قصص عراقية:
ﺍﻟﺒﺎﺭﺕ 42 ﻣﻔﺎﺟﺊ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔
ﺃﻧﺖ ﺑﺲ ﻧﺎﻡ ﻋﻠﻰ ﺍﻳﺪﻱ، ﻭﺧﻞ
ﺃﺷﻮﻓﻦ ﻳﺎﺑﺮﺩ ﻳﻌﺒُﺮ ﻋﻠﻴﻚ
.......................
ﺍﻟﺒﺎﺭﺕ ﺍﻫﺪﺍﺀ ﻟﻠﻤﺘﺎﺑﻌﻪ ﻣﺮﻳﻢ ﺍﻟﻌﺒﻴﺪﻱ ﻣﻦ ﻣﺘﺎﺑﻌﻴﻦ ﺍﻟﻔﻴﺲ 😍
.
...............
ﺟﻮﻟﻴﻴﺖ ...
ﺍﻻﺥ ﺳﻨﺪ ﻭﻫﻮ ﺍﻟﻲ ﻳﻌﻮﺽ ﻣﻜﺎﻥ ﺍﻻﺏ ﺑﺲ ﻟﻼﺳﻒ ﺍﻧﻲ ﺍﺧﻮﺍﻧﻲ ﻣﺎ ﻧﺼﻔﻮﻧﻲ ...
ﺷﻜﺪ ﺍﺣﺐ ﺣﻨﻴﺔ ﺟﺎﺑﺮ ﻋﻠﺊ ﺭﻳﻬﺎﻡ ﻣﺘﺨﺒﻞ ﻻﻥ ﺧﻄﻴﻪ ﻣﺘﻐﻴﺮﻩ ﻭﺣﺘﺊ ﺟﺎﺳﺮ ﻣﻦ ﺗﺠﻲ ﻭﻗﺎﺭ ﺷﻜﺪ ﻳﻜﻌﺪ ﻭﻳﺎﻫﺎ ﻭﻳﺴﺎﻟﻬﺎ ﻋﻦ ﺍﺧﻮﺍﻟﻬﺎ ﻭﺷﻠﻮﻧﻬﺎ ﻭﻳﻪ ﺟﺎﺑﺮ ...
ﺑﺲ ﺍﻧﻲ ﻟﻼﺳﻒ ﻣﺎ ﺍﻋﺮﻑ ﺷﺒﻴﻬﻢ ﺍﺧﻮﺍﻧﻲ ﺑﺲ ﻟﻼﻣﺎﻧﻪ ﺣﺎﺯﻡ ﺍﺣﺴﻦ ﻣﻦ ﻋﺎﺻﻢ ﺑﻬﻮﺍﻳﻪ ﺭﻏﻢ ﻫﻮ ﻳﺨﺎﻑ ﻣﻦ ﻋﺎﺻﻢ ﻭﻳﻘﻠﺪﻩ ﺑﺎﻛﺜﺮ ﺍﻻﺣﻴﺎﻥ ...
ﻭﺭﻏﻢ ﻛﻮﻭﻟﺸﻲ ﺍﻧﻲ ﺍﺗﺨﺒﻞ ﺍﺫﺍ ﺻﺎﺭ ﻋﻠﻴﻬﻢ ﺷﺊ ﺣﺘﺊ ﻭﺍﺫﺍ ﻛﺎﻧﻮﺍ ﻋﺎﺭﺍﺕ ﻭﻣﺠﺮﻣﻴﻦ ﺍﻟﻘﺎﻧﻮﻥ ﻫﻮ ﻳﻘﺘﺺ ﻣﻨﻬﻢ ﻣﺎ ﺍﺣﺐ ﺟﺎﺳﺮ ﻫﻮ ﻳﺎﺧﺬ ﺣﻘﻪ ...
ﻃﻠﻌﺖ ﺑﺮﻩ ﺷﻔﺖ ﺭﻳﻬﺎﻡ ﺩﺗﺴﻮﻱ ﻋﺸﺎ ﻛﻌﺪﺕ ﺍﺳﺎﻋﺪﻫﺎ ﻭﻧﺴﻮﻟﻒ ﺍﻧﻲ ﻭﻳﺎﻫﺎ ﻣﻦ ﺯﻋﻠﺖ ﻧﻮﺍﻝ ﻟﺤﺪ ﺍﻻﻥ ﻭﺍﻟﺒﻴﺖ ﻫﺪﻭﺀ ﻣﻮ ﻣﺜﻞ ﻗﺒﻞ ...
ﻭﺍﻧﻲ ﻭﺭﻳﻬﺎﻡ ﻣﺨﻠﺼﻴﻦ ﻛﻞ ﺷﻐﻞ ﺍﻟﺒﻴﺖ ﻭﺍﺑﺪ ﻣﺎ ﻧﺘﻌﺎﻳﻦ ﻋﻠﺊ ﺍﻟﺸﻐﻞ ﺑﺲ ﻣﺮﺍﺕ ﺍﺷﻮﻓﻬﺎ ﺗﻌﺒﺎﻧﻪ ﻣﺎ ﺍﺧﻠﻴﻬﺎ ﺗﺸﺘﻐﻞ ...
ﺿﻠﻴﺖ ﺍﺳﻮﻟﻒ ﻭﻳﺎﻫﺎ ﻛﻠﺘﻠﻬﺎ ... ﺭﻳﻬﺎﻡ ﺷﻔﺘﻲ ﻧﻮﺍﻝ ﺧﺎﺑﺮﺕ ﻣﺎﻣﺎ ﺭﺿﻴﻪ ﺩﻛﻮﻟﻬﺎ ﻛﺮﻫﺘﻮﻧﻲ ﻣﻦ ﺍﺟﺖ ﻫﺎﻱ ﺍﻡ ﺍﻟﺴﺤﻮﺭﻩ ﻟﺤﺪ ﺍﻻﻥ
ﻭﺍﺧﻮﻱ ﻟﻮ ﻗﺎﺗﻞ ﺍﻫﻠﻜﻢ ﺟﺎﻥ ﺷﺮﻳﺘﻮﻧﻲ ﻋﻠﺊ ﺍﻟﺤﺒﻞ ﺑﺲ ﺣﻆ ﺍﻟﻜﺢ ... ﻛﺎﻋﺪ ﺻﺪﻙ ﻟﻮ ﻛﺎﻟﻮ ﺣﻆ ﺍﻟﻌﻮﺍﻫﺮ ﺟﻮﺍﻫﺮ
ﺍﺑﺘﺴﻤﺖ ﻭﻫﻲ ﺗﮕﻠﻲ ... ﻳﻤﻌﻮﺩﻩ ﻻ ﺗﻬﺘﻤﻴﻦ ﺍﻟﻬﺎ ﻫﻲ ﻫﻴﺞ ﻃﺎﻙ ﻋﻨﺪﻫﺎ ﻓﻴﻮﺯ ﺧﻠﻲ ﺍﻣﻠﺞ ﺑﺮﺏ ﺍﻟﻌﺎﻟﻤﻴﻦ ﻛﺒﻴﺮ ﻭﺍﻥ ﺷﺎﺀ ﺍﻟﻠﻪ ﻫﻮ ﻳﺠﺎﺯﻳﻬﺎ ...
ﻫﻤﺴﺖ ... ﺍﻟﻠﻪ ﻛﺮﻳﻢ ﻭﺍﻟﻠﻪ ﺍﻧﻲ ﺑﺤﻴﺎﺗﻲ ﻣﺎ ﺭﺣﺖ ﺍﻟﺴﺤﺎﺭ ﻭﻻ ﺍﺷﺘﻐﻠﺖ ﺍﺻﻼ ﻫﻮ ﺍﻧﻲ ﻃﺎﻟﻌﻪ ﺍﺷﻮ ﻧﻬﺎﺭ ﻭﻟﻴﻞ ﻣﺤﺒﻮﺳﻪ ﺑﻬﻞ ﺑﻴﺖ ...
ﺟﺮﺕ ﻧﻔﺲ ﻛﺎﻟﺖ ... ﻛﻠﻤﻦ ﻳﺸﻮﻑ ﺍﻟﻨﺎﺱ ﺑﻌﻴﻴﻦ ﻃﺒﻌﻪ ﺍﻟﻠﻪ ﻳﺠﺎﺯﻳﻬﺎ ﻭﻳﺨﻠﺼﻨﻪ ﻣﻦ ﺍﻟﺴﺤﺮﻩ
ﺭﺣﺖ ﺍﺳﻮﻱ ﺯﻻﻃﻪ ﻭﻫﻤﺎﺗﻴﻦ ﺿﻠﻴﺖ ﺍﻛﻠﻲ ﻭﻳﺎﻫﺎ ﺧﻠﺼﻨﻪ ﺍﻟﻌﺸﺎ ﻭﺍﺧﺬﻧﺎﻩ
ﺻﻼﺡ ﻭﺟﺎﺳﺮ ﻣﺠﺎﻧﻮﺍ ﻣﻮﺟﻮﺩﻳﻦ ﺑﺲ ﺟﻌﻔﺮ ﻫﺴﻪ ﺍﺟﻪ ﻣﻦ ﻧﺴﺎﺑﺘﻪ ....
ﻛﻌﺪﻧﻪ ﻧﺎﻛﻞ ﺍﻡ ﻓﻼﺡ ﺭﺍﺣﺖ ﺍﻟﺒﻴﺖ ﻋﻤﻲ ﺍﺑﻮ ﺟﺎﺑﺮ ﺗﺸﻮﻑ ﻭﻗﺎﺭ ﻟﺬﻟﻚ ﻛﻌﺪﺕ ﻭﻳﺎﻫﻢ ...
ﻭﺍﺣﻨﻪ ﺩﻧﺎﻛﻞ ﻣﺎﻣﺎ ﺭﺿﻴﻪ ﻛﺎﻟﺖ ﻟﺠﻌﻔﺮ ... ﺍﻟﻴﻮﻡ ﻧﻮﺍﻝ ﻫﺪﺕ ﻋﻠﻴﻨﻪ ﻭﺳﻮﺕ ﻓﻠﻚ ﻣﻦ ﺩﺭﺕ ﺑﻴﻚ ﺧﺎﻃﺐ ﺷﻠﻮﻥ ﺗﺰﻭﺟﻦ ﺯﻭﺟﻲ ﻋﻠﻴﻪ
ﺟﺎﻭﺑﻬﺎ ﺑﺎﺳﺘﻨﻜﺎﺭ ... ﻣﻨﻮ ﺯﻭﺟﻬﺎ ﺍﻧﻲ؟ ﺻﺪﻙ ﻣﺎ ﺗﺴﺘﺤﻲ ﻫﺎﻱ ﺣﺘﺊ ﻋﻘﻠﻬﺎ ﻭﻳﺎﻱ ﻭﺍﻧﻲ ﺑﻜﺪ ﺍﺑﻨﻬﺎ
ﺿﺮﺑﺘﻪ ﺭﺿﻴﻪ ... ﻭﻟﻚ ﻳﺎ ﺍﺑﻨﻬﺎ ﻏﻴﺮ ﺗﺨﺒﻠﺖ ﺣﺘﺊ ﺗﻔﻠﺖ ﻋﻠﻴﻨﻪ
ﺭﺩ ﺑﺼﺪﻣﻪ ... ﻻ ﺟﺬﺏ ... ﻭﺷﺴﻮﻳﺘﻲ ﻋﻘﻤﺘﻮﺍ ﻧﻔﺴﻜﻢ ﻻﺍﺍ ﺗﺮﺉ ﻫﺎﻱ ﺳﺎﻣﻪ ﺗﺮﺣﻮﻥ ﺑﻴﻬﺎ ... ﺍﻧﻲ ﺣﺬﺭﺗﻜﻢ
ﺿﺤﻜﺖ ﺍﻧﻲ ﻭ ﻭﺭﻳﻬﺎﻡ ﺿﻠﺖ ﺗﻀﺤﻚ ﻋﻠﻴﻪ ﻭﻣﺎﻣﺎ ﺭﺿﻴﻪ ﻛﻞ ﺷﻮﻳﻪ ﻭﺿﺮﺑﺘﻪ ﻭﺗﻀﺤﻚ
ﺍﺭﺩﻑ ﺑﺎﻧﺪﻓﺎﻉ ... ﻫﺴﻪ ﻳﺼﻴﺮ ﺑﻴﻜﻢ ﺟﺮﺏ ﺭﺟﺎﺀﺍ ﺍﻧﻲ ﺑﻌﺪ ﻻ ﺍﻛﻞ ﻭﻳﺎﻛﻢ ﻭﻻ ﺗﺎﻛﻠﻮﻥ ﻭﻳﺎﻱ ﺍﻋﺰﻟﻮﺍ ﺍﻛﻠﻲ ﻻ ﺍﻧﻮﺏ ﻳﺼﻴﺮ ﺑﻴﻪ ﻣﺮﺽ ﻭﺍﻧﻲ ﻋﻠﺊ ﻭﺟﻬﻪ ﻋﺮﺱ ...
ﺍﺑﺘﺴﻤﺖ ﺭﺿﻴﻪ ... ﺍﻱ ﺻﺪﻙ ﺟﻨﺖ ﻳﻢ ﺧﻄﻴﺒﺘﻚ ﺷﻠﻮﻧﻬﺎ؟
ﺭﺩ ﻋﻠﻴﻬﺎ ﺑﻬﺪﻭﺀ .. ﺯﻳﻨﻪ ﻳﻤﻪ ﺗﺒﻮﺱ ﺍﻳﺪﺝ ﺳﻮﻳﺖ ﺑﻴﻬﻢ ﺳﻮﺍﻳﻪ ﻣﺤﺪ ﻣﺴﻮﻳﻬﺎ ﻃﻔﻴﺖ ﻋﻠﻴﻬﻢ ﺍﻟﻜﻬﺮﺑﺎﺀ ﻫﻬﻬﻪ
ﺭﺿﻴﻪ ﺑﺎﺳﺘﻐﺮﺍﺏ ... ﻳﺎﺍﺍﺍ ﻟﻴﺶ؟
ﺟﺮ ﻧﻔﺲ ... ﻣﻮﺗﻨﻲ ﺍﺑﻮﻫﺎ ﻛﺎﻋﺪ ﻣﻜﺎﺑﻠﻨﻲ ﺟﻨﻪ ﺑﻮﻣﻪ ﻋﺎﺩ ﻃﻔﻴﺖ ﺍﻟﻜﻬﺮﺑﺎﺀ ﻭﺧﻠﻴﺘﻪ ﻣﺤﺘﺎﺭ ﺑﻴﻬﺎ
ﻣﺎﻣﺎ ﺟﺎﻭﺑﺘﻪ ﺑﻀﺤﻜﻪ ... ﻋﺎﺩ ﺍﺧﺬﺗﻠﻚ ﺑﻮﺳﻪ ﻻﺍﺍ
ﺭﻳﻬﺎﻡ ﺗﻠﻮﻥ ﻭﺟﻬﻪ ﺑﺎﺣﺮﺍﺝ ﻭﻛﺮﺻﺖ ﻣﺎﻣﺎ ﺭﺿﻴﻪ ﻋﺎﺩ ﻣﺎﻣﺎ ﺿﺮﺑﺘﻬﺎ ... ﻭﻟﺞ ﺩﺧﻠﻲ ﺍﺳﺎﻟﻪ ﺷﺴﻮﻩ ﺍﻟﻤﻔﻠﻮﻙ
ﺍﺣﻨﻪ ﺳﺘﺤﻴﻨﻪ ﻭﺿﻠﻴﻨﻪ ﻧﺠﻤﻊ ﺑﺎﻟﻤﻮﺍﻋﻴﻦ ﻭﻧﻌﺰﻝ
ﻫﻮ ﺭﺩ ﻋﻠﻴﻬﺎ ... ﺍﻱ ﻳﻤﻪ ﺑﺴﺘﻬﺎ ﻭﻛﻠﺸﻲ ﺳﻮﻳﺖ ﻫﻮ ﻃﻔﻴﺖ ﺍﻟﻜﻬﺮﺑﺎﺀ ﻭﺍﻟﻠﻪ ﻳﻤﻪ ﺍﺷﺘﻐﻠﺖ ﺿﻠﻤﺎﻭﻱ
ﺭﺿﻴﻪ ... ﻫﻬﻬﻬﻪ ﺳﺒﻊ ﻣﺎ ﻳﻨﺨﺎﻑ ﻋﻠﻴﻚ
ﺟﺮ ﻧﻔﺲ ... ﺑﺲ،ﻳﻤﻪ ﺍﺧﺎﻑ ﻓﺪ ﻳﻮﻡ ﺍﺳﻜﺮ ﻭﺍﻫﺪ ﻋﻠﻴﻬﻢ ﻭﺍﻧﻮﺏ ﺍﺧﺎﻑ ﺍﻏﺘﺼﺐ ﺣﺘﺊ ﺍﺑﻮﻫﺎ ﻫﻬﻬﻬﻪ
ﺭﺿﻴﻪ ... ﻃﺎﺡ ﺣﻀﻚ ﻭﻟﻚ ﺧﻠﺼﻨﻪ ﻣﻦ ﺍﻟﺸﺮﺏ ﻓﻀﺤﺘﻨﻪ ﺍﻟﻠﻪ ﻳﻔﻀﺤﻚ ﻛﻮﻭﻥ
ﺭﺩ ﺑﺤﺰﻥ ... ﻳﻤﻪ ﺷﺴﻮﻱ ﻏﻴﺮ ﻛﻠﻪ ﻣﻦ ﻭﺭﺍﻛﻢ ﻭﺍﻟﻠﻪ ﻗﺼﺘﻲ ﺍﺣﺰﻥ ﻗﺼﻪ ﺑﺎﻟﺘﺎﺭﻳﺦ ﺷﻨﻮ ﺗﺰﻭﺟﻮﻧﻲ ﻭﺟﻬﻪ ﺍﻟﻄﺎﻭﻩ ﺍﻧﻮﺏ ﺳﺤﺎﺭﻩ ﻭﻣﻄﻠﻮﺑﻪ ﻭﻳﻤﻪ ﻛﻠﻪ ﺑﺼﻔﺤﻪ ﻭﻣﻦ ﺑﺎﺳﺘﻨﻲ ﺑﺼﻔﺤﻪ ...
ﻳﻤﻪ ﺍﻧﺘﻬﻜﺖ ﺑﺮﺍﺋﺘﻲ ﺣﺎﺱ ﺑﺬﻧﺐ ﺗﺮﺉ ﺳﺒﺤﺖ ﺑﺘﻴﺰﺍﺏ ﻭﻫﻲ ﺑﻮﺳﻪ
ﻭﺍﻧﺘﻢ ﺗﻔﻠﺖ ﻋﻠﻴﻜﻢ ﻭﻣﺎ ﺭﺣﺘﻮﺍ ﺣﺠﺮﺗﻮﺍ ﻧﻔﺴﻜﻢ ﻭﻋﻘﻤﺘﻮﻫﺎ ﺍﺣﺮﻛﻮﺍ ﺭﻭﺍﺣﻜﻢ ﺍﺷﺮﻑ ﺍﻟﻜﻢ
ﺭﺿﻴﻪ .. ﻫﺬﺍ ﻣﺎ ﻳﻨﻄﻴﻚ ﺍﻟﺤﻖ ﺗﺸﺮﺏ ﻭﺑﻌﺪﻳﻦ ﺍﻧﺖ ﺗﺸﺮﺏ ﻣﻦ ﻗﺒﻞ ﻻ ﺗﺰﻭﺝ ﻧﻮﺍﻝ ﻭﻗﺒﻞ ﻻ ﻳﻤﻮﺕ ﻓﻼﺡ
ﺟﻌﻔﺮ ... ﺍﻱ،ﻳﻤﻪ ﻣﻮ ﺍﻧﻲ ﺟﻨﺖ ﻣﺘﻨﺒﺊ ﻟﻠﻤﺴﺘﻘﺒﻞ ﺣﺴﻴﺖ ﺭﺍﺡ ﺍﻃﻴﺢ ﺑﻮﺟﻬﻪ ﺍﻟﻄﺎﻭﻩ ﻋﺎﺩ ﻛﻠﺖ ﻣﻦ ﺗﺸﻮﻑ ﻫﻴﺞ ﺍﺧﻼﻗﻲ ﺑﻠﻜﻲ ﺗﻌﻮﻓﻨﻲ ﺑﺲ ﺷﻮ ﻫﺎﻱ ﻟﺰﻛﺖ ﻻ ﺗﻬﻤﻬﻪ ﺍﻟﺨﻠﻘﻪ ﻭﻻ ﺍﻻﺧﻼﻕ ...
ﻟﺰﻣﺘﻪ ﺑﺤﻨﻴﺔ ... ﻳﻤﻪ ﻣﻴﺨﺎﻟﻒ ﺭﺟﻌﻬﺎ ﻟﺨﺎﻃﺮ ﺑﻨﺎﺗﻬﺎ ﻭﻫﻲ ﺻﺪﻙ ﻣﻮ ﺯﻳﻨﻪ ﻭﻣﺎ ﻋﺠﺒﻚ ﺍﻟﻨﻔﺦ ﺍﻟﺴﻮﺗﻪ ﺑﺲ ﺷﻨﻲ ﻗﺎﺑﻞ ﺗﺮﻳﺪ ﺗﻨﻀﺪﻫﺎ ...
ﺟﻌﻔﺮ ﺑﺎﺳﺘﻨﻜﺎﺭ ... ﺟﺎﺍﺍ ﺷﻠﻮﻥ ﻳﻤﻪ ﺍﺧﻠﻴﻬﺎ ﻣﻄﺸﺮﻩ ﻏﻴﺮ ﺍﻧﻀﺪﻫﺎ ﻭﺍﺑﺎﻭﻉ ﺍﻟﻨﻀﺪﺗﻲ ﺷﻠﻮﻥ ﺣﻠﻮﻩ
ﺟﺮﺕ ﻧﻔﺲ ... ﻳﻤﻪ ﺟﻌﻔﺮ ﺑﺎﻭﻉ ﻫﻲ ﺩﻛﻮﻝ ﺍﻧﻲ ﺟﻌﻔﺮ ﺩﺧﻞ ﻛﻠﺒﻲ ﻭﺣﺒﻴﺘﻪ
ﻭﻛﻒ ﺑﺎﻧﺪﻓﺎﻉ ... ﺟﺬﺍﺑﻪ ﻳﻤﻪ ﺍﻧﻲ ﻭﺍﻟﻠﻪ ﺣﺘﺊ ﻣﺎ ﻃﺎﻟﻊ ﻫﻞ ﺍﻳﺎﻡ ﺷﻮﻛﺖ ﺩﺧﻠﺖ ﻛﻠﺒﻬﺎ ... ﺑﺲ،ﻳﺠﻮﺯ ﺟﻨﺖ ﺳﻜﺮﺍﻥ ﻭﺩﺧﻠﺖ ﻣﺎ ﺍﺩﺭﻱ ﺑﺮﻭﺣﻲ
ﻫﺴﻪ ﺍﻟﻤﻬﻢ ﻳﻤﻪ ﺧﻠﻲ ﺗﻄﻠﻌﻨﻲ ﺗﻄﺮﺩﻧﻲ ﻻ ﺍﻧﻮﺏ ﺍﻛﻌﺪ ﺑﺎﻟﻜﻬﻮﻩ ﻣﺎﻝ ﮔﻠﺒﻬﺎ ﻭﺗﺸﺮﺑﻨﻲ ﺳﺤﺮ ﻭﺗﺨﻠﻴﻨﻲ ﺍﺻﻴﺢ ﻟﻮ ﻧﻮﻳﻠﻪ ﻟﻮ ﻣﺎ ﺍﺭﻳﺪ ...
ﺭﺿﻴﻪ ﻏﻤﺖ ﻧﻔﺴﻬﺎ ... ﺧﺎﺏ ﺍﻣﺪﺍﻧﻲ ﻫﻮ ﺍﻧﺖ ﺍﻟﻴﻜﻌﺪ ﻭﻳﺎﻙ ﻻ ﻳﺎﺧﺬ ﺣﻖ ﻭﻻ ﺑﺎﻃﻞ
