Saturday zan a ni a,khua pawh a thiang tha kher mai.
Ka inchei dan darthlalang atanga ka en chuan lungawi deuhin ka nui sek a,doorbell rawn ri ka hriat chuan hawnsak turin ka chhuak nghal a.
Zanin hi kan company neitu,ka boss ni bawk Namjoon nen company hrang hrang inhmuhkhawmnaa kan kal zan tur a ni a,a PA ang leh a partner angin ka kal dawn a,ka phur rual rualin ka huphurh kher mai.
Namjoon hi 'bi' a nih vang nge ni,bialnu emaw bialpa a nei ngailo a, partner kalpui a ngaih chuan keimah hian ka kalpui mai zel a ni. Ka boss ni mah se kan inkawm nasa em em a,kan inthurual hle bawk.
.
.
.
Kawngka ka va hawn chuan Namjoon chuan minlo nuih sen sen a,that hi chu a tha mawle mahse hmeichhe lampangah hian a rilru a thle mawlhlo hi a ni e.
"Chhelo ve,"a rawn ti chhuak a,a ban puama nalo tea ka bensak hnu chuan a car awmna lamah kan kal a,nui vur vur chunga polite deuha min hawnsak hnu chuan mit siai keuh pahin ka lut,a ni pawh a rawn lut thuai a.
.
.
.
.
.
A hmun chu a ropui kher mai,a mawi bawk si. Hmun tinah ei tur a awm a,ka kalna chi tak,haha.
Namjoon chuan mi thenkhat biak neuh neuh tur a neih vangin reivaklo hnuah min kalsan a,keipawn eitur ei pahin room vel chu ka fangkual a.
A boring kher mai. Thutak deuh deuhin thenkhat an inbia a, company hrang hrang party a nih vangin thu inhmulo deuh deuh lah an tam. Kei,engmah tihtur neilo hi,a boring tur zia chu in hrethiam ang.
Darkar chanve vela liam ang tih chuan fountain pakhat bulah hian ka ding ran a,ka hma lawka ka mi hmuh vang chuan ka thin hi a phu dup dup thei. A ni angem? Nilo angem? A bula dingpa a biak nen chuan an nui leh hak hak thin a, sazupui lawmawm deuh anga a nuih chuan ka rinhlelhna chu dik tih ka hre nghal thei.
Engtinnge a nih theih? Ka hmuh leh tawh ka inring ngailo asin. A hmel chu ka en vang vang a.
Ka high school crush,mahse ka rival ni bawk Jeon Jeongguk ngei kha. A rei tawh hle mai.
A hmel a tha zual sauh emaw tih maitur a ni a,a pian phei chu sawiselbo.
Busan-a High School kan kal lai khan keiai kum khatin a nau a,mahse a all-round em em a,sport, competition tih velah kha chuan keiai a sang daih thin. Keipawh tiang lampanga ka tel nasat vang hian kan inel em em a,kan tel dunna a inan tawh chuan boruak hi a tang thin teh e.
Engemawni berah ka chak chuan a dangah a theihpatawp a chhuah a,min hneh leh nge nge thin. Chutiang reng reng chuan High School nun kan hmang a,amah bak midang duh ka neilo kha mak ka ti zawk. Tianga min el chung khan ka duh ve em em a,hre phei se chuan a intithei viaulo ang tih tunge sawi thei?
Vanduaithlak kan ti dawn nge,vanneihthlak kan ti zawk ang,ani ai ka zo hmasa a,Seoul-ah zirna chhunzawm tura ka kal tak vang khan engmah chanchin kan inhre chhunzawm talo a,ka unrequited love ve ngei kha.
Ka ngaihtuahna vang chuan ka nui chhuak sek a,intur semtu-in champagne a rawn ken chu kalo laksak a,ka in dawn lai takin Jeongguk chu ka va en a,minlo melh chiang kher mai.
Ka thil in lai chu hakin ka khuh kherh kherh a,ka bula tissue chuan ka inhru fai a,van thing thei tak,ka zak bawk si.
Rei vaklo hnua ka hawichhuah leh chuan Jeongguk minlo en rengtu nen chuan kan inmelh leh siah a,a lu chu a thle hlek a,min hrechhuak theilo a ni ngei ang. Ka danglam tawh em a,hmana chubby Park Jimin kha ka ni tawh hleinem le...ka nuih sek a.
Ka rinloh deuhin Jeongguk chuan min rawn nuih let a,ka lam pan chuan ala rawn kal ta deuh deuh a nih chu. Ka tlanchhe daih dawn nge chhuanlam siamin amah tawklo zawngin hmundangah ka kal ang? Aw Lalpa! Kala duh tihna ami? Minla ngei angem? Enge a hriat a? Hawisawn ta che!! Arghhh!!
Ka chhungrila ka insual bur bur lai chuan ka bul a rawn thleng ta hlawl mai. Ka nervous lutuk chuan ka lungphu hi a phu nge a tawp pawh ka hrehrang lo. Ka za chhuak chuai chuai ni mai hian ka hria. Ka thaw ri te hi a hre thei hial ang a....
