💜Here with me💜✔︎

🦋12🦋

Ka hah lutuk hi ka thi thei dawnin ka hria park chu ka thleng a, ka hawi kual vut a mahse tumah ka hmu lo, ka kal zel a, thingkung hnunglam deuh a thutna awmah chuan tu emaw a thu tih chu ka hmu thei, ka pan hnai vat a, Tae anih ka ring bawk, tun ang hunah hian mahni chauhin tu mihring mah helai hmun pilrilah hian an kallo hrim hrim ang, a bul hnai ka va thlen chuan Tae chu a ni ngei a, mahse sawi tur pawh ka neilo, a hmaah chuan ka ding mawl ve tawp mai, ngawi reng chuan ka ding a, chutah a mittui kar atang chuan min rawn en chhauh kar a, ka rilru hi ava ti na tak, ka kuah thut loh nan ka insum hram hram a ni...

"Lo kal rawh haw ang, Jimin in a ngaihtuah che" a mah pawh en lemlo chuan ka ti a, ala ngawi reng, ka melh thla sap a, hahthlak tih hmel tak a a thaw hrawk ri chauh chu ka hria..

Zawi muang a rawn ding chhuakin min rawn hnaih hret a, a mitah tak ka lo en kar thung, ka biangah chuan lo dawmin min exam emaw tih mai tur a hnaihin min en a, a kut te chu a vawt vek mitthi kut ang mai a ni, ngawi reng chuan ka ding a, a kut chu lakthlak sak tumna ka nei lemlo...

"Tinge minlo zawn a" atih chuan rang lutukin "Jimin in a ngaihtuah che" ka lo tinghal vat, a nui ri hak a, a kut lehlam lehlam chuan ka biang chu a rawn dawm a, chiang zetin min en bawk...

"Nanghi naute zawk chu i nih hi, hlauthawng hma leh lutuk" atih leh chuan ka hamhaih hman ngei mai, mahse ka hmel chu ka siam rem vat a, a kut chu ka la thla nghal bawk..

"Ka hlauthawng a nilo, Yoongi hyung pawn a zawng che a, kan zavaiin minti mangang lutuk, haw ang" inher vutin kan awmna atang chuan kal ka tum a, mahse ka hnung lam atang chuan min rawn kuah a "Ka ngai lutuk che" ti a phun sapin a in hnit hrawih a, ka mit ka chhim daih thung, a hreawm ka ti ve tho asin, mahse ka hmangaihna ka tilang leh anih chuan nakinah ana zual mai mai dawn si...

"Min thlah teh enge i hriat a" a kut chu paihthla sawkin ka kal nghal nal nal, ka inchhir leh tawh takzet tun a ka chet dan kha, ding datin ka hawi phei a, muang changin ka hnungah min rawn zui ve zel a, a chauh hmel tawh takzet, mahse ngaihsak anga lan ka duhlo...

"lo la ding lawk teh" ka lamah chuan a rawn kal a, ka lo en leh reng tawh, mittui karah pawh a hmel hi chu a tha chiang a ni...

"Tinge, hetiang leh tur si hi bul min tan pui" mittui luang zung zung a a rawn tih chuan chhan mai ngaihna pawh ka hrelo..

"Min chhang rawh, engvangin nge hetiang hian itih" zawi tak chungin ka kawr âwmah chuan a tham a, a theih ang tawk a na chuan min sawi ve nawk nawk bawk, dan ka tumlo khawih let pawh ka tum chuanglo ka thiamloh a ni miau a tin ni...

A tahna vanga mit mu sen ram chuan minlo en leh a "I kal dawn anih chuan heng i natna min hnutchhiah zawng zawngte hi keng tel vek ang che, ka nunah pawh hian rawn inlan ve tawh suh, ka hua che ka haw lutuk che, khawvel a ka thil tihsual lian ber chu nang ka lo hmangaih che hi ni, tinge tihian min tih, mihring ve tho ka nihhi, mihring ah pawh mi  te ai a chaklo leh der dep ka nih inhre reng si a, i hlen theihloh tur si engvangin nge thu te kha min tiam" a theih tawp a ring chuan a au emaw tihmai tur a ni, au ring tak a ni, ka inrinhma chuan a hmaiah ka beng thuai a, enge ka tih hi ka hrethiam biklo, chhuatah chuan a tlu hnawk a, "Khatiang khan tawng tawh ngai suh" harsa ti tak chung chuan ka ti chhuak leh hram..

"Ka thinlung tihnat pawh duhtawklo in ka taksa lehzel pawh iti na duh amaw, ramhuai, setana ai pawh hian i nep bik chuanglo ang" a thut sawp nuai na hmun atang chuan thoin a kal nghal nal nal a, ka mittui a luang zung zung mai, pawi ka tilo luang rawhse ka dang rei tawh em a ni, engtin nge ka tih ang Tae tihnat che hi ka duh biklo asin,,

Reife ka awm hnu chuan thil ka hrechhuak thut, Yoongi khan alo la zawng reng ngei ang, ka phone chu phawrhin ka call nghal vat a..

"Aw hyung Tae chu ka hmu tawh, i duh leh let lehla keichu ka lo haw tlang mai dawnnia" line chu ka cut nghal a, Tae hmel hmuh leh chu ka ngam tawh thlawtlo, inlam pan chuan ka haw ta zawk a...