أحبني مراهق A TEENAGER LOVED ME

|8|

💕أحبني_مراهق💕
للكاتبة #رباب نجمة#
الجزء 8:

دخلوا للكافي وخداو بلاصة بعيدة على الناس خداو طلباتهم من عند النادل وبقاو ساكتين غير نظراتهم لي كتكلم حاملة ألف معنى.. كانت نظرات شمس لفهد كلها اعجاب شافت قداش هو قوي وقادر يدافع على راسو.. حسات بيه راجل بمعنى الكلمة كانت كتمنى لو كان كبر منها ولو غي بشهر.. كسرات شمس داك الصمت..  شمس: مزال كيضرك..  فهد: لا شوية..  شمس: سمحلي بزاف ديما كيدير بحال هكا ولا تابعني بحال خيالي خانقني بزاف..  فهد: امم الصديق ديالك مغيار..  شمس: اه تماما..احم اوا مغاتعرفنيش براسك..  فهد: فهد المالكي 23 سنة .. شمس: اوووه كتبان كبر من سنك.. فهد: اه بصح.. شمس: اوا شنو كدير فحياتك..  فهد: مكلف بالشركة دالواليد ولكن فنفس الوقت كنمارس الهواية ديالي لي هي الرسم كنحاول نشارك فالمسابقات والمعارض باللوحات لي كنرسم هكا كنلقا راحتي..  شمس: واش كدوي بصح يعني عندنا نفس الميول هه صدفة زوينة اوا اسيدي انا عارضة عليك فليل عندنا فدار بغيت نوريك الرسومات ديالي هكا تتعرف عليا وتعطيني رأيك  فاللوحات لي راسمة..  فهد: إن شاء الله (شاف فالساعة)  مشا الحال خصني نمشي يلاه نوصلك معايا..  شمس: وخا..  (وهما خارجين شدات شمس ف ذراع فهد شي لي حسس فهد بشعور غريب)..  فهد: اذا هادي هي الڤيلا ديالكم نتي بنت العمراني..  شمس: اه كيما كتشوف..  فهد: يلاه نزلي..  شمس: وخا غانتسناك تجي بسلامة..(بقات شمس كتشوف فيه من بعد باستو فخدو ونزلات خلات فهد مصدوم من تصرفها تناسى الأمر وكمل طريقو.. اما شمس مشات طايرة كتوجد راسها لأمسية ديالها مع فهد) .. ********  ~♥~في مكان آخر ~♥~ بالظبط في أكبر مستشفى في مومباي " الهند ".. كانت غرفة بيضاء فيها بنت سمراء بشعر أسود كالسة على السرير الطبي وواضعة على عينيها الفاصمة وماسكة في يد رجل اسمو ناصر وحداه الأخت ديالو أميرة .. والطبيب كيحاول يحيد الفاصمة على عينيها..  الطبيب: يلاه حاولي تفتحي عينيك بشوية..  """"": ماقادراش صعيب بزاف حاسة بعينيا ثقال..  الطبيب: حاجة عادية أمدام غير حاولي..  """"": وخا ( بدات كتحاول والصورة كانت مضببة شوية بشوية بدات كتشوف وكتوضاح الصورة حتا لمحات الطبيب ببدلتو البيضاء) .. """""": ناصر ناصر انا كنشوف ههه كنشوف أخيرا هاد العملية نجحات هئ هئ أنا وليت كنشوف قادرة نشوفك أناصر نت دبا قدامي وأنا شايفاك حاسا براسي فرحانة بحال الا عاد تولدت من جديد..  ناصر: معلوم أنا قلتهاليك من الأول على سلامتك أحبيبتي..  أميرة (بالهندية) :على سلامتك أختي..  """"": أنا كنبغيكم بزاف..  ناصر: حتى أنا..  الطبيب: مبروك أمدام.. """"": شكرا..  الطبيب: أنا دبا غانبدليك الفاصمة.. ومن بعد نرجع نزولاليك بمرة وغدا إن شاء الله تقدري تخرجي..  """":شكرا دكتور..  الطبيب: العفو أمدام ماجـِدة..
    #يتبع..
توقعاتكم حبيباتي وأهم حاجة كيف جاتكم القصة؟؟