اكيد مش بيرخم ده طلب اكتر حاجة ممكن تسعدنا كلنا ، طلب مني ايد نور ، انت عارفة طبعاً قلقنا على نور كلنا ومش هنلاقى انسب ليها من محمد سن وعقل ومنصب واخلاق وقريبنا ومتربيين سوا يعني عارفين كل حاجة عنه ، ناقص بس موافقتها وموافقة بابا ، بس قوليلي أي رايك فيه لنور؟
اسمهان : طبعا محمد اخ لينا مش ابن خالتنا بس متربين سوا وخالتوا ألفت طيبة وحنية وساعدت في تربيتنا مع بابا بعد ما طنط سعاد سابتنا وخدت نور، بس مش فرق السن كبير شوية يعني نور لسه هتم ال20 ومحمد 27 ، وكمان مظنش نور هتقدر على سفر محمد وانت عارف انه بيسافر كتير بالشهور ، بس كاخلاق وتربية طبعا مفيش افضل منه لنور ولأي حد محمد عريس ميتعوضش ،.
ياسر : الله أي المديح ده كله واخوكي بقى ملوش نصيب في كل المديح ده ولا اخوكي يتعوض بقى ؟
اسمهان : دي يا بختها ياهناها وبعدين خد هنا مش بقالنا سنين وسنين بنقنعك تتجوز وجبنالك عشرات العرايس ده غيراننا زهقنا من الزن عليك انك حتى تكمل توضيب الشقة ولا حياة لمن تنادى .
ياسر يتذكر ان هذه الشقة من اخترتها هي هاجر وانه لا يريد ان يكمل أي شيء بها حتي لا يتذكرها .
اسمهان مقاطعة ذكرياته الأليمة : أي يا حضرة الضابط ايلي واخد عقلك يتهنى به .
تبادل كل من ياسر واسمهان الضحكات المصطنعة حتى لا يظهر احد منهم حزنه للأخر .
وفى منزل اللواء تخبر اية ابيها بانها موافقة على الارتباط بأحمد ولكن تريد ان تضع فترة للخطوبة ليست بقصيرة كعام او نصف عام يوافق ابوها بكل سرور وسعادة فأخير وافقت اية على الشخص المناسب فكان دائما ما يتمنى ان يزوج اية لأحد من تلامذته وكان المفضل عنده دائما هو ياسر ولكن ياسر لا يفكر في الزواج حتى يزوج اخوته ولكن أحمد هو ايضاً نعم الشاب واستطاع بدهائه ان يقنع ابنته وهو يأمل ايضاً ان يقنعها ان تستقر ببيتها .
في منزل هاجر
تتحدث هاجر مع فتاة على الهاتف : بجد يعني دلوقتى اسمهان يا حرام قلبها مكسور يعني اخيراً وبسهولة نقدر نسحب رجليها في أي حاجة تبعنا وعشان الاخبار الحلوة دي انت اجازة اسبوع واول زبون ليكي بعد كده هتاخدي الفلوس كاملة مش نسبة بس هي مرة واحدة بس .
الحزن ابتلاء من الله واختبار لقوة صبرنا وايماننا بالقضاء والقدر
