ازقة الموت
البارت 60
فجإه دخل وطبان صار عندي أمل
بس اول مدخل ضربه واحد طلقه بس مطلع منه دم
من ضربه اني انهاريت وكمت اصرخ شلون كمت اصرخ ماادري
فتحت عيني واني اصيح وووووطبان وطبان
وانفاسي سريعه گبل وكفت على راسي زهراء
اسم الله شبيج يمعوده حلمانه مووو
باوعت عليهه مصدعه من الخوف
وجف ايدي مكورته بشده الدرجة اظافيري نابته على اللحم ودگات گلبي سريعه
باوعت على زهراء شعرهه ولبسهه يختلف
كتلهه بصوت بي خوف
وين امنيه
دارت وجهه وگالت هاي نايمه امنيه شبيج جنتي تحلمين مووو
حسيت شويه جسمي ارتخه من شفت امنيه اخذت نفس كتلهه
ووطبان وين
ياااا شمدريني قابل بوطبان
كعدت على حيلي و گلبي يوجعني بعده ومااحس نفسي جنت بحلم الحلم جان كأنما واقع كاعد اعيشه
كمت ونزلت دشداشتي بيدي جانت مرفوعه عبالك جنت اقاتل
رحت گبل على امنيه شلتهه وكمت ابوس بيهه واشمشمهه
راح اموت ولج امنيه راح اموت خوف عليج خايفه والله خايفه ياريت لو باقيه ببطني
زهراء-شحلمتي بلله جنتي تصيحين ووووطبان وطبان
الهاي الدرجه تحبي بحيث حتى بحلمج تصيحين بأسمه
درت وجهي عليهه
تعرفين زهراء اذا تبقين تستفزيني شسوي
والله وداعة امنيه الي هي اغلى شي عندي بهاي الدنيا
اجرج من شعرج واطلعج بره وشيصير بيج خل يصيررر
كمت مااطيقج ابداً
بس لا اني الكاتله وطبان بحلمج
انتِ انتِ كتلتيني ألي بالحياة وبعدج مصره تموتين بيه
لج مكاعد اصدك انتِ اختي الي ربيتج بيدي امدايه اي والله على هاي التربيه يمكن دللتج هواي وانطيتج اكبر من حجمج بحيث هسه كلشي عندج لا مبالاة بي
اسكككتي كافي لتجبريني اصير حقيررره وياج وانتِ اختي
بقت بس تباوع عليه وعيونهه صارت بيهه حزن
باوعت على الساعه بال١٠بليل
رجعت امنيه للكركوت مالتهه وطلعت من الغرفه گبل نزلت
جان هدوء البيت رحت للهول گبل واني امشي امسح بدموعي
لكيت ارقم وخزعل ارقم متمدد ومخلي عكس ايده على وجهه وخزعل متمدد على القنفه مثل وضعية الجنين ببطن امه وصافن على جرباية ساجت
تقربت عليه ودنكت كمبصت وذبيت كل حمل جسمي على ركبي
خزعل ممتعلمه اشوفك الهاي الدرجه ضعيف اعرف بيك مصدوم بس لازم تستوعب الي صار وترجع توكف على حيلك
