نوارس مقيدة

القيد الثالث عشر

ابـاو؏ـلك غفل وآندار مـטּ تنداࢪ
مـاريدك تڪـول بـدونـي مايـڪدࢪ .
#زمـࢪده💔.

#نوارس_مقيدة
#نسرين_الاسدي

__________

عذراء

ركضنه لزمرد شفناها كاعدة منتجية عله الحايط ومغمضمه عيونها ..كعدت يمها وهيه تفتح بعيونها وتغمضهن.. خلت ايدها عله راسها وكالت بتعب واضح..

زمرد : وج راسي دايخه كلش..

عذراء : كومي كومي خل اخذج للغرفة..

اجت رسُل وسندتها وياي ووديناها بالصالة مالت الحجية بعيد عن الهوسة مالت النسوان.. جابتلها كلاص ماي وشربت منه..

رسل : انه مو كتلج عوفي المواعين لزكتي ..هسه شمالج راسج لو شنو؟

زمرد : مادري دايخه واحس جسمي نحلان كلش.

عذراء : يمكن من الفره والهوسة تعبتي روحي اصعدي ارتاحي بغرفتج ..

ساعدناها وديناها للغرفة وخذت رسل مرتضى تنيمه مارضه ضل يبجي رجعته يم امه ..اجه منتضر بسرعه هوا ودشداشته الحلوه

خله ايده عله جبين امه وكال : شمالج يما

زمرد : مابيه ياعمر امك بس شوي دخت

باسها بخدها وكلها بتحذير : يما ليث ماديلين بالج وتعبين روحج شعليج بلعرث انتي

رسل : شلون شعليها بلعرس

منتضر : مامحاجيج عمه.

رسل : يحضي حته الفروخ فوكي .. خلت وطلعت

منتضر : يما اكول لعمو ياخثج للطبيب

زمرد : لا حبيبي انه هسه انام واصير زينه..

كتلها من تحتاج شي تكلي ونزلت نرجسة ضلت جوه لا تتعور شيفكني من خبال سيف .. رحت لغرفة الحجية طمنت عله ادم وطلعت ادور عله نرجسة البت ماكو يما طاح كلبي..

ركضت لهبة : ولج هبيه وين نرجسة؟؟ شفتيها مو خليتها يمجن بالغرفة..

هبة : هاا.. مادري

جنان : ليش ماتباوعين لبتج والبيت مخبوص بالوادم..

عذراء : اسكتي عني مالي خلكج.. عفتهن وطلعت.. رحت للهول ماكو .. استغفرلله ..

رحت للمطبخ وكلت اشوف عمي ابو صادق اسئلة يمكن ماخذها سيف .. بس حضي فكر انه مالكيت بوجهي بس سيف ستوه جاي يدخل وبيده صينية استكاين الجاي .. شافني خزرني وكاال بحده

: شكو جايه تركضين ولباب مفتوح بله دخل واحد

عذراء : ها شسمه ..

سيف : شلون بيج وبـ ثولج؟ ولي منا وشوفي ادم لا تخلينه يم الهوسة..

عذراء : اي اي نايم بغرفة الحجية.. بس نرجسة