مالك وسيريين المصريه والمخابرات الخياليه

الحلقه.الرابعةعشر بعنوان( مالك يعترف ويساند)

سيرين لما روحت علي بيتها طلبت تتكلم مع جوزها بكل ادب واحترام وانها بتتعرض لضغوط شديده جدا فى شغلها وان الدكتور بيغازلها بكلام حلو وانها محتا جاله وهو اهمل موضوع علاجه وماعندوش استعداد وقالتله انا ست وعمرى ما عملت حاجه حرام ولاعايزه اعمل لكن لازم تقف جنبي ماتسبنيش اضيع انا مضغوطه جدا وكان رد جوز سيريين رد صادم صادم صادم

قال لهاحببتي تقدري تعملي علاقه مع اي راجل ومش مهم انا اعرف المهم. تفضلي معايه زوجتي لاني مش هاعرف اعيش من غيرك واني هانتحر لو انتي سيبتيني وفي نفس الوقت ماقدرش اوعدك اني ممكن اتغير لانى مش حابب موضوع العلاقه انا محتاجلك امي مش زوجه قمة الانانيه طبعا لكن فى نفس الوقت صراحه مطلقه سيريين قالت له اومال كنت في اول جوازنا مش باين عليك يعنى الكلام ده رد وقال كنت بمثل لانى محتاجك لانك طيبه وحنينه وانا محتاجك ام اكتر من زوجه حاجه تجنن بصراحه

سيريين اتصدمت من كلام جوزها وكانت مذهوله

هو قال لها المجتمع الاوربي اغلبه بيعمل كده قالتله لكن احنا مسلمين وماينفعش نعمل كده وازاى واحد يقول لمراته كده ازاى تقبل على نفسك ان مراتك تنام فى حضن راجل غريب كان رده ان الموضوع ده هنا عادى

سيريين حسيت ان الدنيا اسودت قدمها جوزها عايزها تنام مع حد غيره عادى كده لمجرد انه مش حابب الموضوع لا وكمان بيبرر انه مش لازم يعرف

سيريين جريت بسرعه على مالك واخذت تحكى له عما حدث من زوجها وما حدث مع الدكتور وانا خلاص مخنوقه ومش عارفه تعمل ايه

وكانت المفاجئه مالك بعد ثلاث سنوات صداقه اعترف لسيرين بحبه مباشر وبدون مقدمات لانه كان بيحبها ولكن فى صمت كان عارف انها ست متزوجه وماينفعش يبوح بحبه لها وفى نفس الوقت كان عارف ان فيه فوارق اجتماعيه وماديه وعلميه كمان يعنى بلغة الدنيا واوراق الدنيا ماينفعش

مالك لما عرف موقف جوزها الغير المحترم قال لها انه غير امين عليكى وموقف بعيد عن الرجوله من الاخر ده كده عايز يبقى ديوث (عرص)

مالك لما اعترف بحبه لسيريين كانت مفاجئه ليها وغير متوقعه لانها ثلاث سنوات صداقه مالك لم يلمح ولو بكلمه تفيد انه بيحبها وفى نفس الوقت مالك متزوج وعنده اولاد

لكن سيريين من داخلها كانت فرحانه جدا واتضح فيما بعد انها كانت تحلم بمالك كل يوم زوجا لها او حبيبا لها

مالك ابتدى يفتح قلبه لسيريين اللى كانت بتحب مالك وكان نفسها فى هذا الاعتراف وابتدت علاقة مالك وسيريين تكبر والحب كل يوم بيكبر ويكبر لدرجة ان ارواحهم كانت بتقابل بعض ازاى ده كان بيحصل الله اعلم لكن حصل

اعتراف مالك اعطى لسيريين قوه غير عاديه اخيرا حسيت ان لها ظهر تسند عليه وانسان بيحبها بجد مش عشان شغلها ومنصبها وشكلها الجميل

مالك بقى كل همه انه يرسم البسمه على وجه سيريين حتى وهو بعيد كانت بتسمع منه كلام اول مره تسمعه فى حياتها وكانت يوميا تتصل به من المانيا تكلمه بالساعات كانت بتحس فى صوت مالك بالدفئ والطمأنينه كل يوم تكلمه وتستمد منه قوتها

سيريين طلبت الطلاق من جوزها بعد ما طلب منها تعيش حياتها مع اى راجل عدم الاحساس بالامان مع هذا الرجل بعد الذى قاله كان لازم الطلاق وبالفعل انفصلو ولكن على الطريقه الاسلاميه مش القانون الالمانى عشان الحقوق لا تضيع وقسمو بيتهم نصفين كل واحد قعد فى مكان لان بيتهم كان على مساحة 1500 متر فيلا كبيره قسموها بينهم حتى لا يتأثر البنات بطلاقهم ويظلو قريبين من ابوهم وامهم المطلقين

على الجانب الاخر الدكتور لم يمل وكان عايز يوقعها بأى طريقه لكسر عينيها ومن ثما يتم استغلالها لصالح الشر لكن سيرين خلاص مالك كان مالى عليها حياتها ماكنتش شايفه غيره ولا عايزه تشوف غيره

سيريين مع مرور الوقت اكتشفت بالصدفه وهى بتفتح جهاز الدكتور انه بيتاجر فى الاعضاء البشريه والسلاح عشان كده بقى ملياردير كبير واكتشفت ايضا ان الدكتور عنده ملف كامل عن سيريين من اول ما تولدت وانه المفروض خلال ست شهور تكون جاهزه ومهيئه نفسيا لكن مهيئه لايه ويعنى ايه الكلام ده وليه انا طلعت حاله عند الدكتور لابد من تجهيزاها سيريين مش فاهمه

سيريين جريت على مالك وقالتله على حصل وكان رد مالك فيه الحل للموضوع وهو انها تبلغ المخابرات الالمانيه وبالفعل ذهبت سيريين للمخابرات الالمانيه عن طريق احد القضاه المحترمين التى عرفتهم وكانت المفاجئه ان المخابرات الالمانيه تراقب عن بعد كل شئ ولكن ابتداء من الان لابد من ايقاع هذه الشبكه وبدءات الحرب واللعب بين المخابرات الالمانيه والامريكيه

ياترى الدكتور عمل ايه بعد ما شاف سيريين وهى فاتحه جهازه وعمل ايه بعدها هانعرف ان شاء الله الحلقه القادمه

تحياتى لكم جوربجى