💜Here with me💜✔︎

🦋19🦋

Namjin, Yoonmin leh Hobi chu insiam sa thlapin Jimin appartment ah chuan an awm a, vawiin hian enge thleng ang tih ngawt chu an ngaihtuah, Tae alo let si a, Jungkook chuan inneihte a duhlo leh mai angem, nge ni a, inhualna hi kaltlang pui in Tae chu a na zawk reng dawn, na lo leh ngaihsaklo angin lang mahse a mitmeng chuan dawt a sawi thei silo, an rilruah chuan sawi chhuak silo in heng thil tam tak hi an ngaihtuah a ni....

Chutia ngawi reng a an thut ho lai chuan door bell a rawn ri a, Tae anih ringin Jimin chu kawngka lamah chuan a tlan phei nghal a..

"Tae ilo va thleng har"  tih pahin kawngkhar chu a hawng a, mahse Tae awzawng a nilo..

"Sunoo tiraw,, inih kha" Jimin chuan a ti a..

"Aw, ni ee, ka lo lut thei ngem"

"Tehreng, lo lut la, enge ilo tih ve mial dawn"

"Eng emaw hrilh tur che u ka nei a"

Thut khawmna lamah chuan an inzui phei a, Yoongi chuan Sunoo a hmuh chuan a mitmeng a dur nghal khup mai, midang ho erawh chuan an hre em em lo...

"Hyung, hei Sunoo nihhi, classmate kan ni thin a" nui sang chuan a ti a, Yoongi bulah chuan a thu thla nghal...

"Lo thu ta che Sunoo" Jin chuan nuisang in alo ti nghal a, ani hi chuan mi a be chhe ngailo kan tih tawh kha...

"Tae thihna chungchang vel kha nia, in na lutuk dawn tih ka hria a, mahse sawi ngei ka duh sia" atih chuan midang ho chu an nui deuh tut a, hriatthiamloh hmel takin Sunoo chuan a en thung...

"Tinge in nuih" ti deuh hu in midang ho chu a enkual a..

"Taehyung chu a thi hleinem, ala dam alawm" Jin chuan nui sang chuan a rawn ti a, Sunoo mak ti lutuk hmel chuan an nuih a ti za letling.

"Engaa, engtin nge nih theih, tunah khawiah nge a awm"

"Hei kan la nghak mek anih hi"

"Anih thudik chu hre ve hrim hrim ula ka ti sia, kan sawi tho ange" an zavai chuan Sunoo thusawi chu an ngaithla a, mak tilo reng an awmlo, an mit khap fak fak bak tihtheih an neilo...

"Chuan Jungkook chu phone i pe a, mahse Minzy nen a inhualna neih chu ala duh tho amaw" Yoongi chuan a thutna tang chuan alo ti vat a... Sunoo chuan engkim Minzy ruahmanna chu a sawi vek a, a phone Jungkook hnen a a pek thu te leh, Minzy chuan chem a vih thu te, a vaiin engkim a sawi vek...

"Ka rin dan chuan phone chu a enlo hrim hrim aniang" Jimin chuan alo ti ve a, midang ho pawhin chu chu an ring ber...

"Ka lo thleng har em" Tae chu a rawn au lut nghal lawng lawng a...

"Lo thu teh" tih pahin Jimin chuan a bulah a pawt thu nghal...

"Enge in hriat, ehee Sunoo nang chu, hetah enge itih" Sunoo chuan ala awih thei thlawtlo ngawi rengin Tae chu a en reng a...

"Bro, kan hmuh tirh kha chun i awm ang khan kan awm ve vek ania, inthlahrung duh suh" tih pahin Hobi chuan Sunoo dar ava beng zeuh a...

Sunoo chu a insiam tha vat a..

"Inhualna lamah chuan ka lo va kal hmasa anga, chuan thudik hi ka sawi chhuak dawn bawk a, min lo pui nghal thei ang tiraw, keimah chuan a harsa dawn sia"

"Tehreng mai, kan lo pui ang che" Namjoon chuan alo ti vat a, Tae chuan ala hrethiam hlawllo, an thu kal hmang hre heklo chu...Sunoo chu a chhuak zui nghal a...

"Enge thil awmzia"

"Tae, i thihna tur a ruahmanna zawng zawng kha Minzy tih vek alawm alo nih" Jimin chuan a ti a, mahse Tae chuan mak ti hmel pawh a pulo...