The Game Maker

Chapter 11

"Bahay ito ng kapatid ko. You're safe here," aniya sa akin ni Wolf. Tinulungan din niya ako alagaan si Sky. Pangalawang araw na namin dito sa safe house ng kapatid niya.

"Si Drake lang ba ang kapatid mo?" tanong ko rito.

"Nope. Si Gaia, kapatid namin siya sa ina."

Napanganga naman ako. Kilala ko si Gaia. Asawa siya ni Roice Walton na anak ng Senador.

"Salamat, Wolf."

"I'm not sure kung hanggang kailan ko kayo maitatago. Kilala mo naman ang asawa mo. Hindi titigil si Geller, hangga't hindi niya kayo mahahanap."

Yumuko naman ako.

"Kailan ang due date mo?" tanong ni Wolf na nakatingin sa aking tiyan.

"N-Next week."

"So anytime puwede ka na manganganak?"

Tumango naman ako. Pakiramdam ko rin malapit na ako manganganak.

"W-Wolf? Bakit iba ang kulay ng mga mata ni Drake, I mean kulay abo iyong sa kan'ya at kulay asul naman sa'yo."

Nakatitig naman ito sa akin. "Yes, kay Mommy siya nagmana which is, ganoon din ang kulay ng mga mata ni Gaia. Ako naman, kay Daddy."

Napatango naman ako.

"Oo nga pala, kung may kailangan ka pa sabihin mo lang. Lalabas ako bukas, ilista mo lahat ang kakailanganin para sa baby mo."

"S-Salamat."

Tumayo ito at pumunta sa kusina. Sumunod naman ako at tinulungan itong gumayak ng aming hapunan. Si Sky, maaga itong nakatulog.

"Umupo ka na lang. Kaya ko na ito," aniya na inalalayan akong umupo.

"Boss, nandito sila Sir Drake at kasama ang mga kaibigan niya," aniya ng tauhan ni Wolf.

Bigla naman ako kinabahan. Kaibigan? Hindi kaya kasama si Tristan?

"Papasukin mo."

"Okay, boss."

Nanginginig naman ang katawan ko.

"Don't worry, sila Javi at Tres ang kasama ni Drake," aniya sa akin ni Wolf na hinawakan pa ang aking kamay.

Nakahinga naman ako ng maluwag sa sinabi ng binata.

"Putang-ina, Lobo! Ang gago mo!" bungad na sigaw ni Javi kay Wolf.

Nakatingin naman silang tatlo sa akin.

"Nasaan si Sky?" mahinahong tanong ni Tres sa akin.

"T-Tulog na siya," mahinang saad ko kay Tres. Ngumiti naman ang binata sa akin at tinapik lang ako sa balikat.

"Kath, nagwawala ang asawa mo. Pinagbabaril niya ang kan'yang mga tauhan," aniya ni Drake sa akin.

Napabuntonghininga naman ako. Naalala ko si Manang Precy. "Drake, si Manang Precy?!"

"Don't worry, hindi siya sasaktan ni Dos. Parang Nanay na niya si Manang Precy."

"Hindi ka talaga nag-iisip, Lobo. Oras malaman ito ni Dos. Mapapatay ka talaga niya," diin na saad naman ni Tres.

Nag-alala naman ako. "A-Ako ang humingi ng tulong sa kan'ya. A-Ako ang may kasalanan."

"Tama na. Wala na tayong magagawa. At ikaw naman, Lobo. Hindi porke't kapatid kita, basta ka lang gumawa ng desisyon na hindi ko nalalaman!" aniya naman ni Drake.

"Kath, kailan ka manganganak?" tanong naman ni Javi sa akin.

"A-Anytime. Due date ko next week."

"Okay. May mga gamit ka ba? May gatas? Diaper?" aniya naman ni Tres.