قصص عراقية:
ﺍﻟﺒﺎﺭﺕ ﺍﻟﺜﺎﻧﻲ ﻋﺸﺮ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ ...
💔💔💔💔💔💔💔💔💔💔
ﺗﺮﻳﺪ ﺗﻌﺮﻑ ﺷﻨﻮ ﺍﻟﻴﻮﺟﻌﻨﻲ ؟ !
ﺍﻧﺖ ﻭﺍﻟﺪﻧﻴﺎ ﻭﺷﺘﺎ ﺍﻟﻠﻪ .... ﻭﺧﺒﺼﺔ ﺍﻟﻮﺍﺩﻡ ﻭﺣﻈﻲ
ﻭﺍﻟﻀﻴﺎﻉ ﺍﻟﻤﺎﺩ ﺭﺟﻠﻪ ﺑﻮﺟﻪ ﻋﻤﺮﻱ .....
ﻭﺍﻻﻣﺎﻧﻲ ﺍﻟﻤﺪﺭﻱ ﻳﺎﻫﻮ ﺑﺎﮒ ﺑﻴﻬﻦ !
ﻭﺍﻟﻠﻴﺎﻟﻲ ﺍﻟﺘﺎﺧﺬ ﻣﻦ ﺍﻟﺤﻴﻞ . ﻣﻦ ﺗﺮﻳﺪ ﺗﮕﻀﻲ .....
ﻭﺍﻟﻀﻮﻩ ﺍﻟﻤﺎ . ﻳﺸﺘﻬﻴﻨﻲ !
ﻭﺍﻟﻬﻮﻩ ﺍﻟﻤﺎ ﻳﻌﺘﻨﻴﻠﻲ !
ﻭﺍﻟﺴﻤﺎ ﺍﻟﻤﺎ ﮔﻤﺖ ﺍﺛﻖ ﺑﺎﻟﻈﺎﻝ ﺑﻴﻬﺎ
ﻣﻦ ﻃﻔﻪ ﻭﺟﻬﻚ ﺑﻌﻴﻨﻲ ...
ﺫﻧﻲ ﻛﻠﻬﻦ ﻳﻮﺟﻌﻨﻲ !
....................................................
ﺍﻣﻲ ﺑﻌﺪﻫﺎ ﺗﻨﻮﺡ ﻭﺗﺒﺠﻲ ﻭﺗﺘﺼﻞ ﺑﺠﺎﺑﺮ ﻣﻴﺠﺎﻭﺏ ...
ﻛﻌﺪﺕ ﻳﻤﻬﺎ ﻭﺍﻧﻲ ﺍﺳﻤﻲ ﻋﻠﻴﻬﺎ ﻭﺍﺫﻛﺮ ﺍﺳﻢ ﺍﻟﺮﺣﻤﻦ ﺑﻠﻜﻲ ﺗﻬﺪﻱ ﻣﻦ ﺭﺟﻔﺘﻬﺎ ...
ﻟﻄﻤﺖ ﻋﻠﺊ ﺻﺪﺭﻫﺎ ... ﻳﻤﻪ ﺟﺎﺑﺮ ﻳﻤﻪ ﻭﻟﻴﺪﻱ ﻛﺘﻠﻮﻭ ... ﻳﻤﻪ ﺳﻮﺩﻩ ﻋﻠﻴﻪ . ﻭﺍﻟﻠﻪ ﻣﺎ ﻳﺨﻠﻲ ﺟﺎﺳﺮ ﻭﺍﻟﻠﻪ ﻳﻤﻮﺗﻪ ...
ﺍﻧﻲ ﺣﺬﺭﺗﻪ ﻛﺘﻠﻪ ﻳﻤﻪ ﺟﺎﺑﺮ ﻋﻮﻭﻓﻨﻪ ﻣﻨﻬﺎ ﻣﺘﺠﻲ ﻣﻨﻬﺎ ﺑﺲ ﺍﻟﻤﺼﺎﻳﺐ ... ﻭﻫﻮ ﺍﺫﻥ ﻣﻦ ﻃﻴﻦ ﻭﺍﺫﻥ ﻣﻦ ﻋﺠﻴﻦ ...
ﻫﺴﻪ ﺍﺭﺗﺎﺡ ﻣﻦ ﺑﻬﺬﻟﻨﻪ ﻭﻗﻬﺮ ﺍﺑﻮ ﻭﺗﻄﻠﻜﺖ ﻣﻦ ﻭﺭﺍﻫﺎ ﻭﻭﺭﻩ ﺟﻮﻟﻴﻴﺖ ...
ﻣﺴﺤﺖ ﺩﻣﻮﻋﻬﺎ ﺑﺎﺳﺊ ... ﻛﺘﻠﻪ ﻳﻤﻪ ﺫﻭﻭﻝ ﻋﻨﺪﻫﻢ ﺛﺄﺭ ﺫﻭﻭﻝ ﻧﺎﺱ ﺗﺎﻛﻞ ﺑﻨﺎﺱ ﻭﻣﺎﻋﻨﺪﻫﻢ ﻣﺨﺎﻓﺔ ﺍﻟﻠﻪ ﻋﻮﻓﻨﻪ ﻣﻨﻬﻢ ﺑﺲ ﻫﻮ ﻭﻳﻴﻦ ﺻﺎﻳﺮ ﺍﻟﻤﻨﻘﺬ ...
ﻣﺎ ﺳﻤﻌﺖ ﺑﺲ ﺍﻟﺒﺎﺏ ﺗﻔﻠﺶ ﺗﻔﻠﺶ ... ﺳﺤﺒﺖ ﺣﺠﺎﺑﻲ ﺧﻠﻴﺘﻪ ﻋﻠﺊ ﺭﺍﺳﻲ ﻭﻃﻠﻊ ﺍﺭﻛﺾ ﻭﺍﻧﻲ ﺍﺻﻴﺢ ... ﺟﺎﻳﻪ ﺟﺎﻳﻪ ...
ﻭﺻﻠﺖ ﻟﻠﺒﺎﺏ ﻛﻠﺖ ﻣﻨﻮ ﻣﺎﻛﻮ ﺭﺩ ﻣﺤﺪ ﻳﺠﺎﻭﺏ ﺑﺲ،ﻋﻮﺩ ﺷﻨﻮ ﺍﻟﺒﺎﺏ ﻟﻮ ﻋﻨﺪﻩ ﺭﺟﻠﻴﻦ ﺟﺎﻥ ﺷﺮﺩ ﻛﻠﺖ ﺟﺎﺳﺮ ﻫﺪ ﻋﻠﻴﻨﻪ ﻣﺎ ﺑﻴﻬﺎ ﻣﺠﺎﻝ ...
ﺍﻭﻝ ﻣﺎ ﻓﺘﺤﺖ ﺍﻟﺒﺎﺏ ﺍﻧﻔﺘﺢ ﺑﻘﻮﻩ ﺑﺤﻴﺚ ﺍﺭﺗﻄﻤﺖ ﺑﺎﻟﺤﺎﻳﻂ ﺩﺧﻠﺖ ﻣﺮﻩ ﺍﻟﻌﺒﺎﻳﻪ ﻣﻔﺘﻮﺣﻪ ﻭﺍﻟﺜﻮﺏ ﻃﺎﻳﺮ ﻭﺍﻟﺠﻮﺍﺭﻳﺐ ﻛﺼﺎﺭ ﻳﻌﻨﻲ ﻣﻠﻔﻠﻔﺎﺕ ﻭﻃﺎﻟﻊ ﺭﺟﻠﻴﻬﺎ ...
ﺻﺎﺣﺖ ﺑﺼﻮﺕ ﺧﺸﻦ ﻭﻋﺎﻟﻲ ... ﻭﻳﻨﻜﻢ ﻳﺄﻫﻞ ﺍﻟﺪﺍﺭ ﻭﻳﻨﻜﻢ ﺑﻴﺖ ﺍﺑﻮ ﺟﺎﺑﺮ ...
ﺑﺎﻭﻋﺘﻠﻲ ﻭﺍﻧﻲ ﻣﺮﻛﺰﻩ ﻋﻠﻴﻬﺎ ... ﻳﺎﻟﻠﻪ ﻫﺎﻱ ﻣﻨﻮ ﺟﻨﻬﺎ ﺧﺎﻟﺘﻲ ﺻﺒﺮﻳﺔ ...
ﺑﺎﻭﻋﺖ ﻋﻠﻴﻪ ﻛﺎﻟﺖ ... ﻫﺎﺍﺍﻱ ﻣﻨﻲ ﺍﻧﺘﻲ ﻣﻨﻲ ﻭﻳﻨﺞ ﺧﻴﻴﻪ ﺑﺪﺭﻳﻪ ...
ﻫﻤﺴﺖ ﺑﻔﺮﺣﻪ ... ﺧﺎﻟﻪ ﺻﺒﺮﻳﻪ
ﺑﺎﻭﻋﺘﻠﻲ ﻭﺿﺤﻜﺖ ﺣﻀﻨﺘﻨﻲ ... ﻳﻤﻪ ﺭﻫﻴﻤﻪ ﺻﺎﻳﺮﺓ ﻣﺮﻩ
ﺑﺎﺳﺘﻨﻲ ﺑﺨﺪﻱ ﺷﻠﻌﺖ ﺧﺪﻱ ﺷﻠﻊ ﻛﺎﻟﺖ ... ﺷﻠﻮﻧﺞ ﻭﻟﺞ ﺍﻣﺞ ﺷﻠﻮﻧﻬﺎ ﺑﺸﺮﻳﻨﻲ ﺟﻜﻠﻴﺘﻪ ﺑﺲ ﻻ ﻣﺎﺗﺖ ..
ﺟﺮﻳﺖ ﻧﻔﺲ ... ﺍﺩﺧﻠﻲ ﺧﺎﻟﻪ ﺍﺩﺧﻠﻲ ﻣﺸﻜﻠﻪ ﻋﻮﻳﺼﻪ ﻣﺎﻟﻬﺎ ﺣﻞ ...
ﺩﺧﻠﺖ ﻛﺎﻟﺖ ﻭﺭﻭﺡ ﺍﻣﻲ ﻭﺭﻭﺡ ﺍﻣﻲ ... ﺍﺫﺍ ﺟﻮﻳﻠﻴﺘﻪ ﺻﺎﺭ ﺑﻴﻬﺎ ﺷﺊ ﻛﻠﻜﻢ ﺍﺩﺧﻠﻜﻢ ﺳﺠﻦ ...
ﺭﻓﻌﺖ ﺍﺩﻳﻬﺎ ﺑﺼﻴﺎﺡ ﻭﺧﻠﺘﻬﺎ ﻋﻠﺊ ﺭﺍﺳﻬﺎ ... ﺍﻟﻠﻪ ﺍﻛﺒﺮ ﻭﻟﻜﻢ ﻃﻔﻠﻪ ﻭﺣﺒﻠﻪ ﻭﻣﺎﻳﻌﻪ ﺟﻨﻬﺎ ﺍﻟﺠﻜﻠﻴﺖ ﻣﺤﺪ ﺭﺣﻤﻬﺎ ﺍﻫﻤﺪﺍﻛﻢ ﻣﻦ ﺯﻟﻢ ﻛﺎﺩﺭﻳﻦ ﺑﺲ ﻋﻠﺊ ﻫﻞ ﻃﻔﻠﻪ ...
ﻭﻛﻔﺖ ﺍﻣﻲ ﺳﻠﻤﺖ ﻋﻠﻴﻬﺎ ﻭﺣﻀﻨﺘﻬﺎ ﻛﻌﺪﺕ ﺻﺎﺣﺖ ... ﺧﻴﺒﻪ ﺭﻫﻴﻤﻪ ﻭﺻﻤﺦ ﺟﻴﺒﻴﻠﻲ ﻣﺎﻱ ﻧﺸﻒ ﺭﻳﺠﻲ ﻣﻦ ﺩﻫﺮ ﻓﺮﻩ ﻫﺬﺍ ﺍﻟﻈﺒﺎﻁ ﻧﺸﻒ ﺭﻳﺠﻲ ...
ﺍﻣﻲ ﺑﺎﻭﻋﺘﻠﻬﺎ ﺑﺎﺳﺘﻐﺮﺍﺏ ... ﻳﺎ ﻇﺎﺑﻂ
ﻃﻠﻌﺖ ﺑﺎﻛﻴﺖ ﺍﻟﺠﻜﺎﻳﺮ ﻭﻭﺭﺛﺖ ﺟﻜﺎﺭﺗﻬﺎ ﻛﺎﻟﺖ ... ﺑﺎﻟﺴﻴﻄﺮﻩ ﻟﺰﻣﻮﻧﻲ ﻳﻜﻠﻲ ﻋﻨﺪﺝ ﺍﺳﻼﺡ ﻭﺍﻧﻪ ﺍﺣﻠﻒ ﺑﺮﻭﺡ ﺍﺑﻮ ﺍﻟﻠﻮﻝ ﻭﺣﺴﻨﻪ ﻣﺎ ﻳﺼﺪﻛﻨﻲ
ﻳﻜﻮﻝ ﺍﻟﺠﻬﺎﺯ ﺍﺷﺮ ﻋﻠﺊ ﺳﻴﺎﺭﺗﻜﻢ ﻭﻓﺘﺶ ﺍﻟﻌﺒﺮﻳﻪ ﻛﻠﻬﺎ ﺍﻧﻮﺏ ﺗﻌﺎﺭﻛﺖ ﻭﻳﺎﻩ ﻭﺻﺎﺭﺕ ﻫﻮﻭﻭﺳﻪ ﺑﻌﺪﻳﻦ ﺣﺠﻲ ﻃﻠﻊ ﺷﻴﺸﺔ ﻣﺎﻝ ﺭﻳﺤﻪ ﻛﺎﻝ ... ﺧﺎﻑ ﻣﻦ ﻭﺭﻩ ﻫﺎﻱ ﺍﻟﺮﻳﺤﻪ ..
ﻛﻠﻮﻟﻪ .. ﺻﺪﻙ ﺟﺬﺏ ﺣﺠﻲ ﻏﻴﺮ ﺩﻛﻮﻝ ﺷﺎﻳﻞ ﻋﻄﺮ .. ﻭﺍﺣﻨﻪ ﺍﺗﻬﻤﻨﻪ ﺍﻟﺤﺠﻴﻪ ﺑﺎﻃﻞ ...
ﻋﺎﺩ ﺍﻧﻲ ﺗﻌﺎﺭﻛﺖ ﻭﻳﺎﻫﻢ ﻛﺘﻠﻬﻢ ﻋﻴﺐ ﺗﺘﻬﻤﻮﻧﻲ ﺑﺎﻃﻞ ﻭﺣﺮﺍﻡ ﻋﻠﻴﻜﻢ ...
ﺍﻣﻲ ﺗﻨﻬﺪﺕ ... ﺍﻱ ﺻﺪﻙ ﻟﻴﺶ ﻳﺘﻬﻤﻮﻧﺞ ﺑﺎﻃﻞ
ﻃﻠﻌﺖ ﻣﺴﺪﺳﻬﺎ ﻭﻫﻲ ﺗﻬﺰ ﺑﻴﺪﻫﺎ ... ﺍﻧﺪﺭﻱ ﻣﺎ ﻳﺨﺎﻓﻮﻥ ﻣﻦ ﺍﻟﺤﻆ ﻭﺍﻟﺒﺨﺖ
ﺍﻣﻲ ﺿﺮﺑﺖ ﺧﺪﻫﺎ .. ﻳﺎﺍﺍ ﺻﺨﺎﻡ ﺍﻟﺼﺨﻤﻨﻲ ﺍﺟﻴﺘﻲ ﻣﻦ ﺩﻳﺎﻟﺊ ﺑﻤﺴﺪﺳﺞ ﻭﻣﺤﺪ ﻟﺰﻣﺞ ...
ﺍﺧﺬﺕ ﺍﻟﻤﻲ ﻭﺷﺮﺑﺘﻪ ﻭﺭﺟﻌﺖ ﺗﺪﺧﻦ ... ﺧﺎﻳﺒﻪ ﺩﻃﻴﺮﻱ ﻫﻲ ﻋﺒﻮﺍﺕ ﺗﻔﻮﺕ ﻣﺤﺪ ﻳﻠﺰﻣﻬﺎ ﺟﺎﻳﻪ ﻋﻠﺊ ﻣﺴﺪﺳﻲ ﺍﺑﻮ ﺍﻟﺒﻜﺮﻩ ﻭﻛﻠﻪ ﺑﻲ ﻃﻠﻘﺘﻴﻦ ...
ﺭﺟﻌﺖ ﻭﺟﻬﺖ ﺳﺆﺍﻟﻬﺎ ﺑﺎﻫﺘﻤﺎﻡ ... ﻫﺴﻪ ﻛﻠﻴﻠﻲ ﺟﻮﻳﻠﻴﺘﺔ ﻭﻳﻦ ﺍﺧﺬﻫﺎ ﺍﻟﻜﺎﺳﺮ ﺩﻫﺮ ﻓﺮﻩ
ﺍﻣﻲ ﺑﺠﺖ ... ﻋﻮﻓﻴﻨﻬﺎ ﻣﻦ ﺟﻮﻟﻴﻴﺖ ﺟﺎﺑﺮ ﺷﻠﻮﻭﻧﻪ ﺻﺪﻙ ﺟﺎﺳﺮ ﺿﺎﺭﺑﻪ ﺑﻮﻛﺲ ...
ﺭﺩ ﺑﻌﺪﻡ ﺍﻫﺘﻤﺎﻡ ... ﻣﻮ ﺑﻮﻛﺲ ﻭﺍﺣﺪ ﻣﺎ ﺍﺩﺭﻱ ﺷﻜﺪ ﻫﻮ ﻭﺟﻬﻪ ﺻﺎﻳﺮ ﺧﺎﺭﻃﻪ ﺑﺲ ﻻ ﺗﺨﺎﻓﻴﻦ ﻣﺎﺑﻲ ﺷﺊ
ﺻﺪﻙ ﻛﻮﻥ ﺍﺧﺎﺑﺮﺓ ﻭﺍﺳﺎﻟﺔ ﺷﻠﻮﻥ ﺻﺎﺭ ﻛﻨﻮﺵ ﺑﺲ ﻫﺴﻪ ﺍﻧﻲ ﻣﻮ ﺑﺤﺎﻟﺔ ﺟﻜﻠﻴﺖ ﺍﻫﻢ ﺷﺊ ...
ﺩﻓﻌﺖ ﺍﻣﻲ ... ﻛﻮﻣﻲ ﺍﺧﺬﻳﻨﻲ ﺍﻟﺒﻴﺖ ﺟﻮﻳﺴﺮ ﺍﺷﻮﻓﻦ ﻭﻳﻦ ﺍﺧﺬ ﺍﻟﻔﺮﺧﻪ ﻻ ﻳﻔﻄﺴﻪ ﺟﻨﻪ ﺛﻮﺭ ﺣﺴﻨﻪ ﺍﻟﺨﺒﻞ ...
ﺍﻣﻲ ﺟﺮﺕ ﻧﻔﺲ ﻛﺎﻟﺖ ... ﻣﺎ ﻳﻌﺮﻓﻮﻥ ﻭﻳﻦ ﺍﺧﺬﻫﺎ ﻭﻳﺘﺼﻠﻮﻥ ﺑﻲ ﻭﻣﺎﻛﻮﻭﻭ ...
ﺍﺣﺘﺪﺕ ﻣﻼﻣﺤﻬﺎ ﺑﻐﻀﺐ ... ﺷﻨﻲ ﻭﻳﻦ ﺍﺧﺬ ﺟﻜﻠﻴﺘﻪ ﺑﺲ ﻻ ﻳﻤﻮﺗﻬﺎ .. ﺷﺒﻲ ﺗﺨﺒﻞ ﻫﺬﺍ ... ﻫﻨﻴﺎﻟﻪ ﻋﻠﻴﻬﺎ ﺧﻠﻘﻪ ﻭﺍﺧﻼﻕ .. ﻛﻮﻥ ﻳﺒﻮﺱ ﺍﻳﺪﻩ ﻭﺟﻬﻪ ﻭﻛﻔﻪ
ﺟﺎﺍﺍ ﻣﺜﻞ ﺍﺑﻮ ﺍﻟﻠﻮﻝ ﺍﺧﺬ ﺣﺴﻨﻪ ﻻ ﺧﻠﻘﻪ ﻭﻻ ﺍﺧﻼﻕ ﻭﺟﻬﻪ ﺟﻨﻪ ﻗﻮﺭﻱ ﻓﺎﻓﻮﻥ ﻭﺭﻳﺤﺘﻬﺎ ﺟﻨﻬﺎ ﺭﻳﺤﺔ ﺳﺮﺟﻴﻦ
ﻭﻛﻔﺖ ﺑﺎﻫﺘﻤﺎﻡ ﻭﺭﺟﻌﺖ ﻟﺒﺴﺖ ﻋﺒﺎﻳﺘﻬﺎ ... ﻛﻮﻣﻲ ﺍﺧﺬﻳﻨﻲ ﺍﻟﺒﻴﺘﻬﻢ ﺑﻠﻜﻲ ﻭﺍﺣﺪ ﻣﻦ ﺍﻟﻮﻟﺪ ﻳﻌﺮﻑ ﺷﺊ،ﻭﻳﺎﺧﺬﻧﻲ ﻟﺠﻮﻳﺴﺮ ﺍﻟﻨﺬﻝ
ﺍﻣﻲ ﺑﺠﺖ ﺑﻬﺪﻭﺀ ... ﻣﺎ ﺍﻛﺪﺭ ﺍﺭﻭﺡ ﻭﻳﺎﺝ ﺍﻟﺸﻴﺦ ﻃﻠﻜﻨﻲ ﻭﻣﻨﺎ ﺟﺎﺑﺮ ﺍﺑﺘﻠﻪ ﺑﻠﻮﺓ ﻣﺎ ﺍﻛﺪﺭ ﻭﻻ ﺍﻟﻲ ﻧﻔﺲ ﺑﺲ ﺧﺎﻑ ﻭﺍﺣﺪ ﻳﺴﺎﻟﺞ ﻛﻮﻟﻲ ﺍﻧﻲ ﺧﺎﺑﺮﺗﻨﻲ ﺍﻡ ﺟﺎﺑﺮ ﻭﺍﺟﻴﺖ ﺍﻟﺒﻴﺘﻬﺎ ﻭﺍﺧﺬﺕ ﺟﻮﻟﻴﻴﺖ ...
ﺭﺩﺕ ﺑﻘﻮﺓ .. ﺧﻮﻭﻭﺵ ﺑﺲ ﻟﻴﺶ ﻃﻠﻜﺞ ﺍﻟﺸﻴﺦ ﺧﺎﻑ ﺻﺎﺭ ﻣﺜﻞ ﺍﺑﻮ ﺍﻟﻠﻮﻝ ﻣﻦ ﺷﺎﻑ ﺣﺴﻨﻪ ﺻﺎﺭﺕ ﺍﺭﻣﻠﻪ ﻭﺭﺍﺡ ﺗﺰﻭﺟﻬﺎ ﻋﻠﻴﻪ
ﺍﻣﻲ ﻋﻘﺪﺕ ﺣﻮﺍﺟﺒﻬﺎ ... ﺷﻨﻮﻭ ﻗﺼﺪﺝ؟
ﺷﻤﺮﺕ ﺟﻜﺎﺭﺗﻬﺎ ﻭﻃﻔﺘﻬﺎ ﺑﻨﻌﺎﻟﻬﺎ ﻛﺎﻟﺖ ... ﻳﺠﻮﺯ ﻳﺮﻳﺪ ﻳﺘﺰﻭﺝ ﺭﺿﻴﺔ ﻋﻠﻴﺞ
