مالك وسيريين المصريه والمخابرات الخياليه

الحلقه التاسعه بعنوان (مالك وسيريين المصريه على الfacebook)

مالك وسيريين اتعرفو على بعض على الفيس زى ما قلنا الحلقه الماضيه

سيريين اتكلمت مع مالك وارتاحت له فى الكلام واعجبت بثقافته وتدينه وانه ملتزم لكن برضه ماعطيتش الامان اوى لمالك لانها بقى ماعندهاش ثقه فى اى حد وبدءت تسأل مالك هل هو متزوج وايه المؤهل بتاعه ووظيفته ومالك كان صادق وصريح جدا عرفها انه متزوج ومش معاه مؤهل عالى بالعكس انا معايه اعداديه ودخلت ثانوى تجارى وماكملتش وراجل من الطبقه الشعبيه وشغال فى عمل حر وعنده اولاد والحمد لله الدنيا ماشيه

سيريين استغربت من صراحت وصدق مالك معاها خوصا انها عايشه فى اوربا واغلب المصريين لما بيلاقو حد عايش فى اوربا بيتكلمو معاه مش بيبقو على حقيقتهم طبعا هى دارسه علم نفس كويس وتقدر تعرف اذا كان كداب ولا لا بس برضه كانت حريصه من مالك فى بادئ الامر وده شئ طبيعى على اللى سيريين شافته وقالت مع الوقت هايطلع زى بقيت العرب يدخل بقى فى قصص ويعمل نفسه معجب وكده قالت اشوف الشخص ده بيفكر ازاى كانت معجبه بكتباته وجرائته فى طرح المواضيع على الفيس لكن ياترى مالك ده حقيقى ولا لأ قالت تعمله اختبار بسيط وهو بيكلمها على الفيس سألته هو انت بتتكلم من البيت كده عادى والمدام جنبك فقال لها ايوه وعارفه انى بكلمك كمان قالتله عندك تليفون ارضى فى البيت قال نعم قالتله ممكن اخده راح عاطيها الرقم فقالت له ممكن اتصل قالها اتفضلى على الرحب والسعه وبالفعل اتصلت وكلمت مالك ومراته موجوده والعجيب ان مالك خلاها كمان تسلم على زوجته عادى وعرف زوجته دى مين وعرفها ازاى مالك صريح وصادق وماعندوش حاجه يخاف منها او شئ يخجل منه دى كانت المقوله بتاعت مالك دائما لسيريين وعلى فكره مالك كان ذكى وفهم هى بتعمل كده ليه لكن هو فعلا ليس عنده ما يخجل منه تعامله باحترام وادب وصديق محترم

سيريين انبهرت باخلاق مالك معاها وبصدقه دائما فى الحديث معها

اما مالك ماكنش يعرف حاجه خالص عن سريين ولما سألها عن نفسها لم تقول له ان والدها سفير سابق وراجل دبلوماسى واتظاهرت بانها انسانه بسيطه لسه واصله اوربا وبتتعلم اللغه عشان تتوظف هناك ومتزوجه وعندها بنت وولد

مالك ماكنش يشغله هى بتشتغل ايه ولا بنت مين اهم شئ انه كان مبسوط بالكلام معاها وبثقافتها واسلوبها فى ادارت الحوار وكان كل اللى بيفكر فيه انه ازاى يحافظ على الصداقه دى وعلى الانسانه المحترمه دى

سيريين مع الوقت شافت ان مالك قلبه ابيض وجميل بعد عدة اختبارات فى علم النفس ومالك كان شايف سيريين انسانه محترمه جدا وصريحه مع انها اخفت عنه حقيقتها وانها من عائله كبيره

المهم سيريين ابتدت تطمئن لمالك وبدءت تفضفض معاه فى الكلام وتحكى بعض اسرارها له وتاخد رائيه فى كثير من الامور وكانت بتستغرب لان مالك دائما رائيه كان صح وبيدلها على الطريق الصحيح

على الجانب الاخر مالك هو كمان كان بيتحدث عن حياته الاسريه مع سيريين على انه مبسوط ومرتاح وكان بيشكر فى زوجته وانها مثاليه وست مش هاتتعوض والحمد لله

مالك كان عايز يوصل رساله لسيريين انه مش بتاع كلام فارغ ومعاكسات

سيريين احترمت مالك اكتر وفضلو مع بعض ثلاث سنوات اصدقاء وبقو يستنو بعض كل يوم عشان يتكلمو مع بعض على الفيس وكلها كانت مناقشات وثقافه عامه وحورات اكثر من رائعه كانو محافظين على الصداقه بشكل جميل فعلا ومالك مابيكلمش غير سيريين بس ع الفيس وسيرين نفس الكلام

ياترى الثلاث سنوات صداقه كان فيهم ايه ده هانعرفه الحلقه القادمه ان شاء الله

تحياتى لكم جوربجى الجوربجى