السلام عليكم
نور ال زياده
~~~~~~~~~~~~
شيماء :اريد احجي وياك بموضوع
حازم :بعدين تعبان هسه اريد انام
شيماء :اوكف لتتهزم ،،تعال ليش ماكتلي شفت فيان؟ ليش صاير تضم عني؟ شنو الي غيرك؟
حازم :شفتها ولا ،،لا ،،لاتهمني ولا بعد المفروض تهمج
شيماء :لاتهمني ونص،، وانته هم تهمك موعبالك مامنتبها صار كم يوم انته فد مره تعبان ومهموم واليوم الي شفتها بي بالتحديد حتى قرحتك نزفت وضليت بلا اكل طول النهار شتفسر هل شي مثلا من السعاده والفرح لو لان مامهتم ؟
حازم :انتي شتريدين بالضبط ليش مصره تذكريني مونسيت وعشت حياتي واني هسه عاقد واسيل متستحق مني غير بس الاحترام والوفاء
شيماء اني تعبت اريد ارتاح واستقر كافي سنين عمري راحت واني احبها وادور رضاها بس خلص انتهينا وصرت متاكد ومقتنع فيان مونصيبي
شيماء :واني ماكايله شي انته شفت حياتك وهل شي من حقك بس ليش احسك موسعيد؟
ليش مدااشوف الفرحه والحب بعيونك اتجاه خطيبتك ؟
حتى بيوم العقد حسيتك متردد تكول نعم للشيخ من سالك
ومن لبستها الحلقه والذهب حسيتك كاره هل شي ومامرتاح وموسعيد ليش خطبتها اذا هيج؟
هي هم اللبنيه شنو ذنبها؟
حازم :اني حبيت مرتين بحياتي والمرتين حبيت بقوه بس ثنينهن ماحبني ولارادني لهذا كرهت الحب
وقررت اشيله واشيل حتى فكرت الزواج من بالي
بس مره شفت اسيل وذكرتني بنفسها كنا طلاب سوا بمرحلة التدريب من وقتها شفت نضرت الاعجاب بعيونها بس ماانطيتها امل حتى متتعلق
وبعد كل هل سنين هم رجعت شفتها وكانت هم نفس النضره اتجاهي
الى ان مره اجتي اعترفتلي بمشاعرها ماعرفت شنو ارد مارفضتها ولاوافقتها بس اعترفتلها اني مريت بتجربه وانفصلت وبعدني احب طليقتي وكان جوابها....
اسيل :اني مستعده انتضر الى ان تنساها وصدكني راح اخليك تنساها
حازم :ضليت فتره افكر بكلامها كانت اسيل شاريتني وحابتني بس اني ماردت تتاذى بسببي لان هي خوش بنيه لهذا مارديتلها خبر وهي انسحبت من كيفها لان فهمت ردي بس اني خلال هل سنه ونص كلش تعبت محد حاس بيه كلكم متعرفون شنو الي بداخلي
انتو تشوفون معدتي تنزف بس بالحقيقه اني احس كلبي الي ينزف
تدرين حسيت راح اتخبل وصلت بيه صرت من اشتاقلها اقلد فيان بتصرفاتها واسمع اغانيها واستعمل عطرها رغم هو نسائي ،،،صرت اقلدها بكل شي حتى بس احتوي شي منها
ВЫ ЧИТАЕТЕ
لعنة حبي الكاذب
Любовные романыشكيت بيك من يوم الي شفت الدم بقميصك بس كلت لا مومعقوله .... كنت متصوره امير لعنتي ،،طلعت انته لعنتي الحقيقيه ،،تصورتك ملاك ،طلعت شيطان . . حبيتج الى درجه اذا حبي تحول الى مطر يغرك الكون كله . . هل سمعتم يوما باللعنه ؟ وهل ممكن ان يصاب بها الانسان...
