قصص عراقية:
ﺍﻟﺒﺎﺭﺕ ﺍﻟﺜﺎﻟﺚ ﻭﺍﻟﻌﺸﺮﻭﻥ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔
ﺍﻟﺤﻴﺎﺓ ﺧُﻠِﻘﺖ ﻛﺎﺳﺮﺓ ﺑﻄﺒﻌﻬﺎ، ﻟﻜﻨﻨﺎ ﻟﺴﻨﺎ ﻣﻦ ﺯﺟﺎﺝ، ﺍﻟﻄﻴﻦ ﻻ ﻳُﻜﺴﺮُ، ﺑﻞ ﻳﺠﻒ ﻭﻳُﺮﻭﻯ 🖤 .
............................
ﺳﻬﻢ ﻣﺴﻤﻮﻡ ﺍﺧﺘﺮﻕ ﺟﺪﺭﺍﻥ ﻗﻠﺒﻲ ﻣﻦ ﺳﻤﻌﺖ ﻫﺬﺍ ﺍﻟﺴﺎﻗﻂ ﻳﺮﻳﺪ ﻳﺘﺰﻭﺝ ﻭﻗﺎﺭ ﺍﻋﺮﻑ ﺑﻲ ﻛﻠﺐ ﻭﺣﻴﻮﺍﻥ ﻳﺮﻳﺪ ﻳﺴﻮﻱ ﻣﺜﻞ ﺧﻄﻴﺐ ﻫﺎﻟﻪ ﻭﻳﺴﺘﻐﻞ ﻭﻗﺎﺭ ﻟﺼﺎﻟﺤﻪ ...
ﺑﺲ ﻫﺎﻟﻪ ﺣﻴﻮﺍﻧﻪ ﻭﻗﺎﺭ ﻓﻘﻴﺮﻩ ﻣﺘﺴﺘﺎﻫﻞ ﻭﺍﻟﻠﻪ ...
ﻻﺯﻡ ﺍﺳﻮﻱ ﺷﺊ ﺍﺧﺮﺏ ﻫﻞ ﺧﻄﺒﻪ ...
ﺩﺧﻠﺖ ﻭﻗﺎﺭ ﺍﻟﻬﻢ ﻭﺿﻠﺖ ﺷﻮﻳﻪ ﻭﻃﻠﻌﺖ ﻭﺟﻬﻪ ﻣﺴﺘﺒﺸﺮ ﺑﻬﺪﻭﺀ ...
ﻭﻛﻔﺖ ﺑﺼﻔﻬﺎ ﺑﻌﺪ ﻣﺎ ﺩﺧﻠﺖ ﻟﻠﻤﻄﺒﺦ ﻭﻫﻲ ﺗﺸﺮﺏ ﻣﻲ ..
ﺑﻠﻌﺖ ﺭﻳﻜﻲ ﻭﺳﺎﻟﺘﻬﺎ ... ﺗﻮﺍﻓﻘﻴﻦ
ﺑﺎﻭﻋﺘﻠﻲ ﺑﺠﻤﻮﺩ ... ﺍﻭﻝ ﻣﺮﻩ ﻭﺍﺣﺪ ﻳﺨﻄﺒﻨﻲ ﻟﻴﺶ ﻣﺎ ﺍﻭﺍﻓﻖ ..
ﺑﻠﻌﺖ ﺭﻳﻜﻲ ... ﻟﻴﺶ ﻣﺎ ﺗﺰﻭﺟﻴﻦ ﺟﺎﺑﺮ ﻋﻠﺊ ﺍﻻﻗﻞ ﺗﻌﺮﻓﻲ ﺍﺣﺴﻦ ﻣﻦ ﺍﻟﻲ ﻣﺘﻌﺮﻓﻲ ..
ﺿﺤﻜﺖ ﺑﺤﺰﻥ ... ﻟﻴﺶ ﻫﻮ ﺧﺎﻃﺒﻨﻲ ﺟﺎﺑﺮ ﻣﻴﺤﺒﻨﻲ ﻭﻻ ﺧﺎﻃﺒﻨﻲ
ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻘﺪﻡ ﺑﻲ ﺍﻟﺨﻴﺮ ...
ﻫﻤﺴﺖ ... ﺍﻣﻴﻴﻦ
ﺧﻠﺖ ﻭﺭﺍﺣﺖ ﺧﺠﻼﻧﻪ ﺷﻮﻳﻪ ﻭﻫﻨﻪ ﻃﻠﻌﻦ ﻭﺍﻡ ﻓﻼﺡ ﻣﻤﺼﺪﻛﻪ ﻓﺮﺣﺎﻧﻪ ﻻﻥ ﺩﺍﻭﻭﺩ ﺧﻄﺐ ﻭﻗﺎﺭ ...
ﻭﺭﺿﻴﻪ ﻣﺒﺘﺴﻤﻪ ﻛﺎﻟﺖ ... ﻭﺍﻟﻠﻪ ﺟﻨﺖ ﺍﺗﻤﻨﺊ ﺗﺰﻭﺝ ﺟﺎﺑﺮ ﺑﺲ ﺷﻨﻮﻭ ﻫﻢ ﻣﺎ ﺧﻄﺒﻮﻫﺎ ﻭﺍﺣﻨﻪ ﻣﺎ ﻧﺮﻳﺪ ﻧﻔﺮﺿﻬﺎ ﻋﻠﻴﻬﺎ ﻧﺮﻳﺪ ﻣﻦ ﺫﺍﺗﻬﻢ
ﺍﻡ ﻓﻼﺡ ﺑﺒﺘﺴﺎﻣﻪ ... ﺍﻱ ﻭﺍﻟﻠﻪ ﻳﺎﺭﻳﺖ ﺑﺲ ﺑﻌﺪ ﺍﺟﻪ ﺩﺍﻭﻭﺩ ﻭﻣﺒﻴﻨﻴﻦ ﺧﻮﺵ ﻧﺎﺱ ﻭﻋﻨﺪﻫﻢ ﺣﻼﻝ ﻭﻋﻨﺪﻫﻢ ﺧﻴﺮ ﻭﻗﺎﺑﻠﻴﻦ ﺑﻮﻗﺎﺭ ﺣﺘﺊ ﻟﻮ ﻣﻌﺎﻗﻪ
ﺑﺎﻭﻋﺘﻠﻬﺎ ﺑﺘﺮﺩﺩ ... ﺑﺲ ﺍﺳﺎﻟﻮﺍ ﻋﻨﻪ ﺍﺣﺴﻦ ﻳﺠﻮﺯ ﻳﻄﻠﻊ ﻣﻮ ﺧﻮﺵ ﻭﻟﺪ
ﺭﺩﺕ ﺍﻡ ﻓﻼﺡ ﺑﻐﻀﺐ ... ﺍﻧﺘﻲ ﺑﻼ ﻻ ﺗﺘﺪﺧﻠﻴﻦ ﻣﻮ ﺻﺎﻳﺮﻩ ﺷﺮﻳﻔﻪ ﺑﺮﺍﺳﻲ ﻟﻮ ﺗﺮﺩﻳﻦ ﻭﻗﺎﺭ ﺧﺪﺍﻣﻪ ﻋﻨﺪﺝ ...
ﺧﻠﻴﺖ ﻭﻭﻛﻔﺖ ﻫﻤﺴﺖ .. ﺷﻜﺮﺍ ﺧﺎﻟﻪ
ﺭﺩﺕ ﺑﻌﺼﺒﻴﺔ ... ﻭﺧﻠﺨﻼﻟﻪ ﺗﺨﻠﺨﻞ ﺍﻋﻈﺎﻣﺞ ﺍﻧﻮﺏ ﻣﺎ ﺭﺍﺿﻴﻪ ﻓﻮﻙ ﻣﺎ ﻣﻠﻔﻴﺘﻬﺎ
ﺭﺿﻴﻪ ﺑﺤﻨﻴﺔ ... ﻋﻠﺊ ﻛﻴﻔﺞ ﺧﻴﻪ ﺍﻡ ﻓﻼﺡ ﻋﻠﺊ ﻛﻴﻔﺞ ﺻﺪﻙ ﻛﻼﻣﻬﺎ ﻻﺯﻡ ﻧﺴﺄﻝ
ﺍﻡ ﻓﻼﺡ .. ﻫﻮ ﺷﻨﻮ ﻏﻴﺮ ﺍﺑﻦ ﺍﺧﻮﻭ ﺍﻡ ﺟﺎﺑﺮ ﻗﺎﺑﻞ ﻣﺘﻌﺮﻓﻪ ﻭﻫﻲ ﺣﻤﺪﺕ ﺑﻲ
ﺭﺿﻴﻪ ... ﺍﻱ ﻫﻢ ﺻﺪﻙ ﺑﺲ ﻻﺯﻡ ﻧﺴﺄﻝ ﻋﻨﻪ ﻭﻧﺸﻮﻑ
ﺍﻡ ﻓﻼﺡ ... ﺍﻟﻠﻪ ﻛﺮﻳﻢ ...
ﺧﻠﻴﺖ ﻭﺭﺣﺖ ﻟﻐﺮﻓﺘﻲ ﺿﺠﺖ ﻣﻦ ﻛﻼﻣﻬﺎ ﻟﻴﺶ ﻫﻴﺞ ﺗﺤﺠﻲ ﻋﻨﻲ ﻭﺍﻟﻠﻪ ﻣﺎ ﺣﺠﻴﺖ ﺷﺊ ﺍﻧﻲ ﻏﻴﺮ ﺍﻟﻤﺼﻠﺤﺔ ﻭﻗﺎﺭ ﻻﻥ ﻭﺍﻟﻠﻪ ﻫﺬﺍ ﻓﺪ ﻭﺍﺣﺪ ﺍﺩﺑﺴﺰ ﻭﻣﺎ ﻣﻴﺖ ﻋﻠﺊ ﻭﻗﺎﺭ ﺑﺲ ﻳﺮﻳﺪ ﻳﺘﻘﺮﺏ ﻣﻨﻲ ﻭﻳﺴﻮﻳﻠﻲ ﻣﺸﺎﻛﻞ ﻋﺴﺎﺱ ﺍﻧﻲ ﻧﺎﻗﺼﻪ ﻣﺸﺎﻛﻞ ﻭﻫﻞ ﻛﻠﺐ ﺟﺎﻳﻨﻲ ...
.......................
ﺭﻳﻬﺎﻡ ...
ﻣﺮ ﺍﺳﺒﻮﻉ ﻋﻠﺊ ﺍﻟﺨﻄﺒﻪ ﻣﺎﻟﺘﻲ ﺍﺟﺘﻨﻪ ﺧﺎﻟﻪ ﺻﺒﺮﻳﻪ ﺗﺮﻳﺪ ﺗﺸﺘﺮﻱ ﻗﻄﻌﺔ ﺍﺭﺽ ﻫﻨﺎ ...
ﺑﺎﺗﺖ ﻳﻤﻨﻪ ... ﻧﺎﻣﺖ ﻳﻤﻲ ﻧﺎﻣﺖ ﻋﻠﺊ ﺳﺮﻳﺮﻱ ﻭﺍﻧﻲ ﻧﻤﺖ ﻋﻠﺊ ﺍﻻﺭﺽ
ﻋﻨﺪﻱ ﺟﺰﺀ ﻗﺮﺍﻥ ﺩﺍ ﺍﻗﺮﻩ ﺑﻲ ﻛﻤﻠﺖ ﻗﺮﺍﺀﺗﻪ ﻭﻓﺮﺷﺖ ﻓﺮﺍﺵ ﻭﻧﻤﺖ ...
ﺍﺟﺘﻨﻲ ﺭﺳﺎﻟﻪ ﻣﻦ ﺻﻼﺡ ﻛﺎﺗﺐ .... ﻟﻠـــۿ ﺩࢪ ﺍﻟﺠَﻤﻴﻠـۿ ﺑـ ﺃﺧﻼﻗﻬـﺎ ﻗﺒﻞ ﺟﻤﺎﻟﻬـﺎ
ﺿﺤﻜﺖ ﻭﻛﺘﺒﺖ ... ﻟﻠﻪ ﺩﺭﻙ ﺍﺑﻦ ﻋﻤﻲ
ﺍﺗﺼﻞ ﺻﻼﺡ ﻓﺘﺤﺖ ﺧﻂ ﻛﺎﻝ ... ﻫﻼ ﺑﺎﻟﻌﺸﮓ ﻫﻼ ﺑﺎﻟﺰﺍﺩ ﻫﻼ ﺑﻜﻞ ﻫﻠﻲ ﻭﻧﺎﺳﻲ
ﺟﺎﻭﺑﺘﻪ ﺑﺨﺠﻞ ... ﻫﻼ ﺑﻴﻚ ﺷﻠﻮﻧﻚ
ﺭﺩ ﺑﺰﻋﻞ ... ﻣﻮ ﺑﺨﻴﺮ
ﻋﻘﺪﺕ ﺣﻮﺍﺟﺒﻲ ﺑﺨﻮﻑ ... ﻳﺎﺍﺍﺍ ﻟﻴﻴﺶ
ﺻﻼﺡ ... ﻻﻥ ﻣﺎ ﺩﻛﻠﻴﻠﻲ ﺣﺒﻴﺒﻲ ﺍﺣﺒﺒﻚ ﺍﻣﻮﺕ ﻋﻠﻴﻚ ﺩﺯﻳﻠﻲ ﻣﺴﺞ ﻏﺰﻟﻲ ﻛﻠﺸﻲ ﻣﺎﻛﻮﻭ ﺩﻛﻮﻝ ﺧﺎﻃﺐ ﺻﺒﺮﻳﻪ ﻣﻮ ﺭﻫﻮﻣﻪ
ﺿﺤﻜﺖ ... ﻫﻬﻬﻬﻬﻬﻪ ﻳﺎ ﻋﺰﺍ ﻭﻧﺒﻲ ﻣﺎ ﻋﻨﺪﻱ ﺍﺷﻌﺎﺭ
ﺣﺴﻴﺖ ﺑﺼﺒﺮﻳﻪ ﻏﺮﺯﺕ ﺍﺻﺎﺑﻌﻬﺎ ﺑﻜﺘﻔﻲ ﻛﺎﻟﺖ ... ﺭﻫﻴﻤﻪ ﺭﻫﻴﻤﻪ ﻭﺻﻤﺦ ﺍﺫﻥ ﻳﺎﺍ ﺑﻌﺪﻩ
ﺑﺎﻭﻋﺘﻠﻬﺎ ﺑﻘﻬﺮ ... ﻻ ﺑﻌﺪﻩ
ﺭﺟﻌﺖ ﻧﺎﻣﺖ .. ﺧﻮﻭﺵ ﻣﻦ ﻳﺄﺫﻥ ﻋﻮﺩ ﻛﻠﻴﻠﻲ
ﺟﺎﻭﺑﺘﻬﺎ ... ﺍﺩﻟﻠﻲ
ﻗﻔﻠﺖ ﺍﻟﺨﻂ ﻭﺿﻠﻴﺖ ﺍﺗﺮﺍﺳﻞ ﻭﻳﺎﻩ ﺭﺳﺎﺋﻞ ﻫﻮ ﺿﺎﺝ ﻛﺎﻝ ... ﺷﻨﻮ ﻣﺪﻛﻠﻴﻠﻲ ﺻﺎﺣﺒﺞ ﺍﻧﻲ ﺍﻓﺘﺤﻲ ﺧﻂ ﻭﺧﻠﻴﻨﻪ ﻧﻐﺮﺩ
ﺟﺎﻭﺑﺘﻪ ... ﻣﻮ ﺧﺎﻟﺘﻲ ﻧﺎﻳﻤﻪ ﺍﺧﺎﻑ ﺗﻜﻌﺪ
ﺭﺟﻌﺖ ﺿﺮﺑﺘﻨﻲ ﺑﻴﺪﻫﺎ ... ﺭﻫﻴﻤﻪ ﺭﻫﻴﻤﻪ ﺍﻟﻄﺮﻣﻪ ﻣﺎ ﺗﺴﻤﻌﻴﻦ ﺍﺫﻥ ﻳﺎ ﺑﻌﺪﻩ
ﺭﺩﻳﺖ ﺑﻤﻠﻞ ... ﻻ ﺧﺎﻟﻪ ﺑﻌﺪ ﺳﺎﻋﺘﻴﻦ
ﻛﻌﺪﺕ ﺑﻘﻬﺮ ﻭﺣﻜﺖ ﺭﺍﺳﻬﺎ .. ﺷﻤﺎﻟﻪ ﺍﻟﻤﻮﻣﻦ ﻣﺎ ﻳﺄﺫﻥ ﺷﺠﺎﻩ ﻛﻮﻥ ﻭﺍﺣﺪ ﻳﻜﻌﺪﻩ ﻳﺄﺫﻥ ...
ﺿﺤﻜﺖ ... ﻫﻬﻬﻬﻬﻪ ﺷﻨﻮ ﺧﺎﻟﻪ ﺻﺪﻙ ﺗﺤﺠﻴﻦ ﺑﻌﺪ ﺳﺎﻋﺘﻴﻦ ﻳﺎﻟﻠﻪ ﻳﺄﺫﻥ
ﺭﺟﻌﺖ ﻧﺎﻣﺖ ﺻﻼﺡ ﻛﺘﺐ ... ﺭﻫﻮﻭﻣﻪ ﺑﺎﺟﺮ ﺍﺟﻴﺞ ﻣﻮ ﺗﺨﻠﺼﻴﻬﺎ ﺗﺮﺟﻔﻴﻦ ﺭﺣﻤﺔ ﻟﻤﻮﺗﺎﺝ ﺷﻮﻳﻪ ﺗﻔﺎﻋﻠﻲ ﻭﻳﺎﻱ
ﻛﺘﺒﺖ ﺑﺨﺠﻞ ... ﻻ ﻣﻴﺨﺎﻟﻒ ﺍﺗﻔﺎﻋﻞ ﺍﺻﻴﺮ ﻋﻨﺼﺮ ﻓﻌﺎﻝ ﻫﻬﻬﻬﻪ ... ﺑﺲ ﺷﻨﻮ ﻳﻌﻨﻲ ﺍﺗﻔﺎﻋﻞ ﻭﻳﺎﻙ ﺷﻠﻮﻥ ﻳﻌﻨﻲ
ﻛﺘﺐ ... ﻳﻌﻨﻲ ﻣﻦ ﺍﺑﻮﺳﺞ ﺑﺎﺩﻟﻴﻨﻲ
ﻫﻮ ﻛﺘﺐ ﻫﻴﻴﺞ ﻭﺍﻧﻲ ﻭﺟﻬﻲ ﺍﺷﺘﻌﻞ ﻧﺎﺭ ﻃﻔﻴﺖ ﺍﻟﻤﻮﺑﺎﻳﻞ ﻭﺣﺬﻓﺖ ﺍﻟﺮﺳﺎﺋﻞ ﻭﻧﻤﺖ ﻭﺍﻧﻲ ﺍﺗﺬﻛﺮ ﻛﻼﻣﻪ ﻭﺧﺠﻼﻧﻪ ﻭﺍﺭﺟﻒ
ﻣﺎ ﺣﺴﻴﺖ ﻏﻴﺮ ﺑﺪﻭﺳﻪ ﺑﺒﻄﻨﻲ ﺻﺮﺧﺖ ﺑﺼﻮﺕ ﻋﺎﻟﻲ ..
ﺻﺒﺮﻳﻪ ﻭﺧﺮﺕ ﺭﺟﻠﻬﺎ ﻛﺎﻟﺖ ... ﻳﺎﺍﺍ ﺍﻧﺘﻲ ﻧﺎﻳﻤﻪ ﻫﻨﺎ ﻭﻟﺞ ﻋﺒﺎﻟﻲ ﻛﻤﺘﻲ ﻋﻮﺩ ﺭﺩﺕ ﺍﺭﻭﺡ ﻟﻠﺘﻮﺍﻟﻴﺖ ﺷﺠﺎﺑﺞ ﻫﻨﺎ
ﻟﺰﻣﺖ ﺑﻄﻨﻲ ﺑﻮﺟﻊ ... ﺧﺎﻟﻪ ﺩﺳﺘﻲ ﺑﺒﻄﻨﻲ
ﺣﺮﻛﺖ ﺍﺻﺎﺑﻌﻬﺎ ﺑﻘﻬﺮ ... ﻫﻮﻭ ﻫﻮﻭﻭ ﻟﻮ ﺻﻠﻴﺢ ﺩﺍﻳﺲ ﺟﺎﺍ ﻛﺘﻴﻠﻪ ﺑﻌﺪ ﺩﻭﻭﺱ ﺑﺲ ﻫﺎﻱ ﺻﺒﺮﻳﻪ
ﺧﻠﺖ ﻭﺭﺍﺣﺖ ﻟﻠﺤﻤﺎﻡ ﻭﺍﻧﻲ ﻏﻔﻴﺖ ﺷﻮﻳﻪ ﻣﺎ ﺣﺲ ﺍﻟﻪ ﺭﺟﻠﻲ ﺍﻧﻜﺴﺮﺕ ﺻﺮﺧﺖ ﺑﺼﻮﻭﺕ .... ﺍﺍﺍﺍﻩ
ﺭﺩﺕ ... ﺧﻴﺒﻪ ﻭﻣﺮﺽ ﺷﺒﻴﺞ ﺍﺍﻩ ﻣﺎ ﺍﺍﺍﻩ ﺻﺪﻙ ﺗﺤﺠﻴﻦ ﺷﺒﻴﺞ ﻭﺻﻤﺦ ﺣﺘﺊ ﻃﻴﺮﺗﻲ ﻧﻮﻣﺔ ﻋﻴﻨﻲ ...
ﺟﺎﻭﺑﺘﻬﺎ ﺑﻮﺟﻊ ﻭﺍﻧﻲ ﺍﻓﺮﻙ ﺑﺎﺧﻤﺲ ﺭﺟﻠﻲ ﺧﺎﻟﻪ ﻛﺴﺮﺗﻲ ﺭﺟﻠﻲ
ﺭﺩﺕ ﺑﻐﺼﺐ .. ﺍﻥ ﺷﺎﺀ ﺍﻟﻠﻪ ﺻﻠﻴﺢ ﻳﻜﺴﺮ ﻋﻈﺎﻣﺞ ﻛﻮﻟﻲ ﺍﻣﻴﻴﻦ ﺍﻧﻮﺏ ﺗﺠﺬﺏ ﺩﻛﻮﻝ ﻛﺴﺮﺕ ﺭﺟﻠﻬﺎ ...
ﺍﺭﺩﻓﺖ ﺑﻘﻬﺮ ﺑﻌﺪ ﻣﺎ ﺻﻌﺪﺕ ﻋﻠﺊ ﺍﻟﺴﺮﻳﺮ ... ﻳﻤﻪ ﺍﻟﺠﺬﺏ ﻳﻤﻪ ﻧﺎﺱ ﻣﺪﺭﻱ ﺷﻠﻮﻥ ﺗﺼﻠﻲ ﻭﺗﺼﻮﻡ ﻭﺗﺠﺬﺏ ﻛﻄﻴﻌﻪ
ﺭﺟﻌﺖ ﻧﺎﻣﺖ ﻭﻛﻞ ﺷﻮﻳﻪ ﻭﺭﻓﺴﺘﻨﻲ ﺍﺫﻥ ﻣﺎ ﺍﺫﻥ ﻣﺪﺭﻱ ﺷﺒﻴﻬﺎ ...
ﺻﻠﻴﻨﻪ ﻭﻧﻤﻨﻪ ﺷﻮﻳﻪ ﻛﻌﺪﻧﻪ ﻣﻦ ﺍﻟﻨﻮﻡ ﻛﺎﻟﺖ ﺍﻟﻬﺎ ﺍﻣﻲ ﻫﺎﺍﺍ ﺧﻴﻪ ﺻﺒﺮﻳﻪ ﺍﺭﺗﺎﺣﻴﺘﻲ ﺑﻨﻮﻣﺘﺞ
