ازقة الموت
تكملةً60
خليت ايدي على حلگه واني اتنفس سريع واباوع عليه
لتگولهه ....لتكولهه وطبان
ليش كاعد تسوي بيه هيج ليش .....ليش كاعد تعذبني
وخر ايدي من حلگه وكال
انتِ مخبله متعرفين بروحج شتريدين ساعه تهاجميني وتطلبين مني اطلكج ومن اريد اطلكج تعترضين
انتَ شنو من بشرررر شوكت تفهمني من اكلك طلگني مو معناهه اريدك تطلكني
من اكولهه اريد اعرف تحبني لو لا
تتخله عني بسهوله لو متتخله اريد اشوف حبك ألي
مو تطلگني گبل هو هذا حبك ألي
تعبتني وطبان تعبتني هواي تعرف شنو مشكلتي
لا وياك مرتاحه ولا بدونك ارتاح
شي واحد ردته منك تعوف هذا الشغل ونروح بعيد
هذا الي ردته منك
-وهذا الشي مااكدر انطي الج اااااني مااكدر كتلج حاولت
وردت اصير حالي من حال اي بشررر اشتغل شغل نظيف وايوياي عائله
مررررهمت ولا راح ترهم
لان النظيف بهذا الوكت يخسرررر هواي
كالوهه هواي ألي ومسمعت منهم بعدني توني فكرت انظف وخسرت ساجت وممستعد اكعد واتفرج وهمه يصفون واحد واحد من اخوتي
-هو هذا حبك ألي تضحي للكل وتضحي بيه
ابقيج تكولين تضحي بيه اعوفج تضحي بيه
كافي دوختيني واني تعبان
روحي نامي بلكت تعرفين بروحج شتريد بالضبط
عافني ونزل أيست منه مراح يسمع مني لو شوف شسوي
اول منزل اجتي زهراء
واخيراً نزل يمعوده امنيه شلعت گلبي تلج ماادري شبيهه
متسمعيهه
اجيت اجيت زهراء اجيت
اخذت امنيه منهه لكيتهه مهلوگه من جوه مع العلم مهتمه بيهه بس ماادري ليش
وتبجي من الهلك كوه نامت خليتهه بصفي على الجربايه جنت تعبانه ونعسانه توني اغفه
-ميسم تره جوعانه اني
شتريدين زهراء توني غفيت
راح انزل اني لعد
بس بسرعه صعدي
اي
زهراء-كلشي مماكله وميسم تعبان وضعهه حتى امنيه عايفتهه اليوم بطني كامت توجعني من الجوع ومليت من الحبسه عل اقل جنت يم الحجي انظف واركب حسيت نفسي اشتاقيت لسوالفه
نزلت جوه لكيت وطبان واكف يم الكاونتر بيده بطل كزاز خله بكلاص شويه
من فتحت الثلاجه دار وجهه باوع عليه
وبقه يباوع كتله
نزلت لان جوعانه تقرب عليه
اسألج سؤال
اسأل
انتِ من ياطينه مخلوقه
