Park Jimin chu mi hausa fapa duat,hmeltha si,chhelo,duhawm....tha tih hian a huam kim vek ti ila kan sawisuallo ang. Mipa tamtak nih leh neih chak a nei vek ti ila a dik bawk ang.
A mizia a tha a,a fel bawk si a,han ngainatloh theih a nilo.
Mahse pawnlamah chuan tiang chuan a lang a,a chhungril erawh chu hlauhthawnna hlirin a khat ve thung.
A natna vei cancer hian a stage sang ber a thleng tawh tlat mai a,an hmuchhuak har si a,an hriatchhuah meuh chuan thla hnih pawh dam nan alo nei fumfe tawhlo a,chu thil chuan a nun a thlaksak vek ta a ni.
A thiante leh a chhungten an duat em em a,a duh tihsakloh mang pawh an neilo. A changin an chhuahpui a,a nawmloh leh inah a thianthaten an awmpui reng bawk a,chu chuan a chang chuan a natna neih chu a theihnghilh tir ve thin.
Mahse chutiang chu engtiklai pawn ani reng thei silo a,a inngaihtuah nasat chang chuan a tla rawk rawk thin.
.
.
.
.
.
December ni 4 a ni a,Jimin te thianho zinga an upa ber Jin birthday lawmin an thianho chu club-ah an party a,Jimin pawn engmah eiin in ve vek theilo mah se nuam a ti tih a hmel atang a lang vek thei a,chuthil an hmuh chuan a thiante hlim dan chu sawifiah theih pawh a nilo.
Zan a rei ve tawh a,club-ah pawh chuan mi thenkhat an tam tawh a,anlo kai ve deuh tawh nen,an thianho chuan an hmelhriatloh te pawh an pampui thuak thuak tan tawh.
Chutihlai chuan Jimin chuan lamna hmun chu alo thlir reng a,a kut lehlama a ipte zenin lehlamin juice a keng ran bawk a,hmeichhia chauh nilo,mipa thenkhat,amah rawn biak tumtu pawh an tam narawh e. Mahse a mawihnai thei ang berin alo hnar zel a,a thiante thlira nuih vur vur chu nuam a ti zawk a ni ngei ang.
Rei fe hnuah a mit chu tuemaw chungah a fu ta chat mai le.
Mipa pian nalh tak,sang si,a melh nat hmel zet leh hmeltha zet a hmuh chuan a hawisawn thei tawhlo. Engtia rei nge alo melh char char pawh a hre chuanglo. A en reng pa-in a rawn nuih sek a hmuh chuan a harh chhuak zuk a,a thil in lai chu hak bawrh bawrhin a zak lutuk chu a sen nghal tawn tawn a,bathroom-ah a tlan lut nghal bawk a.
Bathroom chhungah tumah anlo awmlo tih a hmuh chuan a thaw hawk a,a hmai chu beng vak vakin darthlalangah chuan a in en a,tumah an awmloh vang chuan a hmel chu a siamchhe vak vak bawk a.
Duhtawka a zahna a tihchhuah hnu chuan a hmai chu a phihfai a, darthlalangah chuan a in en leh vang vang a. Chutihlai chuan bathroom kawngkhar chu a rawn inhawng ri rek a, darthlalang atanga a en chuan a phu chiang kher mai.
A hmui peh fan fan pah chuan a kun nghal a,a ke chu a per che reng a. Thawm riva engmah a hriat taklohah chuan a hawichhuak a,chutihlai tak chuan hnunglam atangin a kawngah tuemaw hian a kut rawn zen a,nghet tha ve pangngai hian a rawn kuah nghal a, darthlalang atanga tunge anih a hmuh theih vang chuan a ip nghal zuk a,thawk pawh a thaw tha ngamlo nghal.
A hming a hriatloh,mahse chhelo a tih em em pa chuan a nghawngah dim deuh hian a rawn fawp a,Jimin chu a za chhuak nghal vek. A mit a chhing diar diar a,a nghawng chu tlemin a thle deuh bawk a.
"Hi baby boy."
A aw a hriat chuan Jimin chu a nui sek a,a hnunga ding mipa hmachhawn zawng chuan a inher a,a nghawngah a kut pahnih chuan a kuah nghal zat bawk a.
"Hi."
"Nangmah ang chiahin i aw pawh a mawi anih hi."
Chu thil a hriat chuan Jimin chu hnunglama awnin a nui har har a,a awmah chupa chuan a rawn fawhsak nghal zeuh bawk a.
"Inhriatchian i duh em? Nge..."tihpahin chupa chuan a hmui chu a melhsak zeuh a,Jimin chuan a mitah alo en reng ve thung a.
"I hming? Hmm?"chupa biangah chuan a kiss sak zeuh pah a.
