💜Here with me💜✔︎

🦋14🦋

Mr Jeon Tae hmu tur a kal ni atang khan Tae chu a ngawi reng a, engmah a sawi ngailo a nui tlem a, a nuih ve chhunah pawh a thinlung takin a nui ngailo, Jimin tan chauhin a nui lui mai thin, a zawi em em a, collage a kal khat bawk, zantin a tap a, a mu tlem si, a taksa te chu a chaklo tial tial a, Jimin bulah engmah a sawi duh silo, thil mumallo tak tak angaihtuah thin a, a rilru chu a bing mup a, a hrawkah te chuan hnawhtu awm ang maiin a thaw a chham lek lek zel bawk, Jimin tan pawh thil buai thlak tak a ni

Lehlamah Jungkook pawh an inneih ni a hnai tial tial a, harhfimin hun a hmang ngai meuhlo, a thiante chuan hnem ve thin mahse a hlimna tur in eng tawngkam mah hian a daih seng silo

Yoongi pawh Jennie chuan a tibuai deuh reng a, Jimin bulah chuan ala zep ve fan fan, mahse eng chen nge a zep theih dawn a hriatloh...

_____________________________________

"Tae" Jimin chuan inhnuai lam atang chuan ring takin min rawn au a, ka lo muhil hman a ni maw, tlai dar 3 alo pel vak tawh mai...

KA roomah chuan alo lut a, damdawi kengin, nitin a damdawi ei ziah te hi ka va hne tak emm..

"Tae damdawi hi ei rawh, vawiinah collage i kal silo a, teachers te pawn an ngaihtuah lutuk che" atih chuan ka ngawi hle hle, dam mah ila collage hi chu ka kal peih pawh ka ring neklo e a..

"Chhuah harh lawk ka duh a, i duh leh dinner chu lo ei mai rawh aw" Ka tih chuan awihlo hmel zetin min en a

"Enge" ka ti deuh hu..

"A tha lawm, lo haw har suh ang che"

"Awle"

"chhuak tur chuan ka insiam ve ngei a, kalna tur em em pawh ka hre chuanglo, ka chhuak mawl ve tawp dawn nimai...

Kawngpuiah chuan ka kal zel a, vawiin hi enge mawni mipui an tlem riau, ka hma lam pan chuan ka kal zel a, thli fim thaw heuh heuh te chuan ka hmai chu an rawn chhem a, heng thli te hian ka natna hi len bo tel se ka ti takzet, a chang chuan khawvel hi chhuahsan daih mai ka chak thin, ka suangtuahna ram ka khawvel siam chawp ah khan chen a, lungngaihna leh beidawnna, harsatna tih thumal len ve lohna hmunah ngei khan thlamuang tak a awm ve hle hle ka chak thin, thil tam tak chu ka ngaihtuah a, a tawpah chuan kalbo chu thil tha niin ka hria, ka hmangaih leh a chhungkaw tan, ka hmangaih chu hlim takin awmse tihhi ka duh ber a ni..

Khawvel a thil awm zawng zawngte hi hun kalzel in a liambo pui thin anih chuan, engtikah emaw ani chu ka la theihnghilh ve mai ang, ani vang khan hlim miahlo chung pawh a nuih dan ka thiam tawh a, a hmaa na eng emaw hlek neih pawh a au chhuah pui chiam thin mihring hi, a thinlung a chem tamtak an vih bur sak chung pawhin "Ka tha" ti thei turin min chher chhuak a ni...

Tae chu kun ngulin kawngpuiah sir lamah chuan a kal zel a, chutia thil tamtak a ngaihtuah lai chuan mi pa 1 a su dawt a, a mi sut chu tre deuh that bawk, a âw atang chuan hmeichhia anih hmel..

"Ka tihpalh"

"kawng te hi i en ve thiamlo mi" Tae chu a hawi chhuak vat a, mahse a mi hmuh hmasak ber chu Minzy a ni, a bulah chuan hmeichhe pa 1 alo ding ve bawk, an awmna lai hi mipui tamna lai a nilo hlauh a, an thawm a rin deuh pawn en deuh hu hu tur an awmlo tihna nih chu...

"Ka tihpalh" ti leh supin kal nghal mai a tum a, mahse Minzy chuan alo kai let vat...

"Hey, nanghi engvangin nge i kal bo loh, Kook mit hmuhah inlan tawhlo turin ka ti che ni lawmni" Minzy in atih chuan Tae chuan kalbo tur a a rilru alo siam fel ve tawhte chu sut leh a duh rum rum tawh, mahse tunah hian hmeichhe dukdaklo inhnial pui hman a nilo, ngawi reng chuan Minzy kut chu a paihthla a..

"Min tihbuai hi bansan la, i pasal tur chu lungawi tak khan va nei rawh" Minzy chu nek deuh sawkin a kal nghal a mahseee,,

"Ding rawh" tihpahin Minzy chuan Tae chu hmalam zawngin a nem deuh pawp a, Taehyung chu leiah chuan a tlu nghal thlawp bawk...