جميلتى

الفصل الثالث عشر

فى احدى الدول الاجنبيه
وصلت تلك الحاويه للميناء بسلام

هبطت الفتيات معصوبات الاعين وتفرقن كل مجموعه فى اتجاه

لم تفهم سميه مايحدث ولا بأى لهجه يتحدث هؤلاء

ولكنها شعرت بالخوف فهى لا تعلم هل صديقتيها برفقتها ام لا

شعرت بمن يجذبها بقوه ويتحدث بشئ لم تفهمه

سميه: مش فاهمه انا مش فاهمه حاجه

سمعت صوتا يقول بهمس
بس اسكتى امشى وخلاص

بعد فتره ازال احدهم تلك العصبه من على عينيها
شعرت بذلك الضوء القوى يؤلم عينيها

نظرت حولها انها فى قصر او لو كان هناك تشبيها آخر الا ان هذا المكان لم ترى مثله من قبل

بعد دقائق وجدت فتاه شقراء مقبله عليهم وقالت بلهجه عربيه

مرحبا بكم انا اتحدث اللغه العربيه جيدا وسوف اشرح لكم كل شئ

الآن ستذهبن جميعا للغرف الموجوده بالأعلى ستجدن هناك من يساعدكن حتى تجهزن انفسكن

حين ياتى المساء ستاتون هنا ثانيه

نظرت سميه حولها لم تجد كلا من سحر وأميره

شعرت برعب ارادت ان تسأل اى شخص عليهما

كانت تتلفت حولها بخوف الى ان سمعت ذلك الصوت ثانيه

بتدورى على ايه

سميه: انتى اللى كلمتينى
مدت تلك الفتاه يدها نحو سميه وقالت
اعرفك بنفسى انا صافى ....وانتى

صافحتها سميه وعرفتها بنفسها

دلفت كلاهما نفس الغرفه
سميه : انا مش فاهمه حاجه احنا هنا ليه وباقى البنات فين

صافى: انتى اول مره تيجى هنا
سميه: ايوه

صافى: احنا هنا بنجهز نفسنا كل يوم وبالليل بيكون فى تجمع تحت ناس من كل الدول تقريبا وكلهم من اهم الشخصيات فى المجتمع

بننزل كل ليله يعملوا عرض لينا وكل واحد تعجبه واحده بيدفع فيها مبالغ كبيره جدا وياخدها تقضى الليله معاه وياسلام بقا لو عجبته بتشوف الهنا كله

كانت سميه تستمع لها بصمت وخوف
هى كانت تعلم ان هنا الوضع مختلف واخطر لكنه ايضا اقذر مما كانت تعمل فهى لم تعمل هكذا من قبل

سميه: وباقى البنات فين

صافى: فى اماكن تانيه زى هنا بس كل مجموعه فى مكان ...احنا هنا مش لازم نسأل عن حاجه انا قولت افهمك عشان متعمليش حاجه ممكن تاذيكى

سمعتا صوتا آمرا بان يلتزما الصمت

فى القاهرة
استيقظ مبكرا للذهاب لعمله