نوارس مقيدة

القيد الثاني والعشرين

امجـد يڪول :
ردتج بَس انهّ ذاک المَامش بختّ عِنده.💔

#نوارس_مقيدة
#نسرين_الأسدي

____

كاعد ورا بالسيارة وموبايله بأيده اليمنه وامجد يسوق
حرك خرزات سبحته بأيده اليسره وضيق عيونه مستمع لكلام الطرف الثاني

: شيخنه احنه نريد فصل جبير المجتول زلمه مو فرخ ياهل.. لازم ناخذ منهم ونكسر ظهرهم لو نجتل واحد منهم.. ما عدنه غير هذا الحجي

هز راسه مستمع لنهاية الكلام وكال : ان شاء الله نحكم بلي يرضي رب العالمين ويبرد گلوبكم احنه جاين وماراح نتآخر

:اي ابو علي احنه معتمدين عليك.. ترا هذا ابنه المات مو لعب امه وابوه متسودنين عليه وليلهم ما نايمينه والجتلوه هم لازم ما ينامون

محمد :يصير خير ان شاء الله

قفل الموبايل ونزله مخليه بصفه وهز راسه :لا حول ولا قوة الا بالله.. ليش هي الفلوس راح ترجع المات حته تردون اطلبون هواي

امجد : وشراح تسوي انته شيخ.. تطلبلهم هواي لو واحد بواحد احسن؟

محمد : بويه امجد.. الي يموت ما يرجع لا الفلوس ترجعه ولا الدم.. الي يموت يروح من روحه وبس بس رب العالمين من خله قانون القصاص عالمود الناس لا تطغى وتموت هواي عالم وهمه مالهم ذنب رب العالمين آمر ينقتل القاتل بس..
بس الناس ضلت تصرف من كيفها وخرب كلشي

بهاي الأثناء دك موبايله بأسم ابد مجان متوقعه ولا خطر على باله يجيله هذا الأتصال بعد كل الصار
اتصال بأسم (د_ايهم)

رفع الموبايل وهو مصدوم وعيونه اشتعلت من العصبيه .. الو..

ايهم : مساء الخير شيخ محمد.. اني كُلش اعتذر منك لأن مجنت ارد على اتصالاتك.. بس هسه اني موجود بالعيادة وحاب اشوفك انته اول شخص حته اقدم اعتذاري

محمد بنبرة يحاول يخليها هاديه بس بداخله نار مشتعله : انه جايلك.. ياايهم وحالف بروح ابوي اعلمك شلون تستغفلني يلجلب

سد الموبايل وكال : امجد.. عوف الفصل وامشي لعيادة ايهم بكل سرعتك

امجد :صار شيخ

محمد :اجيت والله جابك يا ايهم الكو... سهلة جايلك

وصل محمد للعيادة وفتح الباب.. نهظله ايهم مبتسم وراد يستقبله بالسلام
بس جانت ردة فعله ممتوقعها ابد.. تقدمله ومباشرتآ قبل لا ينطق بأي كلمه
ضربه بوكس على وجهة.. رجع ايهم بخطواته وخله كفه على انفه الي، بدئ ينزف

صاح بيه بنبرة عصبية : لك كوا.... ساقط.. انته شني حسبالك تكدر تضحك علينه.. ولك انه شيخ محمد ابو علي الناس كلها تعرفني وتحلف بسمي يجي واحد مثلك سرسري حيوان.. ويستغفلني ولك انه تستغفلني