- واد يا يونس .
انتبه لها يونس و قال :
- نعم يا ام حنان .
- تعالى ياض صلح الراديو احسن باظ .
ضحك يونس و قال :
- حاضر يا ام حنان حطلع اشوفهولك .
- ربنا يرضى عنك يبنى و يسترك و يخليك لحبايبك يا رب .
- يارب يا حاجة ، دعواتك .
ثم صعد على سلم البناية حتى وصل للمنزل ، فتحت له سعاد و استقبلته بالترحاب و اعطت له الراديو ليراه ، ثم اسرعت للمطبخ و احضرت له طبق معكرونة ، فقال باعتذار :
- ربنا يكرمك يا حاجة يا رب بس مش حقدر و الله ، و كمان عشان آكل مع اخواتى و كدة .
لتقول سعاد و هى تصر :
- طب حتى دوقها ، دة البت بنتى هى اللى عامل...
و لم تكد تكمل جملتها حتى التقط يونس الطبق منها و اخذ يأكله بتلذذ شديد ، نظرت له سعاد بخبث و قالت :
- عجبك ؟ .
قال و فمه ملئ بالطعام :
- اه ... اه عجبنى جدا ، تسلم ايد حنان و الله .
نظرت له سعاد بعدم فهم و قالت :
- حنان مين ؟
- حنان ... بنتك اللى طبخت .
ضحكت سعاد و قالت :
- لا يا ابنى مش حنان هى اللى عملاه ، دى بنتى التانية ... الزهراء .
ليبتلع يونس ما فى فمه سريعا و يقول :
- احلفى .
- و الله .
وضع يونس الطبق و رسم على وجهه ابتسامة صغيرة و هو يقول باقتضاب :
- تسلم ايديها ...
................................................
اقتباس صغنن تانى أهو 😂💙💙💙
أستنوا أول بارت يوم ٣ فبراير بإذن الله 💜
إلى اللقاء القريب 💙📝
منة الله عمرو أبو زيد 📝📝
YOU ARE READING
عزبة لولو
Humorكيف تكون الحياة لرجل متعلم وسط مجتمع جاهل ؟! . هل من السهل تحويل عزبة شعبية لمكان متحضر ؟ . بل فى الأصل ما هى عزبة لولو ؟. ما هذا العنوان الغريب الذى احتل عنوان الرواية ؟ . هل هى مكان ام زمان ام جماد .... هل هى مكان اثرى ؟ . ام هى اختراع جديد ؟ . هل...
