💜Here with me💜✔︎

🦋21🦋

Hmanhmawh takin Hospital lam chu an pan a, an va thlen chuan reciptionist bulah chuan Jungkook hming an sawi a, a awmna an zawt nghal bawk, mahse reciptionist nu chuan chutiang hming a awmloh thuin alo chhang a, Tae, Jin leh Jimin chu hawihai nasa tak an ni, ngawi rengin thutna awmah chuan an thu a, engtia awm tur nge pawh an hrelo...

"Jimin, helai hi a ni ngei tih i chiang maw"

"A sawi dan kha chuan ania lawm"

"Nih tinge an awm siloh"

"Ka hre biklo"

"Yoongi hyung kha call leh teh" Jimin chuan a phone chu phawrhin Yoongi chu call a tum a, mahse a call hma lawk chuan kawngkhar atangin damlo thisen kai nuai chu leh a la dam nge thi pawh hriatloh chu hmanhmawh takin an rawn nawr lut a, an pa 3 chuan an lo en deuh hâ hlawm a, a hmel pawh hmuh fiah theih a nilo, thisen vek a ni, oxyzen an pe reng bawk a, ICU lamah chuan an nawr lut ta a, chu veleh Yoongi Namjoon leh Hobi chu thisen kai nuai in anlo tlan lut ve nghal bawk..

"Enge thleng a, Hyung" Jimin chuan alo pan hnai vat a..

"Inbengdai phawt ru"

"Tinge inlo va thleng har reng reng ve, inlo phone khan in awm tawh thu i sawi sia"  Jin chuan Yoongi melh rulh pah chuan a ti a..

"Nia, traffic a zam nasa deuh alawm"

Emergency room atang chuan tumah pawh anla rawn chhuaklo, darkar 4 lai a liam tawh a, Taehyung chu a tap char char bawk, an theih ang ang chuan an hnem ve a, mahse awmzia awm tam puilo...

Darkar 1 dang a liam leh meuh chuan doctor chu thlan tla hluamin a rawn chhuak ve thei hram...

"Doctor enge a an"

"Kan zai tluang thei a, mahse a dinhmun hi a tha vaklo a ni, a harh mai a rinawmloh"

"Kan hmu thei angem"

"Aw, mahse chimbuai viau theih a nilo ang"

"Kan lawm e" Doctor in a kalsan hnu chuan an ding ngawi reng a...

"Tunge lut ang, chimbuai chi a nilo a ti sia"

"Jimin leh Tae ka va luh pui anga, nangni chu inti fai turin lo va haw phawt teh u" Jin chuan a ti a, room ah chuan Jimin leh Tae chu a luhpui nghal bawk...

"Kookie" ti sapin Taehyung chuan Jungkook chu a pan hnai a, a mittui a sur leh zung zung tawh...

"Ka thiamloh vek a ni"

"Nangmah in dem suh, hetiang a thleng dawn tih kan hriat lawk bikloh kha" Jimin chuan Tae hnung a chul hliau hliau pah chuan a ti a..

"A harh leh ang tiraw, Jiminie min kalsanlo ang tiraw"

"Teuhlo, a kalsan lo ang che Tae,a hmangaih che lawm" nui sang chuan a ti a, mahse chu chuan Taehyung mittui a la kiang silo...

Rei tak awm theih anih rihloh vangin an chhuak leh vat a...

"Nangni chu, inla haw nange"

"Kan hmu ve lawk duh"

"Va intifai phawt ula mawle thisen vek innih kha, a rapawm lamah in kal alawm"

"Hyung, enge thil thleng hi awmzia" Taehyung chuan a mittui kar atangin Yoongi chu a en kar a...

"Khatia kan chhuah khan bar lamah kal kan rawt a" atih pah chuan Jimin ava melh sap a, rum em em in pa 1 in alo melh let, a chil a lem dawk a, a sawi chhunzawm lehnghal...

"Jungkook rilru tawt lutuk tih ziaawm nan ania, chuan kan haw khan enge awmzia pawh ka hrelo rui chhe lutuk kan ni silo a, tam pawh kan inlo, kawngpui laiah khan a petek phei nawk nawk a, kan dang hman tawh silo a, motor tamlai a ni bawk nen, khatiang kha a thlen phah ta lawm"

"Thil tha in va tih ka ringlo reng a ni, mimawl ho" Jin chuan rum lutukin a melh kual ralh ralh hlawm a, tawng chhuak ngam pawh an awm tawhlo an kun deuh tlawk tlawk mai ni...

"Va intifai phawt ru kan lo awm ang"

An pa 3 chuan intifai turin an chhuak a, thil thlengah hian an inthiamlo ve takzet tho, a bikin Yoongi, ama hruaichhuah vek an nia, he thilah hian mawhphruhna la ber tur a ni bawk nen, rilru nuam tak chuan a khawsa lo ve khawp mai, lehlamah Jungkook kha serious viau mahse a thi lo hlauh a, thi ngat se chuan a inthiamloh na chuan van a tawng hial ang..

•••••

Jungkook chu kar 1 lai tawnglo in khumah chuan mitthi ang maiin a mu ngawi reng a, a mit ala meng lo hrim hrim bawk, mahse an thilsawi erawh a hre thei thung...

Taehyung chuan a awmpui deuh chawt a, a kalsan ngailo hrim hrim, a tap deuh reng a, hnem ve hlawn bawk thin mahse awmzia a awm tam em emlo..

"Tae, lo va haw la kan lo awmpui ve tawh ang i chau tawh lutuk kha, i hmel te kha a chhe vek mai ang" Jin chuan fiam deuh pah chuan a ti a...

"Ka chau lo hyung, ka la awm duh rih lawm, bakah lo harh thut ta se ka hmel a hmuhloh chuan a lawm dawnlo sin" ngui bar chuan a ti let ve a...

"A tha ee, mahse eng emaw tal ei ang che, Jimin pawh alo thleng tep ang"

Chutia an titi lai chuan Jungkook chu a thawk a rawn buai a, thawk harsa tih hmel takin a âwm te chu a in sep kang chhauh deuh lawp lawp a, an mangang takzet, Jin chu tlan chhuak vatin doctor koh tur chuan a kal a....

"Jeon Jungkook, harh rawh, tuar chhuak ang che anih loh chuan kumkhua in ka haw reng tawh ang che i hria em harh chhuak rawh" mittui tla zung zung chuan a thiam dan ang angin Jungkook chu a buaipui a, doctor pawh alo thleng vat a...

"Khawngaihin lo va chhuak lawk ta che u" Doctor in atih chuan Jin chuan Taehyung chu a duhloh chungin a hruai chhuak lui thei hram...

Reilo teah Jimin leh midang ho pawh na rawn thleng chawpchilh ve nghal a, Taehyung lo tap leh Jin lo in dawm kun tlawk tlawk an hmuh chuan a ngaihna an hrelo viau ..

"Tinge hyung enge thleng a" Jimin chu an awmna lamah tlan phei vatin Taehyung chu a kuah nghal chawt a...

"Jungkook a zual deuh alawm mawle"

"Avan pawi tak, Tae min enteh, Jungkook chu a tha chhuak leh em em ang, lungngai suh aw" Taehyung mittui hruksak pah chuan a nui seih a...

Yoongi chu a inthiamloh leh viau tawh, engthil tullo nge maw ka lo tih leh tak ni, ti neuh neuhin pawi tih hmel takin a ding ngawi reng a..

Darkar 1 hnuah doctor chu room atang chuan ngui hmel takin a rawn chhuak a, doctor chu lo pan hnai nghal vatin a that leh thatloh an zawt nghal a...

"A pawi ka ti lutuk, kan chhan hmanlo a ni" doctor kâ atanga a chhuah rualin a hre tute mit atangin tui alo dir chhuak zung zung a

"Ka thiamloh vek a ni" ti pahin Yoongi chuan bang chu a hnek deuh chawrh chawrh a, Jimin chuan a hnung lam atang chuan a kuah bet tlat a, tap chung chuan,,,

"Hyung, tiang hian awm suh i thiamloh a nilo, khawngaihin" Jimin in a tih chuan a inbengdai deuh a, Jimin chu a kuah hle hle a, Jimin pawh insum lo in a tap chhuak ve hawm hawm a, Taehyung a en leh zeuh thin a bestfriend hi a khawngaih em a ni...

continuee.....