السلام عليكم
نور ال زياده
فيان :شنو مافهمت يعني حازم انته الي برئتني ؟
زين واوس ؟بس اوس كلي اني الي ضهرتها لبرائتج وحتى امير هم كلي نفس الكلام
حازم :سدوا هل المواضيع وعمه سكتي بنتج كافي
فيان :لا حازم موكافي فهمني
حازم :بعدين فيان رايح اني هسه يم الزلم
وانتن مااريد حس حتى مادخل اللكبار بالموضوع
وانتن تفهمن قصدي خصوصا انتي تماره
لتخليني افتح مواضيع الافضل متنفتح لان اذا انفتحت ....
متشوفين زواج بعد كل حياتج لاانتي ولا خواتج
واحتمال ميصبح عليج صبح تعرفين كل شي ولا الشرف
وانتي عمه فهمتي قصدي موووو؟،،،،
كعدوا شاركونا فرحتنه بس باحترام حتى اضل محترم وياجن
فيان :حجى هل كلام وعافنا وطلع واني صافنه ودايخه باللي سمعته ....
معقوله يوصل كذب وحقارة اوس لهل مرحله ؟
يكذب عليه ويلفق بالكلام
زين وامير ليش هم ايد كلام اخو ؟
مداافهم اي شي ياربي
سكتن كلهن بعد تهديد حازم
شيماء ؛اي حبابات اريدجن هيج كاعدات وساكتات
حقجن تعرفن حازم كول وفعل سواها قبل ويكدر هسه هم
ام تماره؛سكتنه شكو بعد تعيدين وتزيدين بالموضوع
كومن يمه خلي نطلع احسن لومجايات احسن النا
شيماء :اي ماصرف الجن الكلام ولانجحتن تخربن فرحتنا ولا شفتن احد صدك كلامجن فضجتن
لان اذا فيان غريبه وبيها مجال يصدكون كلام يطلع عنها
فكلها تعرف منو الدكتور حازم وشنو اخلاقه وتربيته
ومو حازم الي يخلي عينه على عرض زوجة ابن عمته وهو عايش
زوجة عمهم ام خالد؛اي عاد والنعم من حازم ومن اخلاقو
الكل تحلف براسو واحنا اولهم
دين وديانه وخلقه واخلاق وثقافه كامل والكمال لله
و فيان مبينه خوش بنيه وحلوه وتستاهلو
ام تماره :ماكلنا شي بس مالكى غيرها؟
مو كوم بنات وبعدهن بنات بيوت الا هيه شنو تفسيرها؟
ام خالد :كلنا عدنا بنات حتى اني....
بس من مااختار بناتي مو لان بيهن شي
الف من يتمناهن،،،،
بس نفسو وماتريد ونفسو هوت فيان واخذها والله يسعدو
YOU ARE READING
لعنة حبي الكاذب
Romanceشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
