قصص عراقية:
ﺍﻟﺒﺎﺭﺕ ﺍﻟﺘﺎﺳﻊ ﻭﺍﻟﻌﺸﺮﻳﻦ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔
ﻟﺴﺎﻥ ﺣﺎﻝ ﺟﻮﻟﻲ 💔
ﺑﺮﻭﺣﻲ ﺍﻟﺨﻀﺎﺭ ﺷﻜﺜـﺮ
ﻭﺍﻟﺨﺎﻃﺮﻙ ﺻﻮﻓـﺮﺕ ﺣﺘﻰ ﺍﺭﻫـﻢ ﻟﻨـﺎﺭﻙ
ﺣﺴﻴﻦ ﺍﻟﺤﺒﺘﺮﻱ
....................................
ﺭﻛﻀﻨﻪ ﻋﻠﺊ ﺍﻟﺼﻮﺕ ﺍﻟﺼﺮﻳﺦ ﻃﻠﻌﺖ ﺍﻧﻲ ﻭﺟﺎﺳﺮ ﻭﺟﻌﻔﺮ ﻃﻠﻌﺖ ﺭﺿﻴﻪ ﻣﻦ ﻏﺮﻓﺘﻲ ﺗﺮﻛﺾ ...
ﻭﺧﺎﻟﺘﻲ ﻭ ﻭﻗﺎﺭ ...
ﻭﻧﺸﻮﻑ ﻧﻮﺍﻝ ﺗﺮﻛﺾ ﺑﺪﻭﻥ ﺣﺠﺎﺏ ﺷﻌﺮﻫﺎ ﻃﺎﻟﻊ ﻭﺑﻨﺎﺗﻬﺎ ﻳﺒﺠﻦ ﻳﺮﻛﻀﻦ ﻭﺭﺍﻫﺎ ﻭﺗﺮﺍﺟﻴﻬﺎ ﺍﻟﻄﻮﺍﻝ ﻳﺨﺮﺧﺸﻦ ...
ﻭﺗﺼﺮﺥ ... ﻭﻟﺞ ﻳﻤﻤﻤﻪ ﺍﻟﺤﻜﻴﻠﻲ ﺍﻟﺤﻜﻮﻟﻲ ﺧﻠﺼﻮﻭﻭﻧﻲ ﻣﻨﻪ ﻳﻤﻪ ﻳﺮﻳﺪ ﻳﻤﻮﺗﻨﻲ ...
ﻟﺰﻣﺘﻬﺎ ﺧﺎﻟﺘﻲ ﺑﺨﻮﻭﻑ ﻭﺭﺿﻴﻪ ﻟﺰﻣﺘﻬﺎ ﻭﺗﺮﺵ ﻋﻠﻴﻬﺎ ﻣﻲ ... ﻛﻮﻟﻲ ﻳﺎﻟﻠﻪ ﺷﺒﻴﺞ ﺍﺣﺠﻲ ﻣﻨﻮ ﻭﻳﺎﺝ
ﻛﻌﺪﺕ ﻋﻠﺊ ﺍﻻﺭﺽ ﻭﻫﻲ ﺗﺼﺮﺥ ... ﻳﻤﻪ ﻳﺮﻳﺪ ﻳﺤﻀﻨﻲ ﻳﺮﻳﺪ ﻳﻤﻮﺗﻨﻲ ..
ﺟﺎﺳﺮ ﻭﺟﻌﻔﺮ ﺟﺎﻧﻮﺍ ﻣﺼﺪﻭﻣﻴﻦ ﻣﻨﻬﺎ ﻭﻛﻞ ﺷﻮﻳﻪ ﻭﻛﺎﻟﻮﺍ .. ﺷﺒﻴﻬﺎ ﺷﻜﻮﻭﻭ ..
ﺿﻠﺖ ﺗﻐﺴﻞ ﺑﻮﺟﻬﻪ ﻭﺗﺒﺠﻲ ﻛﺎﻟﺖ ... ﺟﻨﻲ ﺟﻨﻲ ﺑﻐﺮﻓﺘﻲ ﺷﻄﻮﻭﻭﻟﻪ ﻭﻧﺎﺯﻉ ﻣﻼﺑﺴﻪ ﻭﻳﻔﺘﺮ ﻋﻠﻴﻪ
ﺧﻔﺖ ﺣﻴﻴﻞ ﻭﺧﺘﻠﺖ ﻭﺭﻩ ﺟﺎﺳﺮ ... ﻳﻤﻪ ﺟﻨﻲ ﺍﻟﻴﻮﻡ ﺷﻠﻮﻥ ﺍﻧﺎﻡ ﺍﻟﻮﺣﺪﻱ ...
ﺟﺎﺳﺮ ﺑﺎﻭﻉ ﻟﺠﻌﻔﺮ ﺑﺎﺳﺘﻐﺮﺍﺏ ... ﺷﻨﻮﻭ ﺟﻨﻲ؟ ﻣﻨﻴﻠﻨﻪ ﺟﻨﻲ ﺍﻟﺤﻤﺪ ﻟﻠﻪ ﺍﺣﻨﻪ ﻧﺎﺱ ﺻﺎﻳﻤﻴﻦ ﻣﺼﻠﻴﻦ ﻣﻨﻴﻦ ﻳﺠﻴﻨﻪ ﺍﻟﺠﻨﻲ ...
ﺭﺩﺕ ﺑﺸﻬﻜﺎﺕ ... ﻭﺍﻟﻠﻪ ﻭﺍﻟﻠﻪ ﻭﺭﻭﺡ ﻓﻼﺡ ﺟﻨﻲ ﺍﺟﺮﺩ ﻃﻮﻭﻭﻳﻞ ﻳﺨﻮﻑ ﻧﺎﺯﻉ ﻣﻼﺑﺴﻪ ﻭﻳﻔﺘﺮ ﺑﺲ ﺑﺸﻮﺭﺕ ﻭﻳﻠﻌﺐ ﺍﻟﻨﻔﺲ ...
ﺣﺘﺊ ﺍﺳﺎﻟﻮﺍ ﺳﺠﺎﻭﻱ ﻭﺿﺤﺎﻭﻱ ﺷﺎﻓﻨﻪ ...
ﺑﺎﻭﻋﺖ ﻟﺒﻨﺎﺗﻬﺎ ﺑﺨﻮﻑ ... ﻫﺎﺍﺍ ﻣﺎﻣﺎ ﺍﺣﺠﻦ ﻣﻮ ﺍﻛﻮ ﺟﻨﻲ ﺑﺎﻟﻐﺮﻓﻪ ﻭﺣﺘﺊ ﻳﻄﻜﻄﻚ ﺑﺎﻻﺧﺸﺎﺏ
ﺭﺩﻥ ﺑﺨﻮﻑ ... ﺍﻱ ﻋﻤﻮ ﻳﻄﻜﻄﻚ ﺑﺎﻟﻜﻨﺘﻮﺭ ...
ﺟﻌﻔﺮ ﺑﻤﻠﻞ ... ﻭﺍﻟﻤﻄﻠﻮﺏ ﺷﻨﻮ؟
ﺷﻬﻜﺖ ﻭﻫﻲ ﺗﻐﺴﻞ ﺑﻮﺟﻬﻬﺎ ... ﺍﺧﺎﻑ ﺍﻧﺎﻡ ﺍﻟﻮﺣﺪﻱ ﺑﺎﻟﻐﺮﻓﻪ ﺍﺧﺎﻑ ﻳﺠﻴﻨﻲ ﺍﻟﺠﻨﻲ ﻭﻳﺘﻠﺒﺲ ﺑﻴﻪ
ﺟﺎﺳﺮ ﺑﺠﺰﻉ ... ﻭﻳﻦ ﺍﻛﻮ ﺟﻨﻲ ﻳﺘﺨﺎﻳﻠﺞ !
ﻧﻮﺍﻝ ... ﻻ ﻣﺴﺘﺤﻴﻞ ﺣﺘﺊ ﺟﻨﺖ ﻭﺍﻛﻔﻪ ﺍﺑﺎﻭﻉ ﺑﺎﻟﻤﺮﺍﻳﻪ ﻋﻠﺊ ﻭﺟﻬﻲ ﻭﻫﻮ ﻛﺎﻋﺪ ﻋﻠﺊ ﺍﻟﺠﺮﺑﺎﻳﻪ ﻭﻳﺪﺧﻦ ﻳﺒﺎﻭﻉ ﻭﻳﺘﻔﻞ ﻋﻠﻴﻪ ﻳﺴﺘﻬﺰﺀ ﻣﺪﺭﻱ ﺷﺒﻲ
ﺟﻌﻔﺮ ... ﺍﻱ ﺣﻘﻪ ﻣﺎﻋﺠﺒﻪ ﻭﺿﻌﺞ ﻣﻮ ﺯﻳﻦ ﺑﺲ ﺗﻔﻞ ﻋﻠﻴﺞ ﻣﺎ ﺳﻮﻩ ﻏﻴﺮ ﺷﺊ
ﺍﺫﺍ ﻳﺸﻮﻓﺞ ﻧﺎﻓﺨﻪ ﺍﻟﺒﺮﺍﻃﻢ ﻭﻣﺴﻮﻳﻪ ﺗﺎﺗﻮ ﻭﺻﺎﺑﻐﻪ ﺷﻌﻔﺘﺞ ﻣﻮ ﺯﻳﻦ ﺑﺲ ﺗﻔﻞ ﻋﻠﻴﺞ ﻣﺎ ﻃﻜﺞ ﺑﺰﻳﺞ ...
ﺑﺎﻭﻋﻠﻪ ﺟﺎﺳﺮ ﺑﺤﺪﻩ ﻭﺧﺰﺭﻩ ﻭﻫﻲ ﻫﺠﻤﺖ ﺗﻠﻌﻠﻊ ﺑﺎﻟﺴﺎﻧﻬﺎ ﺍﻟﻼﺫﻉ ... ﺍﻧﺖ ﺗﺴﺘﻬﺰﺀ ﺑﻴﻪ ﻋﺒﺎﻟﻚ ﺍﺟﺬﺏ ﻭﺭﻭﺡ ﻓﻼﺡ ﺫﺍﻙ ﺍﻟﺸﺎﻟﻊ ﻋﻴﻮﻧﻲ ﺷﻔﺖ ﺟﻨﻲ ...
ﻭﺣﺘﺊ ﺣﻀﻨﻲ ﻭﻳﺮﻳﺪ ﻳﺒﻮﺳﻨﻲ ﻟﻮ ﻣﺎ ﺍﻧﻬﺰﻣﺖ ﻣﻨﻪ
ﺟﻌﻔﺮ ﺑﺴﺨﺮﻳﻪ ... ﺷﻬﻞ ﺟﻨﻲ ﺍﻟﺠﻨﺴﻲ ﻣﻨﺤﺮﻑ ﺣﻴﻴﻞ ..
ﺟﺎﺳﺮ ... ﺩﺳﻜﺖ ﺧﻠﻲ ﻧﻔﺘﻬﻢ ...
ﻫﻤﺲ ﺟﻌﻔﺮ ﺑﺨﻔﻮﺕ ... ﻃﺎﻛﻬﺎ ﺍﻟﺠﻔﺎﻑ ﻭﺗﺮﻳﺪ ﺗﻤﺸﻴﻬﻦ ﺑﺮﺍﺳﻲ ﻣﺎ ﺗﺪﺭﻱ ﻛﻠﻬﻦ ﻃﺎﻛﺎﺕ ﺟﻮﻩ ﺭﺟﻠﻲ ...
ﺟﺮ ﻧﻔﺲ ﺟﺎﺳﺮ ﻛﻠﻬﺎ ... ﻛﻮﻣﻲ ﺧﻮﻳﻪ ﻛﻮﻣﻲ ﻧﺎﻣﻲ ﺑﻐﺮﻓﺔ ﺟﻌﻔﺮ
ﻫﻲ ﺑﺎﻭﻋﺖ ﺍﻟﺠﻌﻔﺮ ﺑﺤﺰﻥ ﻣﺼﻄﻨﻊ ... ﺍﺧﺎﻑ ﺟﻌﻔﺮ ﻣﺎ ﻳﻘﺒﻞ ﻭﻫﻢ ﺭﺟﺎﻝ ﻣﺎ ﻳﺮﺗﺎﺡ ﻏﻴﺮ ﺑﻐﺮﻓﺘﻪ ...
ﺟﻌﻔﺮ ﺑﻤﻠﻞ ... ﻧﺎﻣﻲ ﺑﻐﺮﻓﺘﻲ ﻭﺍﻥ ﺷﺎﺀ ﺍﻟﻠﻪ ﻣﻦ ﺑﺎﺟﺮ ﺍﻧﻘﻞ ﻛﻞ ﺍﻏﺮﺍﺿﺞ ﺑﻐﺮﻓﻨﻲ ﻭﺍﻧﻘﻞ ﺍﻏﺮﺍﺿﻲ ﺑﻐﺮﻓﺘﺞ ﻭﺧﻠﻲ ﺍﻧﺎﻡ ﺍﻧﻲ ﻭﺍﻟﺠﻨﻲ ﻣﺎ ﻋﻨﺪﻱ ﺍﺷﻜﺎﻝ ...
ﺭﺩﺕ ﺑﺎﻧﺰﻋﺎﺝ ... ﻻ ﺭﺍﺡ ﺍﺭﺟﻊ ﺍﻟﻐﺮﻓﺘﻲ ﺑﻠﻜﻲ ﺍﻗﺮﻩ ﺍﻳﺎﺕ ﺍﻃﻜﻄﻚ ﺣﺮﻣﻞ ﻭﻳﺮﻭﺡ ﻫﻞ ﺟﻨﻲ ﻋﻮﺩ ﺍﺫﺍ ﺭﺟﻊ ﺍﺟﻴﻚ
ﺭﺿﻴﻪ .. ﻻ ﻳﻤﻪ ﻧﺎﻣﻲ ﺑﻐﺮﻓﺔ ﺟﻌﻔﺮ ﻭﺑﻠﻜﻲ ﺑﺎﺟﺮ ﻧﺤﺼﻦ ﺍﻟﻐﺮﻓﻪ ﻟﻮ ﻧﻨﻘﻞ ﺍﻏﺮﺍﺿﺞ
ﻧﻮﺍﻝ ﺑﻤﻜﺮ ﻭﺣﺰﻥ ... ﺟﻌﻔﺮ ﻣﺎ ﺗﺘﻀﺎﻳﻖ ﺍﺫﺍ ﻧﻤﻨﻪ ﺑﻐﺮﻓﺘﻚ ... ﺑﺲ ﻋﺎﺩﻱ ﺍﺫﺍ ﺗﺮﻳﺪ ﺗﻌﺎﻝ ﻧﺎﻡ ﻳﻤﻨﻪ ﻭﺍﺣﻨﻪ ﻧﻨﺎﻡ ﺑﺎﻟﻜﺎﻉ ﺍﻧﻲ ﺑﻨﺎﺗﻲ ...
ﺭﺩ ﻋﻠﻴﻬﺎ ﻣﻦ ﻭﺭﻩ ﺧﺸﻤﻪ ... ﻻ ﻻ ﺭﺍﺡ ﺍﻧﺎﻡ ﻳﻢ ﺍﻟﺠﻨﻲ ﻳﺎﺭﻳﺖ ﻳﺘﻠﺒﺴﻨﻲ ﻭﺍﻟﻠﻪ ...
ﻫﻲ ﺭﺍﺣﺖ ﺍﺧﺬﺕ ﺑﻨﺎﺗﻬﺎ ﻭﺩﺧﻠﺖ ﻟﻐﺮﻓﺔ ﺟﻌﻔﺮ ...
ﺍﺣﻨﻪ ﺿﻠﻴﻨﻪ ﻭﺍﻛﻔﻴﻦ ﺍﻣﻪ ﻛﻠﺘﻠﻪ ... ﺭﻭﺡ ﻧﺎﻡ ﻳﻤﻬﺎ ﺧﻄﻴﻪ ﺗﺨﺎﻑ ﻭﺑﻌﺪﻳﻦ ﺷﻌﻨﺪﻙ ﻧﺎﻳﻢ ﻳﻢ ﺍﻟﺠﻨﻲ ﻻ ﻳﺮﻭﺡ ﻳﺪﺧﻞ ﺑﻴﻚ
ﺟﻌﻔﺮ ﺑﻘﻬﺮ ... ﻭﺍﻟﻠﻪ ﻳﺎﺭﻳﺖ ﻭﺍﺧﻠﺺ ﻣﻦ ﻭﺟﻬﻪ ﺍﻟﻄﺎﻭﻩ ﺍﻓﻀﻞ ﺍﻧﺎﻡ ﺑﺤﻀﻦ ﺍﻟﺠﻨﻲ ﻭﻻ ﺑﺤﻀﻦ ﻧﻮﻳﻠﻪ
ﺧﻠﻪ ﻭ ﺭﺍﺡ ﻭﺍﻧﻲ ﺑﻌﺪﻧﻲ ﻻﺯﻣﻪ ﺑﻘﻤﻴﺺ ﺟﺎﺳﺮ ﻭﺍﺭﺟﻒ ﻭﺻﺎﻳﺮﻩ ﻭﺭﺍﻩ ﺑﺎﻭﻋﻠﻲ ﺑﺎﺳﺘﻐﺮﺍﺏ ... ﺷﺒﻴﻴﺞ ﺍﻧﺘﻲ ﺍﻟﺜﺎﻧﻴﻪ؟
ﺭﻣﺸﺖ ﺑﻌﻴﻮﻧﻲ ﺑﺨﻮﻑ ﻭﺑﺮﺍﺀﺓ ... ﺍﺧﺎﻑ ﻣﻦ ﺍﻟﺠﻨﻲ
ﺿﺤﻚ ﺑﺼﻮﺕ ﻋﺎﻟﻲ ... ﺍﻟﻴﻮﻡ ﺍﻟﺠﻨﻲ ﻣﺸﺘﺖ ﻧﺴﻮﺍﻧﻪ ﻭﺍﻟﻠﻪ ﻛﻮﻥ ﺻﺒﺮﻳﻪ ﻫﻨﺎ ﺟﺎﻥ ﻫﺠﻤﺖ ﻋﻠﻴﻪ ﺑﻤﺴﺪﺳﻪ
ﺭﺿﻴﻪ ﺑﻀﺤﻜﻪ ... ﻻ ﻛﻮﻥ ﺭﻫﻮﻣﻪ ﺟﺎﺍ ﻃﻜﺘﻪ ﺑﺄﻳﻪ ﺧﻠﺘﻪ ﻣﺎ ﻳﻨﺪﻝ ﻃﺮﻳﻘﺔ ..
ﺍﺑﺘﺴﻢ ... ﺍﻱ ﻭﺍﻟﻠﻪ ..
ﺍﻟﻜﻞ ﻃﺶ ﺍﻟﻐﺮﻓﺘﻪ ﻭﺍﻧﻲ ﺿﻠﺖ ﺧﺎﻳﻔﻪ ﻫﻮ ﺑﺎﻻﺳﺘﻘﺒﺎﻝ ﻳﺸﺘﻐﻞ ﻋﻠﺊ ﺍﻟﺤﺎﺳﺒﻪ ﻏﺴﻠﺖ ﺍﻟﻤﻮﺍﻋﻴﻦ ﻭﺭﺣﺖ ﺍﻟﻐﺮﻓﺘﻲ ...
ﺍﻭﻝ ﻣﺎ ﺩﺧﻠﺖ ﻋﺜﺮﺕ ﻭﺍﻧﻲ ﻭﻣﺪﺭﻱ ﻣﻨﻮ ﻣﻦ ﺍﻷﻃﻔﺎﻝ ﺣﺮﻙ ﻧﻔﺴﻪ ﻭﺗﺤﺮﻙ ﺍﻟﻜﺎﺭﻭﻙ ﻟﺰﻣﺖ ﻛﻠﺒﻲ ﺑﺨﻮﻑ ﻭﻫﻤﺴﺖ ... ﺍﻟﻠﻬﻢ ﺳﻜﻨﻬﻢ ﻣﺴﺎﻛﻨﻬﻢ ... ﺍﻟﻠﻬﻢ ﺍﻧﻲ ﺍﻋﻮﺫ ﺑﻚ ﻣﻦ ﺍﻟﺨﺒﺚ ﻭﺍﻟﺨﺒﺎﺋﺚ ... ﺍﻟﻠﻬﻢ ﺍﻧﻲ ﺍﻋﻮﺫ ﺑﻚ ﻣﻦ ﺭﺟﺲ ﺍﻟﺸﻴﻄﺎﻥ ...
ﺿﻠﻴﺖ ﻛﺎﻋﺪﻩ ﺍﻗﺮﻩ ﺍﻳﺎﺕ ﻭﻳﺘﺨﺎﻳﻠﻲ ﺍﻟﺠﻨﻲ ﻣﺎﻟﺔ ﻧﻮﺍﻝ ﻭﻫﻮ ﺣﺎﺿﻨﻬﺎ ﻭﻋﺮﻳﺎﻥ ﺑﺪﻭﻥ ﻣﻼﺑﺲ ... ﻳﻤﻪ ﺑﺲ ﻻ ﻳﺠﻴﻨﻲ ﺿﻠﻴﺖ ﺑﺲ ﺍﺗﻠﻔﺖ ﺑﺨﻮﻭﻑ ...
ﺍﻟﻠﻪ ﻳﻬﻠﻜﺞ ﻳﺎ ﻧﻮﺍﻝ ﻣﻨﻴﻦ ﻃﻠﻌﺘﻲ ﺳﺎﻟﻔﺔ ﺍﻟﺠﻨﻲ ...
ﻧﻤﺖ ﻭﺍﺧﺬﺕ ﺍﻃﻔﺎﻟﻲ ﺧﻠﻴﺘﻬﻢ ﺑﺼﻔﻲ ﻭﻏﻄﻴﺖ ﻧﻔﺴﻲ ﻛﻠﻲ ﺣﺘﺊ ﺍﻟﺠﻨﻲ ﻣﺎ ﻳﺸﻮﻓﻨﻲ ...
ﺷﻔﺖ ﺭﺍﺡ ﺗﻤﻮﻉ ﺭﻭﺣﻲ ﻗﺮﺭﺕ ﺍﺭﻭﺡ ﺍﻧﺎﻡ ﻳﻢ ﺍﻱ ﻭﺍﺣﺪ ﺑﺲ ﺍﻛﻴﺪ ﻣﻮ ﻳﻤﻪ ﺷﻨﻮ ﻓﺮﻗﻪ ﻋﻦ ﺍﻟﺠﻨﻲ ﺫﺍﻙ ﺟﻨﻲ ﻭﻫﻮ ﻭﺣﺶ ...
ﻟﺒﺴﺖ ﺣﺠﺎﺑﻲ ﻭﺍﺧﺬﺕ ﺍﻃﻔﺎﻟﻲ ﻭﻃﻠﻌﺖ ﻟﻜﻴﺖ ﺿﻮﻩ ﺍﻻﺳﺘﻘﺒﺎﻝ ﻟﺴﻪ ﻣﻔﺘﻮﺡ ﻟﻀﺎﻫﺮ ﺑﻌﺪﻩ ﻳﺸﺘﻐﻞ ﻳﺎﺭﺑﻲ ﻫﺬﺍ ﻣﻴﺨﺎﻑ ﻣﻦ ﺍﻟﺠﻨﻲ ...
ﺑﺎﻭﻋﺖ ﺍﻟﻐﺮﻓﺔ ﻧﻮﺍﻝ ﺑﺨﻮﻑ ﻭﻃﻜﻴﺘﻬﺎ ﺭﻛﻀﻪ ﺑﺴﺮﻋﻪ ﻭﺍﻧﻲ ﺣﺎﺿﻨﻪ ﺍﻃﻔﺎﻟﻲ ﻣﺨﻠﻴﺘﻬﻢ ﺑﺎﻟﻌﺲ ﻣﺎﻟﺘﻬﻢ ...
