نوارس مقيدة

القيد الحادي والعشرين

وتكلاينه بسلف ما بي أمل نلتم..
سلف بي كل عشك ممنوع.. بت العم لـ ابن العم💔
#بثينة_امجد💔..

#نوارس_مقيدة
#نسرين_الاسدي

______

بخطوات متثاقلة وعيون مغوشة دخل للبيت.. لزم راسه بدوخة وخله ايده الثانية ع المحجر مالت الدرج.. شوي راحت الدوخة وكمل صعده..

خلص الدرج بالكوه لان يحس روحه يشوف البايات كل وحده ثنين من الدوخة للازمة راسه ..

وصل لغرفته راد يدخل ..بس تراجع وتمشه لغرفة اخوه .. وصل الها وطرق بأصابعه عله الباب .. طرق مره ثانية ماكو جواب .. اي اكيد ماكو جواب ليش منو كاعد هسه بـ 2؟

راد يروح بس سمع همس من وره الباب : يهو؟

بلع ريگه وكال بثكل : ا..انه صيحي محمد..

: خوش..

رجعت للجرباية وهزت محمد من جتفه وكالت : محمد محمد.. اكعد هذا سيف بره يريدك..

فز محمد بسرعه مفزوع وباوع للساعه وكال : شنهي سيف بهذا لوكت شيريد ياستار بس لا كتل لفرخه..

كام لبس ڰلبيته بسرعه وطلع .. شافه كاعد بالكاع ومنتجي راسه ع الحايط .. خله ايده عله جتفه بسرعه فز سيف وباوعله .. كام ووكف كدامه ونزل راسه وكال

: م..محمد ان..انا رجعت لغلطي مره ثانيه ا..انه رجعت اذنبت محمد..

خله محمد ايده بايده واستغفر ونزل الدرج وطلعو للحديقة... كعده ع الكرسي وكاله هسه يجي وراح جاب بطل ماي واجاله..

تنهد وكال : ليش سيف؟ شصار هلمرا ورجعت عله هلسم؟

سيف :مادري انه واحد مسودن ااانه لا الله راضي عليه ولا عباده.. انه مافيد بشي محمد .. لو افيد جان كضيت جواد الكو... من زمان بس انه مابيه خيرر

محمد : عوف نعال ليش رجعت سكران مره ثانيه ليششش شرربتهه ودخلته لبطنككك

سيف : ردت انسهه محمد ماكووو شي نسانيي وكلت لا رجعت هلمرا مايرف كلبي واذبحهااا .. قبض عله جف ايده وضرب عله كلبه وكمل .. ناااارررر هنا محمدددد ناررررر ..يوجعنييي كلبي يوجعنييي ..

بلع ريگه وكمل وهوا يباوع للفراغ : مادري شسوووي شفتهه نايمه جنها جاهل ادم بحضنها وهيه حاضنته عبالك تاخذ الامان منه هيه تريد واحد يحضنها محمد هيه تريد واحد يدير باله عليههااا .. ايديها لصغارر حاضنه ادم و..وكلها جروح كلها اثار تعذيبي عليها..

محمد : هسه انته مقهور عليها منها؟

سيف : مااادري اوفففف

خله جبينه ضد جتف محمد وكمل بخنكة : محمد الله عليك خل يروح هذا لوجع مني خلي تروح ذيج الليلة من بالي... نيسنياهاا اريد انساها مووتتني ..

محمد : اووف صعبة عليه اشوفك هيج سيف انته قوي صعبة اشوفك ضعيف هيج .. واكثر ضعف لان بعيد عن رب العالمين ليش ولك .. بدال ما تتوجهله وتخلي هوا الي يبرد كلبك تروح تشرب هلسم وتعصي...