لعنة حبي الكاذب

البارت الخامس والاربعون

السلام عليكم

نور ال زياده

~~~~~~~~~~~~
فيان :فتحت عيني اني بالغرفه مااعرف شوكت غفيت

اني ونايمه بمكاني سمعت صوت الباب
وبعده صوت شيماء ونرجس يطلبون مني افتح الباب جاوبتهم.....

--شتريدون روحوا عوفوني بحالي

شيماء :فتحي الباب لخاطري اريد احجي وياج

نرجس :فيان فتحيها لتخوفينه عليج

فيان :مابيه شي روحوا

شيماء :ليش هيج سويتي خليتي يخاف عليج ولج يريد يصعد يشوفج ضل باله كوه منعنا

هو شنو ذنبه وحملتي مسؤليه موت ابنج ؟

فيان :استفزني كلامها فتحت الباب بعصبيه وكلت.....

--شنو هل الكلام هو منو محمله مسؤوليه موت احمد ليش هو شعلي ؟؟

شيماء :تصرفاتج واسلوبج كل شي يدل على هل شي خليتي ياكل بروحه اكل

كوه قنعته ميصعدلج وهو بهل وضع اخذنا للغرفه

يريد يحجي وياج ....

اعرف انتي تعبانه والي دتمرين بي جدا صعب بس هو مااله ذنب هو هم تعبان ورجع من الموت ارحمي بحاله لتزيديها عليه

فيان :اني ماكلت اي شي حتى هيج يفكر واذا هو تعبان قاط اني الف قاط راعو وضعي رجائا ولتضغطون عليه

نرجس :حبيبتي نعرف ومقدرين وضعج بس هو خايف عليج وبنفس الوقت وضعه صعب راعي وضعه وامشي شوفي واحجي ويا لتخلي يتلوع

فيان اذا صار بي شي لاسامح الله عود شتكولين وشتسوين

بصعوبه الولد سحبو واخذوا يرتاح حتى كوه يتنفس ومع ذلك باله يمج امشي ياعيني ولتشلعين كلبه

فيان :نزلت وياهن دخلت للغرفه

الولد ترخصوا وطلعوا

من شافني كعد نفسه عدل وهو ماسك صدره وينضر الي بلهفه

رحت يمه بس ماكلت ولاكلمه يمكن لان ماضل كلام

جر ايدي وكعدني امامه

حازم :شلون صرتي ؟

فيان :زينه

حازم :اعرفج موزينه وسالتج احاول افتح حديث وياج لان اعرف انتي ماخذه مني موقف

فيان :رديت بعصبيه....

على شنو اخذ موقف قابل انته موته شنو شايفني بلا عقل حتى هيج افكر ؟

حازم :مرات الانسان بسبب صعوبه الموقف والضغط الي يمر بي يحس الكون كله ضده وسبب معاناته حتى اقرب الناس

  هيج فكرت لان ردت فعلج اتجاهي كانما كارهتني او رافضه تشوفيني لهذا هيج فكرت

فيان :ماكو داعي هيج تفكر مااتهمت احد اصلا كل الي مريت وداامر بي بحياتي سببي وحدي اني الي اختاريت امشي بهل طريق