السلام عليكم
نور ال زياده
~~~~~~~~~~~
مفاااااجاااه !!!!
فيان : الكل صاح مفاجئه ،،
ضليت صافنه وخاله ايدي على كلبي من الخوف واني اراقبهم
كلهم مجتمعين نرجس واطفالها حاضرين واوس وعمتي وساره والبنات كلت...
هاي شكو ؟؟
حسيت ايد لامست كتفي من ورا تقرب وهمس يم اذني....
حازم :كل عام وغاليتي بالف بخير
انداريت مبتسمه ومذهوله من الي ديصير
حازم :تعال حمودي انته هم كل عام وانته بخير حبيبي
شيماء :يولي شبيج اليوم موعيد ميلادج وبعد يومين عيد حمودي؟
حازم سوالكم مفاجئه وسواهن بيوم واحدواجتمعنا اليوم نحتفل بي سوا
فيان :ابتسمت والدموع تجمعت بعيني ماكو احد نهائيا كل حياتي سوالي عيد ميلاد حتى اهلي لان والدي ميقتنع يكول حرام على هل شي وامير هل امور يعتبرها شي تافه ومااله اهميه لهذا مافد يوم ذكر عيد ميلادي
كانت حسره بداخلي طول العمر وامنيه واليوم حققها الي الانسان الوحيد الي ممكن يستحق اطلق علي حبيبي ،،،باوعت علي بامتنان
صار الكل يعايدني ماعدا ساره وعمتي ام امير الي اخذو حمودي وعايدوا وقدموله الهدايه
طفينه الشموع وقطعنه الكيك وحمودي مكيف لان قطع كيكته بنفسه صار بيومها عمره سنتين
باركولنا وقدمو الهدايه الي واله اماحازم طلع قلاده ذهب بيها اسمي ومبينه ثقيله فرحت الى درجه دموعي نزلت
حازم :يوووو اشتغلت ام دميعه تحزن تبجي وتفرح تبجي
ابو فاروق :اكعد راحه وجوز عن بنيتي تعالي يابا تعالي خلي اباركلج وانطيج هديتج عذريني مااعرف شنو اجيب اني من اهل قبل هاي هديتي
فيان :اخذتها وشكرته بعدين فتحتها ضرف بي ورقتين
خاله ام فاروق جايبتلي كاوية شعر وشيماء ساعه وفاروق قدملي عطر نوعيه فاخره كلي نيابه عني وعن هديل
واوس جايبلي محبس ذهب ونرجس فستان تشكرت من الكل
بس فاجئني حازم من انطاني هديه ثانيه طلب مني افتحها بعدين واكيد احترمت طلبه
احتفلنا واكلنا كيك لان احنا تعشينا برا والكل تعشوا قبل لنرجع للبيت
كملت الحفله وكل شخص رجع لمكانه ونرجس اصر فاروق يوصلها رغم رفضها لان هديل ضاجت
صعدنا لغرفتنا سبحت اني واحمد طلعنا بدلنا ونيمت احمد الي تعب من اللعب بالعابه وهدايا
DU LIEST GERADE
لعنة حبي الكاذب
Romantikشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
