#Uni
"ဘွားဒေါ် နှင်းပြောလို့ရလား ''
"နင့်အမကနင်နဲ့ပြောမလို့တဲ့ ''
"မူယာပို ငါပါ နှင်းဧကရီ...နင်နေကောင်းလား ''
အစကတော့ ပြန်မဖြေတော့ဘူးလုပ်ပေမဲ့ အဲ့လိုလုပ်ရင် ကိုယ်ကလူဆိုးကြီးဖြစ်သွားမှာပေါ့။
"အင်း...နင်ရော ''
"ကောင်းတယ် နင်မရှိတော့လဲပျင်းစရာကြီး...ရန်ဖြစ်ရမဲ့သူလဲမရှိဘူး...အခုဆိုမမနဲ့ရန်ဖြစ်လိုက် အငယ်မနဲ့ရန်ဖြစ်လိုက်နဲ့ ဟာ ဟား..''
စကားမရှိစကားရှာသလို ရယ်သံကလဲခြောက်ကပ်ကပ်နဲ့ ဟန်လုပ်ပြောနေတာများ၊ အမှန် နင့််ခိုင်းဖက်ကြီးမရှိလို့မလား။ ပြန်မဖြေတော့ ခဏအသံတိတ်သွားပြီးမှ
"ငါနင်ရေးထားတာကို ဖတ်ပြီးပြီ..''
"....''
"ငါ့ကိုဘွားဒေါ်ပြတာ...''
"အဲ့တော့ ဘာပြောချင်တာလဲ ''
"ငါ့လုပ်ခဲ့တာတွေကသိပ်များတော့ နင်ငါ့ကိုမုန်းနေမှာပေါ့ ''
မုန်းတာပေါ့။ တံမြက်စည်းနဲ့ရိုက်ခဲ့တဲ့နင့်ပုံရိပ်တွေ၊ နင့်ခုံပေါ်စာအုပ်တင်မိရာကနေ ရန်ဖြစ်ကြရင်း ငါ့ကိုပိတ်ကန်ခဲ့တာကိုရော။ ရင်နာစရာကောင်းတာကိုပြောပြရမယ်ဆို
အကန်ခံနေရတုန်းက ဘေးမှာရှိတဲ့ အဘွားဖြစ်သူကို အားကိုးတကြီးကြည့်ခဲ့ပေမဲ့ ဘာမှမကြားသလို ဟန်ဆောင်ရင်း ရုပ်ရှင်အကြည့်မပျက်ခဲ့တဲ့ အဘွားရဲ့ပုံရိပ်တွေ။
အမြဲလိုလိုတီကောင်ပြပြီး နင်ခိုင်းသမျှလုပ်ပေးခဲ့ရတာတွေ၊ အိပ်ခန်းရှေ့မှာ တီကောင်လာချထားတာတွေတင်မက နောက်ဆုံး စောင်လုခဲ့ရတာကိုပါ အခုထိတွေးမိတိုင်း ရင်ထဲကတဆစ်ဆစ်နဲ့နာလိုက်တာများ။
"ငါမမုန်းပါဘူး ''
ဒါပေမဲ့ အမှန်တရားကိုဘယ်ပြောနိုင်မလဲ မပြောရဲတာဆိုပိုမှန်မယ်။ နင်တို့လုပ်ခဲ့တဲ့လုပ်ရပ်တွေက ငါ့ကိုအိမ်မက်ဆိုးကြီးတစ်ခုလို အခုထိခြောက်လှန့်နေတုန်း။
အိပ်ရမှာတောင် ကြောက်နေခဲ့ရတာပါ။ အိပ်ပျော်သွားရင် အရင်ကအချိန်တွေကိုပဲပြန်မြင်ယောင်နေတာကြောင့် အိမ်မက်ဆိုးကြီးကလန့်နိုးတိုင်း ငါ့ကိုယ်ငါမှန်ကြည့်ရင်း
YOU ARE READING
မုန်းခဲ့ပါတယ် ဖေဖေရယ်(Completed )
Fantasyဒီဇာတ်လမ်းလေးက သိပ်ကိုရိုးရှင်းပါတယ်။ လူတိုင်းက အမျိုးနဲ့ပတ်သက်တဲ့အတိတ်ဆိုးဆိုတာ ရှိကြလောက်ပါရဲ့။ ဒီဇာတ်လမ်းလေးဟာလဲ ၅၂၈မေတ္တာကိုအခြေခံထားတဲ့ ကောင်မလေးတစ်ယောက်ရဲ့ဖြစ်ရပ်မှန်ဇာတ်လမ်းလေးကိုရေးသားထားခြင်း။