مالك وسيريين المصريه والمخابرات الخياليه

( الحلقه الخامسه ) بعنوان ( الغدر وحضن المخابرات وحرب العراق )

سيريين بعد ما طليقها خطف بناتها ونزل على بلده مصرسيريين سابت كل حاجه وسابت شغلها هى كده كده لسه لم تتثبت فى شغلها المهم اخدت جوزها الألمانى ونزلت على مصر بسرعه وطلبت من ابوها الدبلوماسى يساعدها فى انها ترجع بناتها لحضنها لان ابوها كان واصل اوى اوى وصديق شخصى لرئيس المصرى ما الاخر كان يقدر يودى جوزها ده ورا الشمس بس للاسف رده عليها انتى زى ما اطلقتى روحى رجعى بناتك بنفسك انسى ان ليكى أب سفير ساعدى نفسك بنفسك 

سيريين راحت لمحامى يرفع لها قضيه وعملت بلاغ بسرقة بناتها لكن جوزها كان مهندس صايع وعارف كويس البلد ماشيه ازاى وقدر يشترى المحامى بالفلوس ويبوظ القضيه ده غير انه كان يعرف ضباط ساعدوه كويس اوى انها ماتعرفش تاخد بناتها وياريت جوزها سكت لغايت كده لا ده عمل كمان قضية زنا مع جوزها التانى وجمع بين زوجين لانه لما طلقها فى امريكا سيريين ماكنش معاها ورق يثبت طلاقها فى الوقت ده وعقبال ما جابت الورق اللى يثبت حقها كان حصل مفاجئه غير ساره بالماره وهى ان جوزها اخد البنات وهرب لاحدى الدول الخليجيه سيريين لم تتحمل الصدمه وجالها انهيار عصبى وشلل فى نصف وجهها ولم يقف بجوارها احد واحساسها ان الكل كان بيحاربها حتى ابوها قهرها ولم ينصفها مع انه قادر الدنيا اسودت امام سيريين وجوزها التانى الالمانى للاسف ماكنش بيقدر يتصرف راجل سلبى فى تصرفاته سيرين ابتدت تتعالج وشويه شويه بقيت احسن وقررت ترجع تانى على امريكا تكمل علاجها هناك وترجع شغلها فى المخابرات تانى الغريب ان المخابرات الامريكيه ماوقفتش مع سريين فى اللى حصلها مع انهم قادريين لكن ليه سابوها وهل ساعدو طليقها فى الهروب بالبنات لمصر علشان تبقى معاهم على طول هل طليقها عقد صفقه مع ciAكل شئ جايز المهم سيريين ابتدت تتعالج فى امريكا والمخابرات هناك وقفت جنبها كويس اوى فى العلاج بتاعها لغايت لما ربنا شفاها واتعالجت نفسيا من الاثار بتاعت خطف بناتها ورجعت سيريين شغلها فى ciِِِِA تانى والمره دى كانت راجعه مختلفه وتدريبات مختلفه خالص كانو بيحضرو سيريين لسفر للعراق تم تدريب سيريين تدريبات عاليه جدا جدا ورفع معدل اللياقه البدنيه عندها لاعلى مستوى والتدريب على الاعمال القتاليه والكيك بوكس وكل العاب العنف وازاى تعرف تضرب ضربات معينه فى أوقات معينه وازاى تقدر تنط من اداوار عاليه دون كسر تدريبات جسديه عنيفه جدا على رد الفعل المضاد وكان اصعب تدريب لها هو كان على الحواس ازاى تعرف تتحكم فى الحواس بتاعتها فى ردود الافعال لدرجة انهم كانو بيجبروها تعيد التدريب لمدة 12 ساعه من غير راحه ولا اكل ولا شرب ولا دخول حتى الحمام التدريبات كلها كانت متعلقه بعلم النفس وازاى تسأل السؤال باكثر من مائة طريقه والسؤال واحدفقط فى المائة طريقه الciA كانو عارفين القدرات بتاعت سيريين من وهى فى الجامعه وعارفين قد ايه هى هاتستجيب لتدريبات سيريين كانت بتنزل معارك اثناء التدريب مع اكثر من خمس اشخاص مدربين وتتفوق عليهم بدنيا وجسديا كان عندها قوه تقدر تسيطر وتضرب اكثر من شخص بحركات معينه وازاى تقتل شخص من حركه واحده لكن هى لم تستخدمها مع احد سيريين بعد ماخلصت فترة التدريب الصعبه دى طلبو منها السفر الى حرب العراق علشان تترجم للعربيه وتقنع الناس بتفتيش بيوتهم فى العراق دون عنف يعنى بمعنى اصح تعملهم غسيل مخ وهى كانت متفوقه جدا فى موضوع التفاوض كله علم نفس عميق وهى كانت غير عاديه فيه متفوقه بشكل اشبه بالخيال حاجه ربانيه كانت عندها وهما اكتشفوها عشان كده خطفوها زى ما بيخطفو اى شاب متفوق يسافر يتعلم عندهم المهم ماريا لقيت نفسها لابسه لبس الجيش الامريكى فى العراق بس سيريين اكتشفت ان فيه ناس بتتقتل بدون اى ذنب لمجرد انهم مش عايزيين الامريكان يفتشو بيوتهم ناس بدافع عن خصوصياتهم يتقتلو ليه وقدام عنيها وهى اساسا المفروض انها تتكلم مع الراجل رب الاسره الاول للتفتيش وتقنعه انهم يفتشو بدون مقاومه سيريين جالها انهيار عصبى تانى لما شافت الناس بتتقتل امام عنيها بدون ذنب وصحيت من النوم لقيت نفسها فى المستشفى ومربوطه فى السرير بكلبشات ودايخه ومتخدره وحواليها كمية محاليل كتيره ومش فاكره ايه حصل ومستغربه هى فى المستشفى ليه وعشان نعرف اللى حصل بالضبط يبقى ان شاء الله الحلقه القادمه 

تحياتى لكم جوربجى الجوربجى