أحبني مراهق A TEENAGER LOVED ME

|63|

#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 63:

جرها من ذراعها وحاول يوقفها غير بزز.. قبل ماتسخف بين يديه.. وجها مزنك وشعرها كيقطر عليها ويتسارى على كتافها بحرية..للحظة حسد دووك القطراات دالما..حلقو نشف والشوق ليها زاد.. توحشها بكاملها، بتفاصيلها البساط، ببراءتها وضحكتها..قبل مايتذكر نوع العلاقة لي كتجمعهم وشكون هو وشنو باغي..
💛بدات كتحل عينيها وإحساسها هاد المرة كان مختالف.. بدات كدور عينيها كتفكر شنو طرا..شافت راسها مبدلة حوايجها..حلااات عينيها على وسعهم مستغربة..شافتو داخل عندها وعلى وجهو ابتسامة خفيفة..

مصعب: باش كتحسي..
مريم(بقات مبلقة عينيها فيه وخدودها غادي ينفاجرو):( لارد)
مصعب(باستغراب): واش نتي بخير..
مريم(فرحات في داخلها أنها حظات بشوية دالاهتمام من جيهتو ودوات بتوتر ملحوظ) : شكون لي بدلي حوايجي..
مصعب(بهدوء): أنا..
مريم(بصدمة):كفاش..

وسع ابتسامتو كثر كيشوف فخدودها كفاش حمارو..قرب عندها ببطئ مربع يديه..
مصعب: واش كظني ممكن نديرها..

زفرات بجهد كتنفس براحة وكترجع شعرها الذهبي مور وذنيها حتا بان طاطو بالقرب من وذنيها جهة عنقها بحرف ال" M "
مريم وسعات ابتسامتها وتمتمات بهدوء: خلعتيني..
مصعب: المهم غادي نخليك ترتاحي بسلامة..
مريم: وخا..

غمضات عينيها بشوية مستمتعة بريحتو وكتفكر فهضرتو ونبرة صوتو الرجولية.. حطات يديها على صدرها كتحاول تكبح مشاعرها..

*******
عند ضحى كانت فحالة صعيبة حاسة براسها وحيدة من جديد نزلات من السرير كتقاد شعرها المخربق بالنعاس.. لبسات سندالتها ودخلات للحمام.. خداات دوش خفيف ورجعات تبدل حوايجها..واتاجهات لأسفل الڤيلا..
لمحات شمس كتلعب مع بنتها وباينة فيها مقلقة تنهدات بحزن ومشات ناحيتها..

ضحى: احم سلام..
شمس(شافت فيها بقنت عينيها ورجعات لوضعيتها كتلعب مع آية): وعليكم السلام..
ضحى: نقدرو نهضرو..
شمس(بنرفزة): مكتشوفينيش مامسالياش..
ضحى(بعصبية): شنو كديري بالسلامة..
شمس تقدمات ناحيتها: ونتي مالك شنو دخلك.. ماشعرات إلا بكف على خدها شدات منو كتحسس فيه..
ضحى: أنا ماقص..
شمس(قاطعاتها بكف أخور): شنو كيحسابلك راسك حتا ضربيني.. (وبقاو دقة فيا دقة فيك ماقاطعهوم غي صوت ضحك آية_ ولاو مشروطين)..
دارو شافو فيها وشافوا فبعضياتهم وهما ينفاجرو بالضحك..
ضحى(بابتسامة): يعني دبا حنا متعادلين..
شمس(ربعات يديها): لا خصكي تعتاذري..
ضحى(عنقاتها): سمحيلي يا أحسن أخت فالدنيا أنا ندمانة..
شمس: صافي سمحتليك..
ضحى: يلاه أجي نعاودليك الجديد..
#يتبع..