The Game Maker

Special Chapter

DOS POV

"CLOUD, baby?" napahilot naman ako sa sentido habang nakatingin kay Cloud na nagkakalat na naman ng laruan niya.

Wala si Kath ngayon. Kasama niya sina Sheena,Rere at Mary na nag-outing ang mga ito. Ako ngayon ang nag-aalaga sa mga bata.

"Sky, tingnan mo ang kambal," aniya ko habang nililinis ang mga kalat ni Cloud.

Anim na taon na si Sky. Ang kambal maglilima pa lang. Si Cloud naman magtatatlong taon pa lamang.

"Daddy! Daddy!"

Napalingon naman ako kay Sky na tumatakbo palapit sa akin.

"What happened?!" natatarantang tanong ko sa aking panganay.

Nakanguso naman ito. "Ang palaka ko. Pinakawalan ni Hunter!"

Napahilamos naman ako sa aking mukha. "Hunter!" galit na sigaw ko.

Dali-daling lumabas ng bahay at pinuntahan ang kambal.

"Holy Christ!"

Napanganga naman ako na nakatingin sa mga palaka ni Sky. May mga tali ito sa leeg at labas na ang mga dila. Ang baboy naman ni Heath na galing pa ito kay Sun na anak ni Kier ay nakatihaya ito at may ipit ang mga dede. Ang ipit na ginamit ay galing sa sampayan sa likod ng mansion.

Oh my God! Anong parusa ito sa akin!

"Damn! Heath, tanggalin mo ang mga ipit. Nasasaktan ang biik!" inis na saad ko rito.

"Hunter! Anong ginawa mo sa palaka ni Ate Sky mo!"

"D-Daddy," maluha-luhang saad niya na nakatingin sa akin.

Bwesit talaga! Takot pa naman ako sa palaka! Wala pa naman ang mga katulong namin. Pinabakasyon lahat ni Kath. Sadyang pinapahirapan talaga ako ng asawa ko!

"Sky!" Sigaw ko.

"Daddy!" humahangos naman lumapit  si Sky sa akin.

"Pakawalan mo ang palaka. Then, tanggalin mo ang ipit sa dede ng biik."

"Daddy, The frogs are dead already!" mangiyak-ngiyak na saad ni Sky.

"P-Patay na iyan? Sure ka?" nagdududang tanong ko.

Kumuha ako ng mahabang stick at sinundot-sundot ang isang palaka. Napangibit naman ako na hindi ito gumagalaw.

"I told you, Daddy. Kasi nga po tinalian ni Hunter sa leeg, kaya nasasakal sila!" inis na saad ng panganay ko.

Napalunok naman ako.

"S-Saglit. Tatawagan ko lang sila Uncle Terrence. Puntahan mo muna si Cloud," aniya ko kay Sky.

"What's up," bungad na saad ni Terrence sa akin.

"Bro, available ba kayo? Tulungan niyo naman ako mag-alaga sa mga bata," mahinang saad ko rito.

Isang malutong na tawa ang narinig ko sa kabilang linya. Napairap naman ako nang narinig ko ang halakhak ng mga kapatid ko.

"Sige pupunta na kami diyan. Total wala pa ang mga asawa namin at kasama ang mga bata," sigaw naman ni Tiger.

Napabuntonghininga naman ako at lumuwag ang aking pakiramdam.

"Thanks," agad ko pinatay ang tawag at humarap sa kambal.

Nakatingin lang ako kay Heath na tinatanggal ang mga ipit sa dede ng baboy.

Bawat hila ng ipit ni Heath, umungol naman ang biik na parang nasasaktan.

"H-Heath, dahan-dahan lang. Nasasaktan siya," nakangibit na saad ko.

Napakamot naman ako sa aking ulo na nakatingin kay Hunter.