ازقة الموت
زينب العبودي
البارت 47
صدق عندما قال دوستويفسكي
فرحةُ الحبِّ عظيمة
، لكنَّ المُعاناة فظيعه ، والأفضَل للإنسَان أن لاَ يحبّ أبدا."
تقرررب عليه بخطواته
انتِ الشنوووو تريدين توصلين فهميني
باوعت باستغراب عليه كتله مفهمت
فهمتي كلش زين الي قصدته لتسوين رووووحج غشيمه
باوعت عليه يحجي بنتر ويباوعلي بحديه متحملت كتله هوووووو شنو الي اريد اوصله شمسويه ااااني شوكاعده وساكته رغم الذله الي ذاليني بيهه
لتصيحيييين بابا لتصيحين
ممصيحه ممصيحه اااني .....انتَ الي صعدت وركعت الباب وكاعد تشمر بكلام ممفهوم اشتريد بالضبط مكاعد افتهم مشكلتك شنو
شمسويه اني شو محبوسه وكاعده هناااا لا حاجيه ولا مصخمه
الف مره كايلج من تحجين وياي صوتج ميعله
وبعدين منو ذالج هنا شو انتِ اللسانج شطوله وماكو مصيبه متدخلين خشمج بيهه وفوكاهه تگولين ذاليج
بشنوووو مدخله روحي لان نزلت سمعتكم تتكاتلون وانجابت سيرتي ونزلت شنو المشكله اذا ااانزل شنوووو
شو انتم وكل شويه واحدكم صاعد هنا على شنوووو كل ماانزل ابتلي على عمري
شنو الي اريد اوصله من نزلتي بشرر كاعد محبوس بين اريع حيطان دقايق بس ينزل ميبقه واحد بيكم ميسمعني كلمه
اني بسجن لوووو شنو. مكاعد افتهم
-موووو موضوعي هذا
لعد شتقصد مكاعد افتهم عليك
اااانتَ شتررريد هسه شتريد مني
ماريد شي منج اريددددج تفهمين
اني اااااعتبرج حالج حال شرشوبه فهي هذا الشي
اااااافتهمت افتهمت هذا الحجي فهمه الهم موووووووو الي صاعد تگلي هذا الحجي ليش
مو اني الي تهجمت عليك وشمرت عليك كلام روح حاسب الي شمر عليك بالكلام
اني مو حايط نصيص هناااا بعد مااتحمل كلامك وصل حدهه كافي تتهمني
وبعدين انتَ شنو ششفتني حتى تحجي وياي هيج انتَ هم بالنسبه الي
سكتت وباوعت عليه بنظرات حزن وعيوني مغورگات
اااااني اني لو مو امنيه وخوفي عليهه من فاهم مستحيل ابقه هنا بعد بس شسوي مغلوب على امري ماعندي احد اليوكف بوجه فاهم وماريد امنيه تعيش هنا منتظره الفرج واخذهه واولي منااااا
تعرفين شنوووو المشگله
استغفررررررر الله استغفرررر الله
لج لج اااااااانتِ لعنه وكعت على راسي
ومكاعد اخلص منهه
