لسنا أبرياء

البارت الخامس والعشرون

لسنا ابرياء //بقلم الكاتبة: غرور العراق وايليت

.:
عيون زرقاء لجسد ممشوق
قوة واهنة و شجاعة مصطنعة
دليار "صاحبة القلب " التي بدون قلب
غلاف من الكبرياء و الغرور
غشاء من الفخر و الشموخ
وعقل يعمل بتجاه واحد
لاحق لها يضيع
و لا رد اعتبار يسقط
مشاغبة بضحكات تعلو مرحا
حزينة بصرخات تكتمها خوفا
خطواتها تتمايل نحو المشكلات
تدخل واحدة لتبتكر اخرى
ماذا يحصل لو التهمها غبائها
وسقطت سهوا في فخ عد مسبقا
هل سينكير القلب البارد و يتهشم؟
هل تصبح شضاياها حادة تجرح كل من يقترب؟
ام ستجرح فقط نفسها بيديها وتعلن استسلامها؟!

.
.

غمضت عيوني عاضة شفتي اعرف غلطت ولصتهة وطمست طمسة ماراح اطلع منهة

ماعرف ماحس بأي شيء حالياً احس ما مستوعبة
اجة صوت الشهود موافقين مدري شنو حجو فصلت
وراهة استاذنوا ومشو

وخر علي من وراي مثل جان متكفل بمهمة وخلصت اجة صوت مجاهد : يالله علي برة عزلنة

هو گال هيج واني ماصدكت گبل تحركت للباب صاح بصوت: وييين

التفتت وحجيت اسوي روحي فاهية: غير عزلت

طكاهة علي بضحكة سخيفة ومشة للباب يطلع فتحة واني اركض وراه قبل لا اوصل لزمني مجاهد من وسطي

وشالني بديت اضرب بي واصيح : عووفي حمسس عليييي عليك الامام علييي تعاال بداعتت من سماك علي تعااي اخذننني

مجاهد: من يمتة گايمة تستقوين بي وطاگة الميانة صارلج شكم يوم من عرفتي

دليار: وجهة وجهة واحد شريف شوية

مد علي راسة من باب غمزلي بخبث وسدا كشمت بوجهة ومغصتني بطني اني و مجاهد لوحدنة بشقتة

العب رحت بيهة

شمرني على الكرويتة وضرب راسي بطرفهة عطت بي:, اخخخخ وجع شنو هالسلوب

مجاهد: اعذرينة سندس مامتعلمين على الرقة

تقرب مني لزم فگي حيل وعصرة رفع راسي : شنو شعورج هسة وانتي مرتي

بلعت ريگي : اخرا شعور بالعالم

ضحك بفكاهة وخر كعد بصفي عدلت كعدتي وخرت بمسافة عنة باوعلي من فوك ليجوة

مجاهد: لاتخافين ماسويلج شيء مو ذوقي انتي

عوجت حلگي: لا عليك الله سويلي شيء هالله ميتة عليك هسة اني

لف ايدة على زندي وجر ايدي حيل : السانج أكصة الج اذا طولتي منا و طالع

حجيت بستهزاء: لابربك عايش الدور عيني

مجاهد: وليش ماعيشة مرتي و حلالي

دليار: هاي بس عدك اني مامعترفة بيك ولا راح احطلك احساب نفسك بقيت مجاهد العار

ماحسيت غير كف لف وجهي وحرارة بخدي انصدمت لحظة عيوني غوركن عضيت شفتي بقهر دم سنوني واحد يضربني