Unicode
"ကိိုယ့်ရဲ့ချစ်သက် ရုံးကအပြန်ဘာဝယ်လာခဲ့ရမလဲ"
ဂျုံအင် အင်္ကျီဝတ်နေရင်းနဲ့ သူ့အား မနက်စာစားဖို့ လာခေါ်နေတဲ့ ချစ်ရပါသော ကောင်လေးကိုကြည့်ပြီးမေးလိုက်သည်။
"ငါ လိမ္မော်သီးစားချင်တယ် "
"ဟုတ်ပြီဗျာ ဝယ်လာခဲ့မယ်"
ဂျုံအင် သူ့ရဲ့ဂျောင်ဆူးကို ပါးပြင်ပေါ်က လခြမ်းကွေးလိုမျိုး အချိုင့်လေးပေါ်သည်အထိ
ပြုံးပြကာ ပါးပြင်လေးကိုတစ်ချက်နမ်းရှိုက်လိုက်သည်။သူတို့အောက်ထပ်ဆင်းလာတော့ ဟိုရှီလေးက ဆိုဖာပေါ်အိပ်လျက်သားလေးရှိနေ၏။ ဟိုရှီက သူတို့နှစ်ယောက်ရဲ့ အဖြူရောင် Pom (ပိုမေးရေးနီးယန်း) ခွေးလေးပင်ဖြစ်သည်။
ဂျုံအင်က ဟိုရှီလေးကို ဖွဖွလေးပွတ်သက်ပြီးတော့ တစ်ချက်နမ်းလိုက်သည်။ ပြီးတော့ မနက်စာစားဖို့အတွက် ထိုင်ခုံမှာနေရာယူလိုက်တော့သည်။
ခဏအကြာ ဂျောင်ဆူးက ချိစ်ပြားလေးတင်ထားတဲ့ ပေါင်မုန်ု့ကင်လေးနှစ်ချပ်ရယ် ၊ ကြက်ဥကြော် မကျက်မတကျက်လေးရယ်ကို ထည့်ထားတဲ့ ကြွေပန်းကန်ဝိုင်းလေးနဲ့အတူ နို့များများရောထားတဲ့ လက်တေးပူပူလေးတစ်ခွက်ကို ရှေ့ချလာပေး၏။
"ကောင်းကောင်းစားပါ့မယ် "
ဂျုံအင်က ရိုသေသဖွယ်လေးပြောလိုက်တော့ ဂျောင်ဆူးက သဘောတကျနဲ့ပြုံးရယ်လေ၏။ ဂျောင်ဆူးဟာ သူ့အတွက် မနက်စာကို သေချာလေးပြင်ဆင်နေကြပင်။
အိမ်ထောင်သက်တမ်း ၃ နှစ်ရှိခဲ့ပေမယ့် သူတို့နှစ်ယောက်က တစ်ယောက်ကိုတစ်ယောက်နားလည်ပေးရင်းနဲ့ တကယ်ကို ပျော်ရွှင်နေခဲ့တယ်။"နေ့လယ်ကျ ဖုန်းဆက်လိုက်မယ်နော်"
မနက်စာစားပြီးပြီဖြစ်လို့ ရုံးသွားတော့မည့် ဂျုံအင်ကို ဂျောင်ဆူးက တံခါးပေါက်ဝနားထိလိုက်ပို့နေကြ။
"အင်း ကောင်းကောင်းသွားနော် ချစ်တယ် "
"ကိုယ်ရောပဲ ... အေးတာမို့လို့ မြန်မြန်အထဲဝင်
ကိုယ်သွားပြီနော် "
YOU ARE READING
Galanthus Nivalis
FanfictionThe light shining into my life came from burning his life. Kim JongIn & Doh KyungSoo