Jeon Jeongguk chu tattoo artist niin kum 21 a ni a,Seoul-ah chuan a hlawhtling pawl tak a ni. A ngaihzawng,Park Jimin ve thung chu kum 18 niin SNU-a sir thar tur a ni a,a nu leh pa te hi Park Seojun leh Min Hyeri te niin Asia pumpuia Top Lady leh Gentleman hauhtu an ni. Mi hausa tak chhungkua an ni a, Jeongguk leh Jimin inkar pawh hi hriatpui vekin,nu leh pa tam tak anglo takin an zahpui ve heklo.
.
.
.
.
.
*Happy Anniversary babe,pawnah ka ding reng tawh ania.*
Text message a hmuh chuan Jimin chu a nui vur vur a,darthlalanga a in leh thuak hnu chuan a room atang a chhuak a.
*Ka lo kal e 😘*
.
.
.
.
.
An anniversary a nih vangin Jeongguk chuan Jimin chu Seoul khawpuia hmun hrang hrang a fanpui a,SNU dorm-a ni nga hnua a luh tawh dawn vangin a bula hun tam a hman theih zawk pah nana a thlan a ni bawk.
Lunch an ei zawh chuan inkai rialin park-ah an kal a, Jeongguk chuan Jimin chala a fawh loh leh a bekah a fawhsak reng a,Jimin chu tomato ang velin a sen reng mai a ni.
"Jiminie...arts leh dance ah maw major i tum?"Jeongguk chuan Jimin chu nalo tein a nghawk salh a,Jimin chu a nui ker ker a.
"I hriat reng kha Kookie,mahse contemporary dance ka tui ber a,ka insawrbing ang,ka ring."
"Wow,anih chuan inneihniah i lam thei tihna. Miin Jeongguk pasal chu an inneihniah vantirhkohah a chang a,a lam thiam bawk si an ti ngei ngei ang,"a tih chuan Jimin chuan Jeongguk chu a beng pawp a,a lâi nasa lutuk hliah nan a kut lawmawm deuh chuan a hmai a hup tlat bawk a.
"Jiminie?"
"Hmm?".
"Jimin-ssi?"
"Hmm?"
Nuih sek paha thawk la hak chungin Jeongguk chu Jimin hmaah a ding a,Jimin hmai hupna kut chu ama kuta vuanin a laksawn sakna,a bialpa lai hmel leh a biang tai tek a hmuh chuan duh hmel deuh hian a en ngawih ngawih a,a hnarah a fawhsak pah zeuh a.
"Jimin-ah,ka duh zia che hi ka hrilh tawh che em?"
Jimin chuan a nuihloh nan a hmui a pet fan fan a, Jeongguk âwmah chuan a bei ringawt a. Ngainatawm deuha nuiin Jeongguk chuan Jimin darah a vawnsak a,a hmel a en theih nan a pawt sawn hret a.
"Tunah hian inneih puia sawm tawh mai che ka duh."
"Jeonggukie....."
Jeongguk chuan muangchangin Jimin nghawngah chuan a kut a rawlh a,a lehlama a kawnga vuanin a lamah a pawt hnai salh a,khawvelah hian an pahnih chauha awm ang mai an ni.
Jimin chuan mitchhing chungin thawk a la vang vang a, Jeongguk rim pa hrak,mahae tlema nu deuh si,rimtui tak mai a hip chuan a nui sek a, Jeongguk chuan a hmuiah a lo fawhsak zeuh a,mahse a awmsawn leh nghal a. Jimin la maimitchhing reng a hmuh chuan a hmuiah a fawhsak leh a. Vawihnih...vawithum...vawili...
A vawi nga naah chuan awm sawn tawhloin a hmui chu a ti che tan a,Jimin hmui chu seh ne ne-in a lei a rawlh a,chuveleh Jimin chuan a hmui lo ti kau nghalin a ka chuan Jeongguk lei chu a lo dawngsawng tha kher mai.
Minute nga deuhthaw a ral hnu chuan inthen hrangin an chal chu a insi a,thawk an la dun ham ham bawk a. Jeongguk chuan Jimin khabe-a dawm sakin a mitah chuan a en vang vang a.
"Ka hmangaih che."
.
.
.
An date chu a kal tluang kher mai. Dinner ei tura restaurant an pan lai chuan an hmaa thil eng lutuk vang chuan Jimin chu a ding chawt a,tlan sawn nghal tum mah se a che sawn thei der lo. Jeongguk erawh chu che vatinna tih theih awm chhun a ti nghal a,aman a tawrh phah ta a ni.
Jimin chu vuanin tlansawnpui dawn ta se car chuan an pahnihin a su hman chiah chiah dawm tih a hria a chuvang chuan a tha neih zawng zawng sawmkhawmim Jimin chu kawng sir lamah a nem sawn nghal a,Jimin chuan a tluk rual rualin car ri dawp thawm a hre nghal a ni. Jeongguk tia Jimin a au tuarh lai chuan car chuan a hmaa thing chu a su leh pawp a,an bul hnaiha mi ho chu am rawn tlan khawm sup sup a.
