Wind Chime (A Lucid Dream Spin-off)

Chapter One

Chapter One

An empty stage with a single mic stand in the middle, a loud cheering from the crowd. Paulit ulit kong naririnig ang pangalan na sinasabi nila.

"Annalise! Annalise! Annalise!"

I can feel the heat and the anticipation. Sa bawat segundong dumadaan, mas lalong na-e-excite ang mga tao sa pag labas ng singer na hinahangaan nila.

At heto ako ngayon...malapit nang malagasan ng buhok dahil sa singer na 'yun.

"Madam anong gagawin natin?" tanong ng production assistant ko na si MJ. He's a flamboyant gay. Ganda ng kutis nito. Maputi at makinis. Tapos ang make up on point na on point. Naka cats eye pa na eyeliner. Fresh na fresh ang itsura niya, pero ramdam ko na nangangarag na rin siya. "Ayaw talaga isuot ni Annalise yung tshirt. One hour delayed na yung show. Mga tao nagagalit na!"

Napahinga ako nang malalim as I try to calm myself down. Sinusubukan kong habaan ang pasensya ko dahil alam kong pag nainis ako, baka mapaaway lang ako at mas lalong hindi matuloy ang show.

"T-shirt lang naman 'yun, ba't ayaw niya ba isuot?" I asked with controlled emotions.

"Nag iinarte si bakla," sagot naman ni MJ.

"Kung makapag inarte siya kala mo naman live kumanta," bulong ko.

MJ hushed me, "madam marinig ka ng mga fans! Naku bash ka niyan online!"

Tumayo ako sa kinauupuan ko, "okay kakausapin ko na siya!" irita kong sabi.

"Oh my god," napatakip ng bibig si MJ. "Susugurin mo?"

"Hindi pwedeng attitude dito! Isang oras na niya pinag iintay ang mga fans dahil sa ka artehan niya? Aba be professional naman!"

Naglakad ako papunta sa dressing room niya habang naka sunod naman si MJ sa likod ko. Kabado sa kung ano ang gagawin ko.

Walang katok katok, binuksan ko ang dressing room ni Annalise at nakita kong nakahiga pa siya doon sa folding bed niya na nakahiga at pa-nood nood langs a iPAD.

"You know this Musikero? I like his way of singing," dinig kong sabi niya doon sa assistant niya habang tinuturo yung kung ano man ang pinapanood niya.

My blood boils.

This girl has no respect on other people's time just because sikat na sikat na siya. Minsan ang sarap videohan ng attitude niya at i-post online. Although alam ko na kahit gawin ko 'yon, meron at meron pa ring fans ang magtatanggol sa kaniya at baka mamaya eh ako pa ang mabaliktad.

Huminga ulit ako nang malalim at nag bilang ng one to ten. Kailangan kalmado ako bago ko siya lapitan or else baka bigla akong mapagamit ng dahas.

Happy thoughts, okay? Happy thoughts.

I forced a smile at nilapitan ko si Annalise.

"Annalise," tawag ko sa kanya with the sweetest tone possible at tinapik ko ang balikat niya.

Irita niyang ibinaling ang tingin niya sa akin na para bang naistorbo ko siya sa panonood. Magkasalubong pa ang mga kilay.

"Who are you?" tanong nito.

Muli akong napahinga nang malalim. Nakakaloka ang babaeng 'to. Mga sampung beses na ata ako nagpakilala sa kaniya. Mula sa planning ng albums niya at mga shows, magkasama na kami. Tapos hindi pa rin niya ako kilala? Samantalang ako ang nag aasikaso ng promotion ng album niya?