Fall For Me, Eris Abreo (GxG)

Chapter 27: Ms. Intramurals

Mori's PoV

Chineck ko yung phone ko after makalabas ng shower room. Nagtext si Kuting na magsisimula na daw yung pageant at need niya akong makita before start. Agad akong napatakbo papunta sa art center. Hindi ko na napansin yung oras. Almost eight na pala.

"Mori saan ka!?" Tawag ni ate Sue.

"Magsisimula na yung pageant!" Sigaw ko pabalik ng hindi humihinto sa pagtakbo. Marami paring tao sa campus dahil may event nga. Dahil nga sa maypagka-tanga ako ay ulit sa pagmamadali ko, may nabangga ako.

"Hala sorry!" Agad kong sabi.

"No it's o- Mori?" Sino ba naman ang magaakalang siya nanaman ang mababangga ko at this time nahulog yung drink niya.

"Nikki?"

"Nagmamadali ka nanaman?" Natatawa niyang tanong.

"Oo eh sorry uhm ililibre nalang kita sa susunod. Mauuna nako ah." Seryoso, kailangan ko nang umalis dahil nagiintay si Avi sakin. Kumaway ako para magpaalam nung pigilan niya ulit ako.

"I won't let you go without asking your number again. Paano ako makakasigurado na ililibre mo ko." Inabot niya ang phone niya habang may pilyang ngiti. Kung sabagay may tama naman siya. Kinuha ko ito at agad na tinype ang number ko.

"Magpakilala ka muna." Paalala ko at binalik na yung phone.

"Of course. Go na." Pagtataboy niya sakin. Napangiti ako dahil mukhang makakasundo ko talaga siya.

"Thanks! Di ka manonood?" Tanong ko habang papalayo. Umaatras lang ako.

"I will later." Kumaway na din siya at nakasimangot na tinuro yung natapon na inumin niya. Pinagdikit ko yung dalawa kong palad bago bumigkas ng sorry. Hindi nako sumigaw dahil medyo nakakalayo nako. Tumango naman siya.

"Tumingin ka sa dinadaanan mo!" Nakangiti niyang paalala. Nagthumbs up ako at tumalikod na nga. Nagmadali na ulit akong tumakbo at pumasok sa backstage ng AC. Hinanap ko agad yung sa department namin. Ang daming tao dito. Una kong nakita si Jun. Ang gwapo niya ngayon. Kahit may something akong kulo dito na appreciate ko naman itsura niya.

"Eris! Andito na antidepressant mo." Tawag sa kanya ni ate Chi nung makita ako. Dumako ang tingin ko sa napakagandang babae na sobrang ganda sa ayos niya. Medyo curly yung hair niya at mas lalo siyang tumangkad dahil sa heels. Kahit naka jeans at yung department shirt lang na tinali para magmukhang crop top ang suot niya ay ang lakas parin ng dating. Labas yung abs niyang nakakapanghina. Tangina ang hot ni Kuting ko.

"You are late." Bungad niya sakin habang nakakunot yung noo.

"Eris sa labas na kami magiintay ah. Come out in five minutes." Paalala nina ate Roseann at nauna na nga silang maglabasan. Siguro pupunta din ang ilan sa audience para makita yung buong magaganap tapos yung iba maiiwan sa backstage para tumulong.