يا ملجأ آتيه مُتعبًا وأغادرهُ مُعافى.
بنات بس ملاحظه صغيرة قبل بداية البارت
بالنسبة لتصرف سولاف مو بسبب الي سمعته من رسل وبس
البنية جانت تمر بحالة أكتئاب ما بعد الولادة بذيج الفترة
واغلبجن ما فهمن سبب تصرفها ولهلسبب حبيت اكتبلجن هاي الملاحظه____
#نوارس مقيدة
#نسرين_الأسدي____________
ديسمبࢪ /2019.
هسه شلون بلوه مانخلص من هاي السالفة؟
كالها محمد المتعصب من سيف وملحته يرجع يلتحق .. كل هاي الاشهر وهوا مُصر يرجع وشكد كالوله عوفه والف شغلة تكدر تشتغلها مايقبل.
سيف : شعليكم بويه انا غير هلشغلة ماشتغل رح يصيرلي 3سنين كاعد وساكت وشغل لبساتين ولمعمل ماحبه .. ورجلي وطابت
الحجية : ولك ابن الاوادم غير بالف ياعلي طابت رجلك مو اجو يكصونها وعلى جم مره جا متت وخسرناك
سيف : يما اذا مو يومي ماموت لو يحطون القناص براسي ..
ام محمد : كلكم شاهدين هذا اذا ماجاب موتي يجلطني ..
شبكها وباسها براسها : اسم الله عليج من عمري لـ عمرج .. بس انا الجيش ماكدر اعوفه وتعرفون احبه من صغري..
محمد : شوف هسه انه رح اسكت لان تلح بس وروح ابوي لو ترجع متصاوب لو شي وتطيح گلوبنه على جثتي ماتروح بعد
سيف : هسه اله تحلف بروح ابوي شمالك
محمد : علمود تعرف ماجاي اتشاقة
سيف : خوش الله كريم .. تمردون الگلب يلا ترضون ..
ام محمد : جا هين لتريده انته شنو ولك..
سيف : دعائكم والحافظ الله حبوبتي..
طلع تلفونه وخابر .. شوي وكال : ها ولك رحتم؟ جا يمته؟ خوش الله وياك...
محمد : ها خير؟
سيف : ان شاءلله يومين احنه طالعين
ابو صادق : ان شاءلله ترحون وترجعون بالف سلامة واهم شي تدير بالك مابينه حيل شوغات بعد
سيف : ان شاءلله عمي الله الحافظ..
: ونعم بالله ..
مرت الايام بسرعه وهسه احنه مُقبلين على سنة جديده .. يارب تكون سنة خير واحسن من القبلها ..
سيف مابطل ملحه وكلهم غير الجيش ماشتغل ماريد غيره .. اكو بيها البعض مايصدكون يتركو لان شغل خطر بس سيف معاند ويحب الجيش يكول مو جبان انه واعوفه من موقف وموقفين صارن وياي ..
بهاي السنوات تغيرين هواي اشياء.. سيف حطالي تلفون لمس انه وين اعرفله؟ ضل يعلمني عليه شوي تعلمت وماخله بي برامج بس الواتساب واليوتيوب اباوع بي فيدوات وهم 24 بيد نرجسة وادم بالصدف اكضه انه..
![](https://img.wattpad.com/cover/266130523-288-k237140.jpg)
YOU ARE READING
نوارس مقيدة
Romanceالرواية حقيقية الطيران حلم يراودونا منذ الصغر كلما ضاقت الحياة او شعرنا بالضجر نراقب الطير ونقبطه لوجوده على الشجر لكن طيرتي قيدها الزمن وجنحها انكسر حبيسة هي لسجان قد طغى وتكبر فهل ياترى ستجد من قيوده مفر ؟؟!! بقلمي نسرين الأسدي ...