لعنة حبي الكاذب

البارت الثالث عشر

السلام عليكم

نور ال زياده

قل للشامتين ان نوائب الدنيا تدور

فيان : بعد الي صار ابتهال صارت تصيح وتغلط تهسترت على اثر صوتها نزل امير

امير :هاي شكو شبيكم الخاطر الله ؟

ام اوس :تعال شوف مرتك خبلتها للبنيه ذبت الكلام ومشت

امير :ليش شكالت ؟

ابتهال :تكول رجلي متزوج عليه

فيان :سمعتها ورحت للهول،،،وكفت متخصره

كلتلها

وشكو بيها ؟!هسه اني مو زوجي اتزوج وراح يسويها مره ثانيه ؟

ابتهال :وتقارنين نفسج بيه؟

اني عندي اهل يسدون عين الشمس وانتي مكطمه!!

اصلا زايد خير بعده أخويه ملفيج

فيان :باوعت على امير على امل يردها بس هو ولايمه

جاوبتها

كلنا اولاد تسعه والدلاله حالي حالج رجلي تزوج وانتي هم نفس الشي سوا

واذا اخوج راح حجا ويا راح يكله قابل ربك وحد مو انته هم اتزوجت على مرتك

امير :فيان سدي حلكج لتثغثيها هاي يسموها شماته

مو انتي عود تصلين مو تدرين الشماته حرام

فيان :الضلم حرام ،،والكذب حرام،، والغش حرام والشماته حرام،، وكلها عيشتوها الي

ليش شنو الحرام يمشي على ناس وناس؟؟

قبل دقائق خواتك وامك ومرت اخوك تشمتن بيه لان سمعن بيك خاطب

ليش هنه حلال واني حرام وين العدل؟

ساره :انتي ليش تكذبين هو منو حجا وياج بس تدورين مشاكل

امير :عوفينا من فلسفتج التافها وصعدي يم ولدج
لااطيح حضج

من رحتي لبيت خالي ولليوم انتي تتفلسفين كله من ورا خالي العار هو وولده كووا عينج هاي الصلفه

فيان :عفتهم وصعدت لان هيج بشر اذا محسوبين على البشريه مينفع وياهم الكلام

خاله وولده عارات ؟ههه تروحلهم فدوه انته واهلك ياريتك مثلهم

بس اااااخ الصوج مو بي بحضي اللمصخم الي وكعني بي ومانصفني ويا

هاي موعمه وولد عمه مومثله زلم ينحلف براسهم
ينحطون عالجرح يطيب

كلها بكفه وساره الي عبالي ادميه طلعت اكبر حاقده

تذكرت كلام حازم عليها وشلون نصحني منها

صح اكرها بس كل يوم يثبتلي كل كلامه صح

واني الغبيه الوحيده هنا بس بالنتيجه شنو بيدي اسوي