#كحل_عرب
(احضان باردة )
((( بقلم زينب ماجد )))
الحلقة_9
( تحذير مروان )
إبتسم لي الدنيا تحلى
واحس كل الناس يحبيّب حبايب ..
لــِ عريان سيد خلف ||🖤
الاء : هستوني طلعت من الحمام .. جاي ادور ع الخاولي مدري وين وداه علو .. سمعت الباب انفتحت وخطوات بالحوش ، باوعت من الباب شفته كدامي ، باوعلي ابتسم ووكف بالباب وهو يناوشني العلاكة : هنا اهلج
- لا راحو .
- اها ليش مو كتلج راح اجيبن عشا ، شلون خليتيهم يطلعون بلا عشا
- ابوي مناك ما يكدرن يطولن ، هالراحن
- هاا
من درى البيت ما بي احد طب ، فتح اديه لقمورة دا تمشي شالها وذبها للهوى يلاعبها : شلونها القمر شلوووونها .
- راح تبقى
باوعلي : لا والله لازم ارجع ..
- اي
-هااا
- ليش محتاجة شي
هزيت راسي بمعنى لا ودرت وجهي حتى اضيع ضوجتي واني اصيح : وين وديتوا المشط لخاطر ااااااااالله
- بيج شي متغير
انداريتله عاقجة حواجبي : شنو
- انت كولي شنو .. شمسويه
- كلشي ممسوية
- ها
- يلا .. اجيكم باجر ديري بالج على نفسج و ع الجهال
- شعدك ابيت اهلك
- مو كتلج اليوم جبت كوثر ومشتريلهم دجاجة مشوية عشا .. وكلتلهم هسه ارجع .. منتظريني
- هي المنتظرتك قصدك
- هي وجهالي .. مشتاقلهم صالي فوك الشهر ما شايفهم
- اي روح منو اللازمك
ابتسم ، وتقرب عليه .. كض ريموت التلفزيون ويباوعلي : شبيك
- اكو شي بكلبج تريدين تكولين
- مثل شنو
- ما اعرف ، اذا اكو حجي بكلبج احجي ليش كاتمته
- متأكدة
- اي
تنهد : خوش .. يلا هاي درته على سبيستون .. ديري بالج عليهم .. واذا احتاجيتي شي خابريني حتى لو جان ب٢ بالليل .. ماشي
- االله وياك
حجاها وطلع .. ظليت اباوع وراه
شكد تفشلت واني التفكيري سرح وكمت اتخيل وعبالي من راح يلكاني حافة ومتغيرة يبقى .. واصلا ليش اريده يبقى ، عساه لا بقى شلي بيه ..
