#كحل_عرب
(احضان باردة)
((( بقلم زينب ماجد )))
الحلقة_٥
(طيحة مأمون )
شَمــس مُغـرب حَياتي وباگهـا المــاي
لــِ عريان السيد خلف ||🖤
سرحان : اكعد يا ابو علاء نحج
ابراهيم : لا مالي كعدة يا شيخ ، بت ٧ اشهر يتيمة وتنطك لا صايرة ولا دايرة وين عايشين بغابة شني مالهم اهل ويطك الجهال .. هو واخته احنا مالنا غرض بس جهالنا من يمسهم .. ما نسكت.
- ابو الولد مشلول والولد هاذ زايعته الكاع ومتكوي اعلى الوادم بجماعته .
- احنا ناس لا النا بالرايح ولا بالراد بس من ينطكون جهال المرحوم ياشيخ ما نسكت، الجهال ناخذهم عدنا ومالهم ردة لامهم .. تريدهم تجي تعيش عدنا ، غيرها مالها بزر عدنا ، والولد اذا جان اله عشيرة واله عمام ، حسابنا وياهم .
- ابوهم ذاب جرش وياي ، وانا وحيد مثل عباس اغم ما اطلع وراه .. لجن تنحل ان شاءالله ، نحج وياه وان ما رد نشوفله جارة .
اخذوا الجهال وطلعوا ، طلع سرحان ومشى لبيت حاكم .. تلكته ايمان تبجي : ابو مأمون بروح خنجر عليك شوفلي جارة ويا عباس ، والقران جزعت سكم خواته سكم .. وعلى الرايحة والجاية كاتلهن ، خلصني منه بروح الحسين عليك .
- بس اكعدي وصيحي الاء خل نشوف هالردي شني سالفته وياها .
صاحت على الاء ، اجت دموعها تجري ، كعدت كدامه ، حجه : حسي دموعج يابه وكليلي النذل هاذ شجراله وياج
- عمي كل السالفة هاي وكتلتي يريد مني ال٥ ملايين الطونياهن بالمنحة مال الشهداء .
- تنطينه سم بكلبه هالجلب هاذ ... اليوم اكضنه اكضنه هالنذل ... كومي وياي وروحي لبيتي جم يوم ارتاحيلج شوية .
- جهالي .. كلبي عليهم
- جهالج خذوهم عمامهم
نشغت وضربت على صدري : - عمامهم شدراهم .. وشجابهم ؟
- النذل مخابر عليهم وكايل الهم يجون ياخذونهم .
يمه من كالي هيج انفتيت فت من القهر ، كمت الطم على وجهي .. فوك طكتي وطكة جهالي وقهري .. شكول وشحجي كدام عيالي ، اخوية كتلني وكتل جهالي وطردهم .. يا شماتة اتحملها واجرعها .
نانة : هسه دكومي روحي ويا سرحان .. ويصير خير
- شروح وجهالي ماخذينهم ، تفهمين شني ماخذينهم ياهو اليطينياهم بعد عكب كتلتهم هاي ، ولج كلبي راح يطك من القهر والله ، وين رحت عني حمزة وييييين ، جاي تشوف بحالي شصااااار ، ولك انذليت والله انذليييت .
ايمان : عساها بحظه وابخته وبعافيته ، ءءءءءء ربي ناخية الحسين الشهيد اليمرمر عباس وما يخليه يتهنى ولا يشوف الهنا بعمره .
