(Unicode)စာသင်ခန်းထဲတွင်စားပွဲခုံပေါ်ခေါင်းစိုက်ထားရင်းကောင်းကင်ကြီးကိုငေးကြည့်ကာအန်းရွှယ်အတွေးများနေသည်။
သူ့ဘေးနားကအကြည့်စူးစူးတွေကိုတော့လျစ်လျူရှုထားလိုက်၏။နောက်ရက်တွင်ချန်အိမ်တော်၏လက်ရှိခေါင်းဆောင်သူ၏သွေးမတော်သားမစပ်ဉီးလေးပြန်ရောက်ပေမည်။တစ်ဆက်ထဲနိုင်ငံခြားရှိ ကုမ္ပဏီ တစ်ခုနှင့်စာချုပ်ချုပ်ဆိုနိုင်ခဲ့သဖြင့်ပါတီပွဲတစ်ခုရှိပေလိမ့်မည်။
သူ့အရင်ဘဝတွင်လည်းသူ့ဉီးလေးချန်ရန်းနှင့်တွေ့ဖူးသည်မှာလက်တစ်ဖက်နှင့်ပင်ရေတွက်၍ရသည်။
ဒါပေမဲ့သူတွေးနေတာကဒီအကြောင်းအရာတွေမဟုတ်။သူသိချင်တာကဒီဘဝမှာသူ့မိထွေးဘယ်လိုအကောက်ကြံမည်ဆိုတာကိုပင်။
ထိုပါတီကသူပထမဆုံးအရှက်ကွဲသည့်ေနရာဆိုလဲမမှားပေ။ထိုအချိန်ကသူ့မိထွေးကသူ့ဉီးလေးနှင့်ဆက်ဆံရေးကောင်းစေရန်ဆိုသောရည်ရွယ်ချက်နှင့်လက်ဆောင်ပေးရန်ဖြောင့်ဖျခဲ့သည်။
သို့သော်ကလေးတစ်ယောက်ကဘာကိုဝယ်နိုင်မည်နည်း။အထူးသဖြင့်ဖခင်ကဂရုမစိုက်၊မိထွေးကသူ့ရဲ့လစဉ်စရိတ်ကိုအသိပင်မပေးဘဲခိုးယူထားတဲ့အချိန်မှာပေါ့။
ထို့ကြောင့်သူ့ရဲ့ယွမ်တစ်ရာပင်မကျော်သောလက်ဆောင်လေးမှာပါတီပွဲတစ်ခုလုံး၏ပျက်ရယ်ပြုစရာဖြစ်လာခဲ့သည်။မိသားစုလေးစု၏ခေါင်းဆောင်ချန်မိသားစုကကလေးကိုပင်မုန့်ဖိုးမပေးနိုင်ဘူးလားဆိုသည့်ကောလဟာလပင်ထွက်ပေါ်လာခဲ့၏။
သူ့မိထွေးကတော့အားလုံးရှေ့မှာမတရားခံရသူကြီးပမာပြုမူကာ သူမမပေးပါနဲ့လို့တားတာတောင်မရဘူးဟုပြောဆိုအသနားခံတော့၏သူ့မှာတော့ဘာမှမပြောနိုင်ဘဲကြောင်အလျက်သာရှိနေခဲ့သည်။ခင်ဗျားဘဲပေးခိုင်းတာမဟုတ်ဖူးလားဆိုပြီးလည်ပင်းထညစ်ချင်စိတ်ကိုထိန်းထားခဲ့ရသည်။
ထိုအချိန်ကစပြီးအထက်တန်းလွှာအသိုင်းအဝိုင်း၏ကြောက်မက်ဖွယ်ကောင်းပုံကိုသူစတင်သိရှိလာရတော့၏
"ဒေါက် ဒေါက်"
သူအတွေးလွန်နေသည်မှာလင်းယန်သူ့စားပွဲကိုလာခေါက်မှသတိဝင်တော့သည်။အတန်းထဲကိုဝေ့ပတ်ကြည့်လိုက်တော့တစ်ယောက်မှရှိမနေတော့။
YOU ARE READING
ငပျင်းနတ်ဆိုးဘုရင်လေး၏ပြန်လည်မွေးဖွားခြင်း (ရပ်နား)
FantasyBoth unicode and zawgyi အရာအားလုံးကိုဖြတ်ကျော်ပြီးတဲ့နောက်မှာသူလောကရဲ့ထိပ်ဆုံးကိုတက်လှမ်းလာနိုင်ခဲ့တယ်။ပြီးတော့...အမ်..ပြီးတော့သူ့မှာဘာမှလုပ်စရာမရှိတော့ဘူး။ပျင်းတယ်..ပျင်းတယ်...ငါသောက်ရမ်းပျင်းလာပြီ။ဒီလိုနဲ့သူအသက်6နှစ်အရွယ်မှာပြန်မွေးဖွားလာတယ်.... ဒ...