Jimin's POV
Vawiin hi Jeongguk nen kan inneih ni a ni ve ta reng mai.
Naupan lai atang inkawm thin kan ni a,keiman feelings ka nei hmasa tih chu ka sawilo mai ang.
High School kan kal lai vel atang khan mak deuh maiin hmeichhia hian min hip ngai miahlo a, ka hrethiamlo thin.
Mahse hmeichhe tam takin Jeongguk an bawr a thilpek an pek thin te hian ka lo thik thei em em a,a tir chuan keipawn ka hrethiam vatlo. Hmeichhe duhtu a ngah vangin ka thik emaw ka ti thin a,mahse ngaihzawng a neih takah chuan amah niloin hmeichhia zawk te kha ka ngei tlat thin a,chuta tang chuan Jeongguk laka ka feelings hi ka hrethiam tan a ni.
Inkawm reng thin kan nih vangin inthup chu a harlo. Mahse a hrehawm zia leh rilru a nat duh zia chu sawiin a siaklo zawk.
Tlem tlemin ka inla hrang a,min duh thei dawnlo tih ka hria a,chuvang chuan keipawh a laka ka feelings te dah boin hmeichhe thenkhat ka date tan ta a ni.
A tir chuan a harlo a,ka tih theih mai pawh ka ring thin. Mahse hmeichhia hi ka duh theih ka inringlo,Jeongguk chiah niloin mipa lamah ka rilru a awm zawk tih te ka hrechhuak tial tial a, University kan kal meuh chuan mipa hlir ka date tawh.
Jeongguk nen pawh la inkawm ve thoin University inangah kan lut dun chho zel a,mahse a hma angin kan inpawh tawhlo. Ka feelings a hria te pawh a ni mahna,a hma angin min kuah huam huamin friendly date tihvel pawh kan nei tawh ngailo.
Kan second year kum niin ka hria, Valentine's day ah date nei turin ka chhuak dawn a, Jeongguk nen room kan in share thin tih ka la sawilo tak. Jeongguk chuan min en duh kher mai. Ka date tur ka hrilh chuan hriatthiam theihloh hian a nui hul hak a,a room-ah a lut daih bawk a,ka en zui vawng vawng a.
Ka date nen dinner kan ei dunna tur hmun ka thlen chuan a lo awm der tawh a,ka thlen chuan minlo nuih sen sen a,ka ngaihthatlohna pawh a bo nghal vek.
Dessert kan ei dawn lai chuan khawi emawni lai atangin mipa panga vel hi an rawn chhuak a,kan dawhkan lama tawng vak vak chunga an rawn kal chuan ka zam kher mai. Ka date ka en chuan inthiamloh hmel deuh hian min lo en reng tawh a,ka thin hi a rawn tawt nghal up up a.
"Jimin,ka tihpalh lutuk. Vawikhat dinner ka ei pui theih che chuan dollar 100 an bet a,ka hnar theilo a ni."
Ka tah chhuak lutuk ka insum nasat lutuk vang nge ni,rilru pangngai ka put meuh chuan restaurant bathroom-ah min hmachhawn chungin Jeongguk alo ding reng tawh.
Ka ban a vawn ngheh dan atang chuan min hruaitu chu amah a ni tih ka hrethiam mai.
"Enge ilo tih?"
"Chuchu a pawimawh lo. Tinge an nuihzat tura i awm Jimin?"
"Enge pawi? I buaina tur a awmlo Jeongguk, engvangin nge ilo kal reng reng? Engnge rawn tih i tum?"
Jeongguk chu a ngawi reng a,ka mitah min en reng vang chuan ka nervous lutuk ringawt.
Thawk ka lak halh hnu chuan ka zam apianga ka tih thin angin ka hmui chu ka pet fan fan a,ka inrinloh lai takin Jeongguk chuan ka khabeah a rawn dawm a,a mita en turin min kuai dak a.
"I hmui kha pet tawh suh Jimin. Ka insum theihna a bo hma hian tawp rawh."
A thil sawi vang chuan ka lung hi a phu dup dup mai. Ka beisei ngamloh,ka suangtuahnaa a changa ti tura ka lo ngaihtuah thin anga a awm takah chuan ka awihlo rum rum zawk.
Ka mumang ni ta se? Mumagah tal ka chance neihchhun chu ka bawhpelh phallo.
Ka hmui ka la pet reng a hmuh chuan a tawp nan ka mitah a rawn melh a,ka hmuiah chuan engmah sawi tawhloin a rawn fawp nghal a,ka lo thlakhlehna zawng zawng kha tichhuak niawm takin ka lo fawp let nghal tawn tawn a,a bak chu...in hriat kha.
Jeongguk hian min duh tan tirh dan emaw min duh chhan a sawi ngailo,mahse a pawilo,tunah chuan ka pasal a ni tawh dawn a. Nitin min hmangaih thu leh keimah chiah min hmangaih thu min hrilh ziah a,chubaka ka tana thil hlu chu a awm chuanglo.
Biakin kawngkhar hmaa ka din chuan thawk ka la hawk a,lawm vanga ka nuih sek hnu chuan muangchangin kawngkhar chu a rawn inhawng a,ka pasal chhelo tak ka hmu thei dawn ta.
.
.
.
.
.
"Doctor! Patient no 56 hi a thawk a buai leh tawh ania!"tia au ri an hriat veleh doctor leh nurse thenkhat chu room pakhatah hian an tlan lut nghal a, machine thenkhat lo ri chuah chuah chu enin damlo chu an buaipui nghal mawp mawp a, vanneihthlak takin engkim a fel leh thei hram e.
Mr. Park,damdawiin neitu ni bawk chu a fapa room-ah chuan mittui parawl kuang chungin a lut a. A fapa dang bel mai, accident vanga a hmaia ser awm thleh thluah a hmuh chuan insum theiloin a mittui chu a rawn hnam tiam tiam a,a khum bulah chuan a thu thla a,a ser te chu dim deuh hian a khawih sak a.
"Ka fapa....heng i ser neih chhan hian vawiinah nupui a nei tawh dawn asin. Tinge ilo la harh loh? A hlim chuan ka hlim ang kha i ti sia, tinge natna thlentu che vanga hetianga i awm tak mai? I natna hian a nupui neih a thulhtir phah chuanglo asin,hetianga awm hi phulo. Hlim taka nun theihna hun i la ngah asin."
Zawi tea tap fep fepin Mr. Park chuan a fapa kut chu a vawnsak a,khuma a lu nghatin miin a tap tih an hmuhloh nan hnuailam chu a bih reng a,a fapa mit atanga mittui lo luang erawh a hmuh hmaih ta a ni.
*Pa,ka ngaihtuahnaah chuan kan innei mek asin,kha khawvela thil thlenglo tam tak a thleng tawh a,ka hlim tih i hrethiamlo a ni.*
