السلام عليكم 💙
عارفة انه متأخر اوي و ان دة ميعاد البارت اللي بعده💔
بس بجد الأجازة دي مرهقة اكتر من الدراسة و بكتب كل فين و فين😂💔💔💔
المهم انه للأسف البارت هيبقى يوم واحد في الأسبوع💔
يعني ميعادنا كل سبت إن شاء الله💙
فوت قبل القراءة💙
مستنية كومنتاتكم على كل فقرة❤
رجاء لا تجعلوا قراءة هذه الرواية تسهيكم عن صلواتكم و عباداتكم💙
صلوا على الحبيب المصطفى💙
بسم الله نبدأ...
_________________________________________
كانت مريم تجلس على البحر بابتسامة مشرقة ، تشعر أنها في قمة سعادتها حينما رأت البسمة مرتسمة على أفواه اخوتها بعد ان غابت ضحكاتهم لوقت طويل .
غدًا عيد ميلادها الحادي و الثلاثين ، أي أنها ستبدأ غدًا في عقدها الرابع...كرست عمرها كله للإعتناء بإخوتها ، هي أكبرهن سنًا و من تبقى لهم بعد وفاة والدتها و والدة دنيا و نداء ، تحمد الله على وجود آسيا في حياتهم حيث أنه إن لم تكن موجودة لكان كامل الحمل على مريم ، لكن مع ذلك فإن مريم تمثل للجميع الأم و الأخت و الصديقة ، تستمع لثرثرة هذه و تلحق بمصائب تلك و تساعد الجميع في حل مشكلاتهم ، هي اليد الحانية التي تربت على ظهورهم بعد يوم شاق ، اليد التي تمسح دموعهم وقت الحزن ، هي لهم الأمان و هم لها الحياة!
شعرت مريم بصوت سعال يأتي من خلفها لتلتفت سريعًا لصاحب الصوت فتجده صابر الذي ابتسم لها ، نظرت له مريم بعدم اهتمام لكنها وجدته يقول بصوته الرخيم :
- ممكن أقعد جنبك يا ست البنات؟
قالت مريم باستفزاز :
- ليه؟
- عايز اتكلم معاكِ شوية كدة لو مفيش مانع يعني ، استحمليني شوية .
- و الله يا اخويا انا أصلًا مش مستحملة روحي عشان استحمل حد .
جلس صابر على السور المطل على البحر في مكان قريب منها و قال بفخر :
- الواد سامر اللي دايقك امبارح...مسكته عدمته العافية عشان تبقى تنونو في دماغه تاني ييجي جنبك .
لم ترد مريم عليه ليقول :
- واضح اني مليش لازمة هنا .
قالت مريم ببرود :
- و ايه الجديد؟ ، انت ليك لازمة في الدنيا أصلًا؟! ، شغال ضرب في الناس و بس و فرحان بعضلاتك .
نظر لها صابر بملل ثم قال فجأة كأنه تذكر شئ ما :
- معلش يا ست مريم ممكن اطلب منك طلب؟
قالت مريم :
- اتفضل اطلب و لو اقدر اعمله هعمله .
قال صابر و قد لمعت عيناه :
- بصي يا ستي ، انا عايزك ت...
شعر صابر بأحد يمسك بقميصه من الخلف نظر و وجده يونس فلم يهتم و اكمل جملته قائلًا :
- تعمليلي كمونية .
قال يونس بسخرية :
- مش فاهم يعني ايه الطلب الغريب دة...ما تخلي الحاجة ام صابر تعملك ولا هو لازم اختي يعني .
YOU ARE READING
عزبة لولو
Humorكيف تكون الحياة لرجل متعلم وسط مجتمع جاهل ؟! . هل من السهل تحويل عزبة شعبية لمكان متحضر ؟ . بل فى الأصل ما هى عزبة لولو ؟. ما هذا العنوان الغريب الذى احتل عنوان الرواية ؟ . هل هى مكان ام زمان ام جماد .... هل هى مكان اثرى ؟ . ام هى اختراع جديد ؟ . هل...
