جميلتى

الفصل السابع

اوصل عمار جميله للمنزل وغادر لعمله ثانيه

فتحت حنين الباب بلهفه
حنين: جميله...اتاخرتى كده ليه قلقت عليكى اوووى

جميله : اخد نفسى بس الاول واحكيلك

دخلت وجدت السيده زينب تنتظرها
زينب: حمدلله على سلامتك يابنتى دى حنين كانت قلقانه عليكى اوى

جميله: الله يسلمك معلش قلقنا حضرتك

زينب: لا يابنتى مفيش حاجه يلا اسيبكم انا بقا عشان ترتاحوا الوقت اتاخر وهمشى انا عشان انام كمان

تصبحوا على خير

الفتاتان: وحضرتك بخير

بعد فتره كانتا تجلسان بعد ان قصت عليها جميله مافعله جسار بها وكيف ردت له الصاع صاعين

كانت تنظر لها بصدمه وقالت
حنين: قولى انك بتهزرى انتى قولتى عليه كده للى فى الحجز ياخبر ابيض

وهو حبسك فعلا هههههههه والله وبقيتى رد سجون يابنت عمى

جميله بغيظ: اتلمى ياحنين بدال ما اقوملك

حنين: والله انتوا الاتنين اجن من بعض

شردت جميله قليلا ثم قالت
عارفه ياحنين
انتبهت لها حنين وقالت: ايه فى ايه

جميله: انا حاسه ان فيه حاجه مخبينها علينا مش عارفه ليه

وكمان حاسه انى ناسيه حاجه بس هى ايه مش عارفه

حنين: نسيتى تكلمى مرات عمى دى اتصلت الف مره

انتفضت جميله على الفور وقامت بمهاتفه والدتها

فى منزل الاستاذ جمال

جمال: ها يامديحه كلمتك

مديحه: اه الحمد لله هى بخير بتسلم عليكم انا كنت هموت من القلق

جمال: مش حنين قالتلك بتخلص حاجات تبع البحث

مديحه: انا عارفه بحث ايه ده اللى مخليها قاعده هناك لحد دلوقتى ومتنزلش اجازتها

جمال: ادعيلهم ربنا يوفقهم

مديحه: وبعد التعب ده كله ايه ماهى كل واحده مسيرها لبيت جوزها فى الأخر

جمال: الكلام ده كان زمان يامديحه دلوقتى الوضع اتغير البنت بقيت بتشغل اهم مناصب فى الدوله

مديحه: ربنا يوفقهم

كانت تجلس بغرفتها تعبث بهاتفها حين وجدت تلك الرساله
فتحتها كانت منه ادهم السيوفى

نظرت لها مطولا وقالت
أمنيه: ايه ده باعتلى رساله
انا آسف انى بكلمك كده بدون استئذان كنت حابب اطمن بعد اذنك طبعا عملتى ايه فى الموضوع اللى قولتلك عليه

أمنيه: اعمل ايه ارد لا لا لا مينفعش هو اصلا مش لازم يكلمنى

بس هو كان بيساعدنى طيب اقوله ايه لا مش هرد