ازقة الموت
زينب العبودي
البارت 48
تأكدت من الصوت اكو احد بالبيت گبل طبكت الباب حيل وويه الطبكه گلبي حسيته نهد ايدي كامت ترجف كوه قفلت الباب
وتجيت ظهري عليه
واني مفتحه عيوني بكل وسعهن يارب يارب دخيلك ساعدني
اندكت الباب كبل فزيت ووخرت منه
وخليت ايدي على حلگي وشهكت وبنفس اللحظه باوعت على امنيه
-اني وطبان فتحي الباب
من كال هيج كبل اخذت نفس وخليت ايدي على گلبي
اه اههه وووطبان
وتقربت على الباب فتحته اول مفتحت الباب
صدك تحجي انتَ
ادري من تدخل للبيت غير تطلع صوت گلبي راد يوگف
والله
اجيت اخذج بدلي بسرعه ولفي امنيه زين
وين راح تاخذنه
للمستشفى سعيد وضعه تعبان وما أأمن ابقيكم وحدكم هنا استعجلي
شبي سعيد
وضعه تعبان مو وكت كتلج لبسي بسرعه اريد اروح
شلبس
عبايه غير شتلبسين يعني
ماعندي
كبل راح للكنتور طلعلي سويتر وخلال بيدي
لبسي بسرعه
ويه الدشداشه شلون رهمتهه
اي مو عندج جمهور بره خاف يشوفوج دليسبي لبسي
وراح على امنيه دنك وهو يشيلهه باسهه من شفتهه
ماكو شي تلفيهه بي اخاف عليهه من المستشفى
بس شسوي ماعندي غير هذا الحل
ماعندي
راح للكنتور طلع سويتر من كنتوره ولفهه بي وگال استعجلي وجيبي حفاظات والممه خاف نطول هناك
ربكني استعجلي بأستعجلي
نزل قبلي واني نزلت وراه اول منزلت انطاني علاكه حتى اخلي بيهه اغراض امنيه وفتح الباب وتبعد شويه عنه حتى اطلع واني اريد اطلع رفع الكبوس مال سويتر
باوعت عليه گبل كال تحركي يمعوده
طلعت لكيت سياره بالباب كبل طبك الباب واجه فتحلي الباب الخلفي صعدت وطبگه
ورجع صعد وامنيه يمه
جان الي ييسوق واحد شعره صابغه اصفر وكوشه احس نفسي شايفته
الاول مره اتمعن بالبتاوين شوارعهه ضيقه وتكرب الروح
ومفلشه والحيطان بيهه لافتات هواي
وبيوتهه تصميمهن قديم وبيهن حجر بس مفلش
بس لو مهتمين بيهه المنطقه جان صارت اثريه وتخبل
دخلنه بدربونه جانن اثنين نسوان يتعاركن انصدمت شايلات سجاجين ووحده تهد على الثانيه وناس تفازعهم
وحده گبل هجمت وجرتهه من شعرهه
