💜Here with me💜✔︎

🦋20🦋

"Dan i tumlo emni" Yoongi chuan Taehyung chhuahna lam kawngkhar melh zeuh pah chuan Jungkook lam chu a hawi a....

"Mahse enge ka sawi tak ang, ka hmu ngamlo hyung" beidawng zetin a bul a thutna awmah chuan a thu a...

"Hmu ngamlo awm reng pawh ini" Jimin chuan alo ti ve leh nghal...

"Jiminnn" Yoongi chuan alo khap vat...

"Kal rawh Jungkook, i tlai hma hian" Namjoon chuan a dar a beng thek thek pah in Jungkook chu a nuih sang a...

"Mn lo tawngtai pui ang che u" tih pahin kawngkhar lamah chuan a kal nghal a...

"Keini pawh haw ang u helai hmun hi a ninawm" Hobi pawh a chhuak zui ve nghal a, an vai chuan inhualna hmun hall ninawm zet chu an chhuahsan ta a...

•••••

"Tae" Jungkook chu inchhungah chuan a lut a, zawi te te in a pen bawk....inchung lamah chuan chhauh in balcony kawngkhar lo inhawngah chuan a lut zui nghal a...

"Tae, i awm tiraw" ti leh sapin a hma zawnah chuan a kal zel a...hmun kilkhawr tak zawn fe loh chuan hmuh theihlohna hmunah Taehyung chu vanlam hawiin alo thu a, Jungkook chuan a pan hnai vat a, mahse sawi tur em em a hre chuanglo...

A bul a thlen chuan ngawi rengin a ding a...

"Tinge ilo kal" Taehyung zawk chuan a mi biak pawh en lemlo chuan a ti sap a....

"Tae, inbe lawk ang"

"Sawi tur a awmlo, kal rawh"

"Khawngaihin"

"Jungkook kal rawh ka tih chu, keimah a awm ka duh rih, min kalsan rawh" ti leh hrawkin amah zawk chu a kalsawn a, Jungkook chuan umzui vatin a hnung lam atang chuan a kuah a, Taehyung darah a khabe nghah pahin a thaw lum ham ham a...

"Ka tihpalh, khawngaihin ka thusawi ngaithla rawh"

"Min kalsan rawh ka tih chu" Jungkook kut chu theh thla hnawkin kal mai a tum a, mahse Jungkook chuan pawt let dawrhin a thinrimna vang a mit sen ram chuan Taehyung chu a en a...

"Min hmangaihlo anga i lan hian ropui ta viau ah i inhria emni" mahse mittui tling pam a lo entu vang chuan a thinrimna ve zawng zawng te chu thil te chuan an chhem bo emaw tih mai turin a bo duak a, Taehyung chu kuah thlawpin a awmah chuan a bei hle hle a...

"Ka tihpalh, duhthlantur dang ka neilo a tin ni, khatih lai khan mi â ang maiin i thih thu kha ka pawm theilo a, ka nâ a, ka tuar tawp a, engtin nge ka tih chuan ang, theihnghilh che ka tum apiangin ka mitthla ah ilo lang leh a, ka thinlung chuan i hming a lam ri reng si, hmalam pan ka tumna lamah khatiang a ka tih kha angai a ni" ti dap in Taehyung chu a kuah nghet zual sauh a...

Reife Taehyung a tah hnu chuan Jungkook chu zawimuangin a kuah let a, "Ka ngai che" ti sapin Jungkook awmah chuan a tap hliam hliam a...

"Keipawn ka ngai lutuk che"

"Nanghian min hmangaih em" an inkuahna phelh chuang silo in Taehyung chuan Jungkook chu a zawt a...

"Ka hmangaih lutuk che, i rin ai nasa in, min ngaidam rawh aw"

"Ka mihring mihrinna chuan a ngaidam thei che, mahse ka thinlung chuan a theilo a ni, ka tihpalh, ka thinlung ti na tur leh ka rinna che ti chhe tur hian i tawngkam khat chauh pawh a tawk em em a, mahse ka rinna che neilet leh tur chuan chung chu a tawk zo tawh silo, min hrethiam rawh Jungkook, min theihnghilhin hmalam chu pan tlang zawk rawh" an inkuahna chu phelhin inhnuai lamah chuan a chhuksan a, a mittui a luang chawllo bawk...

Inhnuai lam ah chuan a hyungte chu anlo awm thap a, mahse Taehyung chuan biak pawh a belo ngawi rengin a kalchhuak nghal a...

Jungkook pawh ngawi rengin a chhuk thla ve zal zal a, thutna awmah chuan a thu thla ve nghal a, Taehyung tawng miahlo a a chhuah bakah an duh ang chhanna an hmuhloh vang chuan Jungkook chu zawhna mitmeng nen ngawi rengin an en thap a,