جميلتى

الفصل الثانى والعشرون

Flash back

خالد: يعنى انتى هربتى من اخوكى وسايباه قاتل واحده وعرفتى انه بيتاجر بالبشر صح كده انا فهمت صح مش كده ولا ايه

شهد: ايوه بالظبط كده

خالد: ااااه واختارتينى انا من وسط ١٠٠ مليون عشان اساعدك صح

صمتت ولم تجد ما تخبره به
خالد: طيب انتى يعنى دلوقتى ناويه على ايه فى حد تروحيله يعنى فى حد هيساعدك هتبلغى البوليس مثلا عرفينى هتعملى ايه

شهد: انا ماليش حد ولا اعرف اى حد ممكن يساعدنى وخايفه ابلغ البوليس وانا معنديش اى دليل على كلامى ده وكمان انا بقيت اتوقع اى حاجه من سمير اخويا هو ببساطه ممكن يكدبنى ويقول اى حاجه ويطلع منها

خالد: اممم طيب ممكن تفكرى شويه يمكن تفتكرى حد تروحيله

نظرت للاسفل بخجل وقالت
شهد: انا آسفه انى دخلتك فى حوارات ملكش دخل بيها بس والله انا مش عارفه اعمل ايه

خالد: ربنا موجود قومى انتى نامى وبعدين نشوف هنتصرف ازاى

Back
شهد: بس هو ده اللى حصل والله وخالد كتر خيره جابنى معاه هنا وساعدنى اشتغل فى الدوار

كانتا تنظران نحوها بوجوم الى ان قالت حنين
حنين: اخوكى اسمه سمير

شهد: ايوه

جميله: ااااه شهد وسمير ....بقولك هو عنوان بيتكم ده (......)

شهد بتعجب: ايوه فعلا بس عرفتى منين

حنين: الحقينى ياجميله انا هيغمى عليا

جميله: لا اجمدى كده اومال ثم قالت بنبره على وشك البكاء: ده باينه هيبجى مرار طافح

فى شقه جاسر وعمار

جاسر: انا مش فاهم حضرتك عاوزه ايه بالظبط هو اجبار يعنى ولا ايه

ألفت: ايه الاجبار فى كده قولتلك هنقضى يومين ونرجع تانى

جاسر: ياماما وجايباهم معاكى ليه وكمان هنا

ألفت: انا مش فاهمه فى ايه مالك انت واخوك هى دى مقابلتكم ليا وانتوا بعيد عنى طول الفتره اللى فاتت

أدهم: ياماما مش قصدنا نزعلك بس يعنى...
جاسر: خلاص يا ادهم اللى تحبيه ياماما انا هقوم دلوقتى عشان ارتاح ساعتين قبل ماارجع الشغل بالليل تانى

ألفت: لا شغل ايه بقا انت تاخد اجازه ونقضى الوقت مع بعض

جاسر: هنشوف ياماما بس بعدين

خرج وتركهم وذهب نحو غرفة عمار فهى ستصبح غرفتهم المشتركه خلال الايام المقبله

ما ان رآه عمار حتى قال مازحا

عمار: مالك يابنى بتطلع دخان ليه كده

جاسر: بقولك ايه سيبنى فى حالى  واسكت