💕أحبني_مراهق💕
للكاتبة #رباب نجمة#
الجزء5:
من بعد نهار طويل فالكافي و الكلية رجعات شمس عيانة للدار وحاجة وحدة لي فبالها هو الفلاش ديال الصباح .. دخلات للڤيلا كتبركم ومعاجبها حال حتى تصدمات بالوجود ديال فخر الدين معرضليها بإبتسامتو الجذابة.. شمس: فخر أشنو جابك لهنا.. فخر الدين (بعدم فهم): واش نسيتي ياك درنا نجي عندك اليوم.. شمس(ضربات على جبهتها) : أه سمحلي بزاف مشاتلي من بالي كان عندي نهار طويل عييت فيه بزاف.. فخر الدين(بإبتسامة) : وأنا هنا غير باش نريحك.. شمس: غادي نطلع نبدل حوايجي ونهبط عندك وخا.. فخر الدين: وخا أحبيبة.. شمس طلعات بالزربة لبيتها بلاما تعلق على ديك "حبيبة" حيت بصح عيانة مافيها لي يتصادع مع شي حد.. لبسات فيساع شوميز فالأحمر مشبكة خفيفة وقصيرة دالنعاس وزادت فوقها بينوارها فالأحمر خلات شعرها مطلوق على جنب وهبطات للكوزينة.. شمس: أمل فيناهي ماما وعمي.. أمل: خرجو أختي مشاو لعند مدام حفصة.. شمس: كان خصهوم يساينوني نمشي معاهم مهم انا غنمشي دبا.. أمل: تبغي أختي نوجدليك شي حاجة.. شمس: لالا ماتحتاجيش كليت على برى جيبي جوج كيسان دالقهوة لجردة.. أمل: وخا أختي دبا يكونوا عندك.. خرجات شمس بمشيتها الموزونة حتى وصلات عند فخر الدين لي غي لمحها وقف وبقا حال فمو كل نهار كيزيد يعشقها بقاو عينيه غي على سيقانها وصدرها لي باينة الفرقة ديالو (هاذ خيتي ماعليها حكام).. شمس: فخرو تعطلت عليك.. فخر الدين: لالا خودي راحتك.. فخر الدين : غبرتي عليا بزاف "قرب منها كثر وشد ليها فيديها" توحشتك.. شمس(بعدات يديها ونطقات بإتسامة وبإرتباك من نظراتو لي موجهة لصدرها):حتى أنا.. (بقاو مدة قليلة وهما كيدردشوا حتى فاض الكاس بشمس وناضت جمعات الوقفة) : احم جاني النعاس تصبح على خير.. فخر الدين: صافي دغيا باغا تنعسي مامولفاش تنهي الحوار ديالنا بالزربة.. "فعلا شمس دائما كيعجبها تهضر مع فخر الدين وخا يكون الوقت معطل ولكن هاد المرة نظراتوا ليها كانوا مبدلين ولا يمكن هي لي أول مرة ترد ليها البال ..نظرات كلها شهوة ضايقوها بزاف وماقدراتش تستحملهوم كثر" .. شمس: كيف سبقلي وقلتليك عييت بزاف هاد النهار وبغيت نرتاح.. فخر الدين: وخا ألالة طلعي رتاحيلك غادي نمشي دبا ولكن غانجي عندك من بعد.. شمس: وخا تصبح على خير.. فخر الدين: ونتي من أهل الخير.. طلعات شمس لبيتها وفخر الدين بقا حاضيها كفاش كتمشى حتى غبرات .. فخر الدين: أخ شحال كنبغيك قريب تولي تحت جناحي قريب.. (مشا حتا هو لدارو).. "شمس دخلات وتكات على النموسية شادا على قلبها" شمس: ماقدوه فيل زادوه فيلة.. الله ياربي أش واقع لهذا عاود كيشوف فيا بديك الطريقة الله يستر وصافي ..ماما عندها الحق مكايناش الصداقة بين البنت والولد الحاجة الوحيدة لي ممكن تربط بيناتهم يا الدم يا الحب.. "على ذكر الحب مشا بالها نيشان تفكرات الفلاش ديال الصباح وبدات تستحضر الملامح ديالو وهي كتبتاسم بلا وعي منها".. شمس: أش كندير أنا أويلي حماقيت يمكن نعس حسن ليا.. أصلا مغاديش تبقا فيه غادي ندمو ونخليه يطلب مني السماحة.. (تفكرات منين كانت أمنية كتعاودليها على خوها لي صغير عليها بعامين ورجعات عبسات) البرهوش لاخر پپف.. في هاد الأثناء كانت ضحى مع رشاد كيتعشاو فريسطو راقي وكيتبادلوا كلام الحب والغزل.. رشاد: ضحى مابقيتش قادر نصبر وليت باغيك ليا ومعايا.. نصبح على وجهك ونمسي عليه.. فقاش غانتزوجوا خلاص.. ضحى: قريب أعمري مابقاش بزاف ونفاتح بابا فالموضوع أكيد غايقبل.. رشاد: فاتحيه غدا ولا غانهضر معاه أنا.. ضحى: لالا عنداك أنا غانهضر معاه أكيد غايوافق.. رشاد: إن شاء الله يا سلطانة قلبي (باسليها يديها وكملوا العشا ديالهم)..
#يتبع.. تفاعلوا البنات باش نحط أجزاء كثر
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
