نوارس مقيدة

القيد الثامن

حَسبالي عَنهم تختلف بَس طلعت ،(حسبالي) .💔
#زمـࢪد

#نوارس_مقيدة
#نسرين_الاسدي

_______

زمرد

التفتت شفته صادق ..بس شني صاير جنه جني كفشته شكبرها وعيونه جواهن اسود ودشداشته فاتح الدكم البدايه ..

طلعني من صفنتي من كال : هلو زيتون شونج

زمرد : زمررررررردد

صادق : بالبحر روحي دوري .. وجع مو شكول واحد يسلم عليج .. بس لحضه المفروض العكس انتي تسلمين علي؟

صبيت الحليب بالكلاص وجاوبته وانه منطيته ضهري : انته مو شكول واحد يسلم عليك .. بعدين هذا انته جدامي شبيك؟ ولاشي الحمدلله عله سلامتك...

صادق : ويعة ابو الحجية اي ولله

زمرد : بگلب ليكرهوني...

صادق : بط.... احسن تعذبهم

يالله شلون بي هذا الخبل مادري ..راح لـ مرتضئ وشاف رجله وضل يسئله ومرتضئ يجاوبه .. ضاج من شاف رجله مورمه وبيها زراڰ .. شاله راد ياخذه كتله

: خلي يتريك

خلاه جدام الصينيه وكلالهه : حبيبي روضي اكل هسه انته وانه ارجع اخذك وياي وذاك الجلب انه اكتله شلون يسوي هيج بيك انعل ابوه اليوم ..

ياالله وانه اكول منتضر منين جايب الغلط ..دخل منتضر وهوا لابس دشادشته البيضه ولاف الغترة عله راسه يبعد عمري.. رفع ايده وكال : ثلام عليكم يابه

ابتسمنه ثنيناتنه وركض منتضر لحضن صادق ضل يبوس بي ويسولف وياه : بابا طاطق انه تتلت موسه الجلب حليته يبجييي شلون يكتل روضي احوي

صادق : بعد ابوك وطوايفه عفيه عليك وعاشت ايدك تربايتي ماراحت هدررر

منتضر بحماس من تشجيعه : اي ايي تتلته تتله حليته يحاف يباوعليي

صادق : بعد حيلي انته رجال ابن رجال بس كون لسانك يتعدل ويبطل رتل خوش

زمرد : بعده صغير بس يكبر ياخذ لسانه عله الكلمات

صادق : اي ولج بس هوا اكيد طالعلج احنه ماعدنه واحد يرتل ولسانه ثكيل

زمرد : لا والله انه بصغري جان نطقي كلش زين

صادق : غير جنتي اذا حجيتي كلشي مانفتهم منج يكول ديج مخنوك

ضلو منتضر وروضي يضحكون
زمرد : يااا شنو والله جذب اصلا وين شايفني بصغري انته؟

صادق : شايفج وسامعج غير جنتو جوارينه وتجين وي امج شسالفه ماعرفج

زمرد : هههه اي صح بس ماذكرك انه

صادق : انه اذكرج جنتي جنج وزغه ضعيفه وصغيرونة وشعرج جنه سيم مال ماعين هههههههههه

منتضر وروضي ماتو ضحڪ عله وصفه وضحكته .. بس جذاب والله ماجنت هيج.. ماراددته لان مبين ميت تعب وعلمود الجهال جاي يضحكهم وينسي مرتضئ وجع رجله..