لسنا أبرياء

البارت الخامس

{بـسم الله الرحمـٰن الرحـيم }

#لـسنا أبرياء
بـقلم :غرور العـراق e_r_a20
أيليت @E-LITE-19

عزيزاتي التعليق على كل فقرة و التصويت اهم شيء دوسو على نجمة و أبدو اقرو

قراءة ممتعة ..

غمضت عيوني بفشلة من الموقف صرنة فرجة ويارا شارة حلكة وتضحك واني اعصر بدية بخوف

الشاب لزم راسة بوجع ورة ما لزمة مصطفى من ياختة و انطة كلة وگعة بالگاع

رجع نحنى ولزمة من ياختة وعاط: لگ قندرة اكطع نعال على راسك

احتدت ملامح الولد وگام باوعلة بنظرات كلهة حقد وحجة: لا تضل تجاوز احترم نفسك

رد مصطفى مستهزء:لك انجببب قشمرررررر

سلام سحب مصطفى ودفعة و الولد اخذو جماعته بعد ما الناس انجمعت عليهم

احس دم نشف بعروگي من الصار رجعو  النة ومرة عمي تحجي عليهم

خزرنة مصطفى واشرلنة نطلع سكتنة ومشينة وراهم واكفين يم سيارة خارج المول منتظرين بابا يجي سلام اتصل بي كالة شوي وجاي طبعا سلام كال لا تحجون شي لعمي

مسح مصطفى وجهة بأيدة وحجة بغضب: ليش ما خليتني انعل لشة عشيرتة هل كواد

ندارت عليه عمتي ولطمت على خدهة حجت بتأنيب: ليش انت شخليت واللكم والله عيب عليكم فضحتونا كدام الناس

رد بسخرية: شتردين يوم اباوع لحلگة مثلا

تنهدت بحزن ورديت عليه: ماجان اكو داعي لهل هوسة جان بالإمكان نجاوزة ونطلع من مول بدون فضايح

باوعلي وحجة بحدة: لازم عاجبج يتغزل بيج هل نعنوع

گلبت عيوني بملل ورديت بدون نفس: عفية مصطفى شهل كلام يعني بريك حلو الي سويتة

رد بستهزاء: لا الله عليج علميني شسوي

صاحت عمتي علي: مصطفى  كاافي

ما اهتم الهة رجع يحجي وعينة علية: اي ست ليان احجيلي بعد روحي ااحجي لا ضلين ساكته

استغفرالله هسه هذا شتحجي وياا
صاحت عمتي بغضب جاوبهة بعصبية: شتردين من قندرة

حجت لازمة ايدة :ولك يمة اسكت كاافي شبيك تخبلت على بت عمك هي ناس ما تستحي شسويله

سلام: يله شغلة فضت راحت سدو الموضوع

اشرلنة سلام نصعد و مصطفى دار وجهة وصعد بسيارتة رگع الباب و شخطها حيل

شوية واجة بابا گال انو شاف صديقة و باقي يحجي ويا همزين ما شاف اللخة الصارت

ضلينة ساكتين بالسيارة عكس جيتنة خربها علينة ذاك الحقير و مصطفى هم

وصلنة للبيت شمرت روحي على الفراش
بتعب.. شلون يوم محلو هذا اول مره يصير هيج بعيد ميلادي